2 DLAŊ MULINARA 18:16 - Boy Lonana

¹⁶ Mise hin di ki ɗal ɗal ana, «An wi suu Israelna njay ki kolo kay ɦinira ko yoori suu sa ma taarasi kaɗina na. Yawe di ana mul ka kasi oloɗi. Gegelay ni hoŋ vo hu ziim u heɓpa.»

2 DLAŊ MULINARA 18:16 ပူးပေါင်းရင်းမြစ်များ

2 SAMUEL 2:7

Cecem wanda ko kogi li saɓaki lagi ni suu saɓakŋa. Gasi malagina, Sol, miɗ ki wa, may agi wi ana suu hu zi ma Yudana fuurun a an li a mul masina.»

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

1 MULINA 22:17

Mise hoŋom dira ana, «An wi suu Israelna njay ki kolo kay ɦinira ko ndal timigii suu sa taarasi ka usiɗira na. Yawe di ana, suu asina sa ma fokosi kaɗi. Ko gegelay ni hoŋ vo hu ziim u heɓpa.»

2 MULINA 10:3

Gologi duk goryoŋ mulnana, ma saɓak coco ndakina agi tinim ha fokogi a mulna, minigi tagi ha ki a duu kay suu vi mulnana.»

2 DLAŊ MULINARA 18:15

Mulna hoŋom dira ana, «An hin ceneŋ yanni ga a aŋ hin dan gasira ki u sem Yawera nige?»

2 DLAŊ MULINARA 18:17

Mul ma Israelna hin di Josafat ana, «Gola an daŋgi su, nam ka dan dlara jiviɗi, di ni dla cora sak sak.»

EZEKIYEL 34:8

Bu Suuna Yawe di ana, an suu tan u iiri manda ana, ni kayra yoori mansina suuna ɦurumusi kira, yoori mansina mbuɗ ki ni a ti ma vi vabakgi suu ŋgoo bagina, ni kay sa ma taarasi kaɗira. Suu man suu taa yoorina ka caa yasi kay yoori mansinaɗi. Suu taa yoorina gol ni hayasi doy hol, ka min a golon yoori mansinaɗi.

EZEKIYEL 35:4

Ҥoŋzi ma cuki u ɦini ndaɗtana halaŋ an hin ɓalakam kiyo. Ndak hin mbuɗ ki ni a ŋgoo bagira. Ni ndak hin wi ki ana anni Yawe.

ZAKARI 10:2

Gasi daŋ may fulina hoŋ dira ni dlara uɗ kaɗira. Suu joɓpa dlara tak taɗ irisira ni kaboyna. Asi gijaŋŋa ni u dlara kaboyna, heɓ huu suuna u ganyamba. Ni kay ndaɗta suuna tuɗ ha ki ko ndal mbutlina hu katlaŋgara na, hahaw coco lay kay sa golosi kaɗi.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

NDUMBA 27:17

Sa namma hin kal kiyo tuɗ fok suuna, nammi sa ma hin cukusi ki kiɗik lay, hoŋosi vo layna. Na ni suu vi Yawena ka hin li ko timigii suu bay sa ma taarasina kasira naɗi.»

MATIYE 26:64

Yesu hoŋom dira ana, «Aŋ di ni aŋu. An dagi ha ana, Agi hin wi Goŋ Sanna kagi kay bik Lona ma njufna, ma saɓakŋa kom halaŋŋa. Agi hin wam nam hoŋ ay duk ɗugulla huulona.»

MATIYE 9:36

Nam wi hahaw suu moli egemma, kayme eŋesi kaɗi, asi ni ko timigii suu sa taarasi kaɗina na.

MARK 6:34

Yesu cuk ki kaŋga hu lumba ca ni, gol irimu ni, suuna molira na ndil ndil. Asi mbuɗ irim hahawi, kayme asi ni ko timigiina suu sa tarasi kaɗina na. Nam gijaŋ haɗasi tlena cocoo.