2 DLAŊ MULINARA 18:10 - Boy Lonana

¹⁰ Sa maa dew sem ana Sedekiya ni goŋ Kenaana, yoo mek kawina komu. Nam di ana, «Gola ni boy ma Yawe damma ana mek namma wanni tak ki ni saɓak ma aŋ hin a dik suu duu suu Sirina u namma.»

2 DLAŊ MULINARA 18:10 ပူးပေါင်းရင်းမြစ်များ

2 TIMOTE 3:8

Ni ko Jannes u Jambre min boyna vi Moizɗira na, asi suu asina ka min gasiraɗi ni na may, ni suu u saara cora hurusina, vira u Lonara irisi ni va sanda ɦawaa.

EZEKIYEL 22:28

Suu masi suu jok vun Lona dasi ana hoo ta gulumunna kiyo. Asi wi ni wira kaboyna ɦawaa, di dlara ha fokka ni ganyamba ɦawaa. Asi di ana Bu Suuna, Yawe, di na, doliɗi ni Yawe di ka naɗi.

EZEKIYEL 13:7

Agi wi ni ka wira kaboyna ɦawaɗi su? Agi di dlara ha fokka ni ka dlara mbuɗ vun tara ɦawaɗi su? Agi suu di ana Yawe di ana, bay an ɓak layna.

JEREMI 29:21

...Gola ni dlara Yawe, ma Saɓakŋa Kom Belna, Lona vi suu Israelna, daɗ maŋ Ahab ma goŋ Kolayana, maŋ Sedesiyas ma goŋ Maaseyana suu ɓakagi boy ma kaboyna u senna. An hin ɦasi ki ko Nabukodonosor mul ma Babilonna, nam hin casi ki irigiya.

JEREMI 27:2

Yawe ɓak anaba, aŋ ceɗ mbalna may dli galina may, aŋ cukum keleŋu.

JEREMI 23:31

An hin li dla cora eg suu jok vun Lona. Di na ni Yawe. Suu sinisi njaɗ dlara ganyamba pereɗ yam boy ma gasina ki kaŋgaa.

JEREMI 23:25

An hum vun suu jok vun Lona suu ɓak boy ma kaboyna u senna di ana, «Tlena tak tasi irinu, tlena tak tasi irinu.»

JEREMI 23:21

An sun suu jok vun Lona asina ha kaɗi. May asi ka liŋ haa. An ka ɓakasi boy haɗi lay. Asi tuɗ ɓak ha kiyo.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

1 MULINA 22:11

Sana dew yam ana Sedekiya, goŋ Kenaana, yoo mek kawina. Nam di ana, «Gola ni boy ma Yawe damma. Mek namma takŋi saɓak ma aŋ hin su kay suu duu suu Sirina.»

2 DLAŊ MULINARA 18:9

Mul ma Israelna u mul ma Yudana gegelay ni ay kaki hu dlam mamba mulla. Cuki tasi ni baraw masi ma furira. Asi laki ni eg vun grek ma kay ɦoŋzi ma Samarina na tok. Hu li namma ni suu jok vun Lona ka di boyna fokosi zeɗ zeɗ may.

2 DLAŊ MULINARA 18:11

Suu jok vun Lona suu daŋŋa halaŋ njaɗ ni ko nam na lay ana, «Sa ŋgolna, aŋ ndak a tuɗ ndug suu hu Ramot ta Galaadta. Aŋ hin ndak a tasiya. Yawe hin ɦaŋ ɦoŋzi namma kiyo.»