2 DLAŊ MULINARA 20:36 - Boy Lonana

³⁶ Asi vi vunusi ana asi min lum kawi ma tuɗ gus tlena ha ki hu mbassa dayra. Asi min lum kawi namma ni vun voo ma Esiyon-Geberna.

2 DLAŊ MULINARA 20:36 ပူးပေါင်းရင်းမြစ်များ

2 DLAŊ MULINARA 9:21

Mulna lum kawi mamsina kaa. Nam sunusi u tlena hu mbassa dayra. Suu ka jaŋ lum kawi asinana ni suu vi mulna Hiram suu wi sun lum kawina. Basara hindi ni lum kawina hoŋ ay halaŋŋi ki oy u gi lorra, donora, sii tlokka, viina u layagi suu juɓ u zina.

1 MULINA 10:22

Kay mulna Salomon lum kawi mamma kaa. Nam sun tlena hu mbassa daŋga. Suu mamsina taɓi ko tasi u suu vi mulna Hiramma. Hu basara hindi ni lum kawina hoŋ ay vo ni oyra u lorra, donora, sii tlokka, viina u layagina.

1 MULINA 9:26

Mulna Salomon ceɗ lumba ŋgolla gaɗ hu lumma Eziyon-Geberna tok eg Elat fun voo ma hu mbo lum ŋgolnana, fun Lum ma Cerewna hu mbassa Edomba.

NDUMBA 33:35

Yow ha hu Abrona, asi tuɗ cuk hu Esiyon-Geber.

1 MULINA 22:48

Hu coki ndaɗta ni mul ma ka hu mbassa Edombaɗi. Mul ma Yudana tin sana ha hu a gol lina ni mamu.

2 DLAŊ MULINARA 20:37

May Eliyezer, sa ma jok vun Lona, goŋ Dodava ma Marasena, di boyna kay Josafat ana, «Aŋ taɓ ko taŋ u Akaziyas, jiviya Yawe hin ɓalak va ma agi minim namma kiyo.» Gasi may, lum kawi namma tew ka a tuɗ hu mbassa dayraɗi, sii ki kaŋga duk mbona ni na gaw.

2 DLAŊ MULINARA 8:17

Salomon tuɗ hu Esiyon-Geber u Elat vun voona fun mbo lum ŋgol ma hu mbassa Edomba.