21 Ndaɗ hin di ana, an tuɗ kal boy ma kaboyna ki fun suu jok vun Lona suu vi mulnana bel bel. Yawe hoŋ dira ana, ni na daŋ may, ni yal ma jivi ma ganam yamma tuɗ li dla ndaɗta.»
Mise hin di hu olo ana, «Cemi ni dla ndaɗta li wa na may, Yawe hin ŋgussa kaboyna oy huu suu maŋ suu jok vun Lona a gasira Yawe min a mbaaraŋ ay kaŋŋi yoora na ɗow.»
Yawe di sa ma gaŋawna ana, «Aŋ tuɗa, tlegeyem halaŋ an hiniŋsina ki hu duk koŋ wa, may ni aŋ ka ŋgenem iiri mambaɗi kama.» Sa ma gaŋawna ɦuɗ tam ay ki, hin Yawe gaw.
Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.
Aygi may ni vi Lona, sa ana nam wi Lona humuygi vunuygi may. Sa ma ka humuygi vunuygiɗina ay ka vi Lonaɗi. Ni u dla ndaɗta aygi ndak a ɓorow ii Musukka gasira ki ura kaboyna ni na.
Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.
Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.