2 DLAŊ MULINARA 19:7 - Boy Lonana

⁷ Humugi u Yawe ŋgol cocoo, gol dlara agi laɗta jiviya kay Yawe Looygina ka min bay ɗegeera u ɓak ma sek ii suunaɗi, ka min ɓak ma lam u gursunaɗi lay.»

2 DLAŊ MULINARA 19:7 ပူးပေါင်းရင်းမြစ်များ

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

URA TIN AYRA 42:18

Hu buu ma hindina Yosef dasi ana, «Anni sa ma li ndaa Lona may, lini agi min kak iriya ni lagi ko an dagira na.

2 SAMUEL 23:3

Lo ma vi suu Israelnana di kiyo. Ҥinira vi suu Israelnara dan ki ana, sa ma ti mulla kay suuna u jivirana. Sa ma ti mulla u ndaa ma vi Lonana.

NEHEMI 5:15

Ki fokon jew ni, muli suu ŋgolo suu jewna ci suuna kiyo, yowosi mappana u sum veŋŋa ki kosiya, yowosi nus kelew doonona ki kosi dok-fiɗi olo. Suu masi suu li sunda lay las suuna coco lay. An tanda may ni an li ka naɗi, kay an li ndaa Lona.

JOB 13:10

Lini agi ŋgay tagi ni a suu duu u Lonana lay ni, nam hin kaagi ɓakŋa kagi lay.

JOB 34:19

Nam dew ni sa ma ka njun u mulɗi lay, ka ɗoɓ dlara vi suu ɦizina su mayra vi suu hawraɗi lay. Kay suuna halaŋ nam lasi ni namu.

JOB 8:3

Aŋ wi ana Lona kaɓakŋa ni kay gasira, ɗegee mamba ka mbuɗɗi.

SOOLLA 82:2

Aŋ hin kaɓakŋa kay suu co asina ni saɓa tuge? Aŋ li suu li dla cora jivira tu na ni amege?

KALKIRA 23:8

Aŋ vi va ko sa a gus ɓakŋaɗi, kay tlesuu ɦal nana ɓeŋ ɓak ma jivina kiyo, mbuɗ boy ma vi sa ma mamma ɗegeena ki coo.

EZAYI 33:15

Ni sa ma tuɗ u ɗegeera sa ma njaɗ dlara gasira. Sa ma ka vi va vi sa ki u ɦarambina, sa ma ka vi vaŋ sa kombina. Sa ma ŋgel humum ki ka hum boy ma co ma ci matnaɗina, sa ma dug irim ki ka min a gol dla coraɗina.

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

SUNDA 10:34

Piyer gijaŋ di boyna ɗaŋŋi ana, «Cecemi an wi ki gasi ana Lona ka ɓorow ii suunaɗi.

ROMMA 2:11

Lona ka ɓorow ii suuna zeɗ zeɗɗi.

ROMMA 9:14

Hin daygi ni ana mege? Lona hin mbuɗ co su? Nam ka mbuɗ coɗi.

GALATENA 2:6

Suu masi suu ay ko suu ŋgolona nana dlaasira asi laɗta ndolon kaɗi, kay Lona ka ɓorow ii saɗi, suu ŋgolo asina an dasi ana sa joɓon kay vaɗi.

EFESNA 6:9

Agi maliyasina li mborɓii magisina ko ndaɗta na may, ɦeɓesi kay dlara liraɗi. Humugi gagi kay agi may mborɓii magisina may, malagina ka kolo huulona dew, nam ka ɓorow ii saɗi.

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

KOLOSNA 3:25

Sa ma li cora hin fi warakŋa ni kay dlaamba cora may, kay mege Lona ka ɓorow ii suunaɗi.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

1 SAMUEL 11:7

Nam yow mbutlina mba', zasi bakasi kiyo, powosi ki may ni, yow tliwna sunum ki kay mbassa Israella dew dew ko suu vun sunda dira na, nam di ana, «Sa ma tuɗ ka duuna u Solɗi may u Samuelɗi may na, gola ni dlara hin laɗ eg mbutli mamsinara.» Yawe mbuɗ suuna ki ndaana, asi tuɗ ni ko ndal sa dewna na.