2 DLAŊ MULINARA 15:7 - Boy Lonana

⁷ Agi may ni lakagi saɓaki, hin kogi a ŋgotlokgi, kay agi hin fi warak ma kay sun magirana.»

2 DLAŊ MULINARA 15:7 ပူးပေါင်းရင်းမြစ်များ

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

JOSUWE 1:7

Na daŋ may col saɓaki, so huruŋ eŋ cocoo. Aŋ mba gol taŋ jivi a li u gaɗta halaŋ ta saan ma sunda, Moiz, ɓiiriŋga kara. Viɗ taŋ ki a tuɗ bik njufɗi lay, guluɗi lay kay a li ma aŋ hin tuɗ huna halaŋŋi dla ka suu kaŋgi.

HEBRENA 10:35

Hin gasi magira kiɗi, warak ma ŋgolna ka juɓa.

JOSUWE 1:9

An daŋ ana col eŋŋe, so huruŋu, ni ka an daŋ mayɗi su? Dlak ndaaɗi, ɓik vun dikiŋgi lay. Kay Yawe, Looŋŋa, ka u aŋ hu li ma aŋ hin a tuɗ huna halaŋ.»

1 DLAŊ MULINARA 28:20

Na ɗaŋŋi David di goromma Salomon ana, «Li sunda u huruŋ dew, so taŋ funu. Li ndaaɗi, dlakgi lay kay ana Yawe Lona, Loonna ka u aŋu. Nam hin ka hiniŋ kiɗi, ka noyoŋ kiɗi lay ta ta sun Ziŋ Yawera hin daɓ kiyo.

2 JAŊ 1:8

Gologi tagi jiviya a ba warakŋa vi sunda ami laɗ kagira kiɗi, ni na ɗow ana agi fi warak magina.

URA TIN AYRA 15:1

Ŋgoo dla mayra li ay ndaɗta, Yawe di Abram hu doyra ana, «Li ndaaɗi anni mbari maŋŋa, warak maŋŋa hin li ŋgol cocoo.»

SOOLLA 58:11

Suu ɗegeena hin furi cocoo hu li ma asi wi Lona saasi sukulusiya. Asi hin mbus sesi ki ni u busu suu cona.

HEBRENA 6:10

Lona ni sa ma ɗegeena. Humum ka maa kay sun magiraɗi, min magira agi takaɗta u sun magira agi lambara, agi laɗ maŋ gorsegi suu vina.

KOLOSNA 3:24

Humugi gagi kay Bu Suuna hin warakagiya, agi hin fagi va ma nam hinim maŋ suu mamma a jonana, kay mege saagi ma agi sunum gasina ni Kristu.

RUT Magaara Njaɗ Dlara vi Rut 2:12

Ko Yawe hak warakŋa kay dlara ndak laɗ wanda. Ko warak makŋa halaŋ col ay ni ko Yawe, Lona vi suu Israelna, ma ndak mba hal li ma ŋgayra egemma.»

EFESNA 6:10

Kay ndaɗta soogi tagi hu taɓ magira u Bu Suuna hu saɓak mamma ŋgolna.

1 KORINTNA 3:8

Sa ma pi guna u ma voom yona ni fun tasi dew, Lona hin warak sana ni kay sun mamba nam laɗta.

1 KORINTNA 3:14

Lini sana min kay u zira, sun mamba ŋgal ka ki ko kura ɗini nam hin fi warakŋa.

MATIYE 6:6

Aŋu, aŋ li min a cen Lona ni, kal hu ziiŋga, dug vun goŋga kaŋu, joɓ Buŋ Lona hu li aŋ ŋgay huna. Aŋ li na ni, Buŋ Lona wi ni nam doy hol, aŋ hin fi va komu.

MATIYE 6:4

Va namma ni duk tagi doy hol. Aŋ li li na ni, Buŋ Lona wi ni nam doy hol, aŋ hin fi va komu.»

SOOLLA 27:14

Juɓ Yawe, kak saɓagi, li ndaaɗi. Juɓ Yawe.

MATIYE 5:46

Agi li min ni suu minigina doy hol ni, va ma agi hin fam ko Lonna ni mege? Suu vi taara li na layɗi su?

DANYEL 10:19

Nam hin dan olo ana, «Li ndaaɗi, sa ma Lona ŋgaɓam kina. Ko heɓpa li u aŋu. Aŋ li saɓaki. Aŋ li saɓaki.» Hu li ma nam ɓakan nana an fi saɓakŋa hin di ana, «Ko Malanna ɓakka na, kay aŋ ɦan saɓakŋa wa.»

1 KORINTNA 16:13

Lakagi neeya, kak eŋ hu vira, lagi ɦiŋi, lakagi saɓaki.

Boy Ma Ayra Ma LUK Ɓiirimma 6:35

Minigi suu babali magisina, lasi jiviya, ɦasi tlena, tin hurugi ana asi hin hoŋogisina ay ni saɓagera naɗi lay. Agi hin fi warakka ŋgolla, hin mbuɗugi ki goryoŋ Lo ma kolona. Nam li jivira maŋ suu hurusi cona u suu hurusi jivina lay.

MATIYE 6:18

Ka a suuna wi ana aŋ ka li laara naɗi. Buŋ Lona wi ni nam doy hol. Aŋ hin fi va komu.»

MATIYE 6:1

«Lagi tagi jiviya kay tlesuu agi lasi maŋ Lona fok suuna halaŋ, ana asi gologiya na. Agi li lagi ni ii suuna ɦawaa ni, ka fi va ko Bugi ma kolo huulonaɗi.

MATIYE 5:12

Furiyugiya, ayagiya kayme warak magina ha juɓugi kolo huulona. Asi las suu jok vun Lona ay fokogi jew ni na may.»

SOOLLA 19:11

Dlaamba jivi a su lorra, jivi su lor mayra ki yoori jivira lay. Dlaamba jeɓet a su mbul yumma, jivi su mbul yum ma se wilina lay.

JOSUWE 1:6

Aŋ col saɓaki, so huruŋu kay aŋŋi sa ma hin ɓorow jona ki maŋ suu Israelna, mbassa an vi vunun ay kaɗ u somoyosi ana an hin ɦasirara.

JOSUWE 14:14

Kay ndaɗta mbassa Hebronda hin ki ni maŋ Kaleb ma goŋ Yefune ma Kenazna ta ta cemi. Kay ana nam hum vun Yawe, Lona vi suu Israelna, u hurum halaŋ.

2 DLAŊ MULINARA 19:11

Gola mul ŋgol ma li ɓivunna, Amariya, ha ni fokogi a ŋgolla kay dlara vi Yawera halaŋŋi a mul ma kay ɦoŋzi ma Yudana. Zebadiya ma goŋ Ismaelna ni kay dlara a mbaraɗ ay maŋ mulnara halaŋ, suu Levina hin fokogi ni a suu ɓii dlara kaŋgana. Soogi ugi kiyo, lagi ko ndaɗta na ko Yawe li u sa ma ka li jivirana.»

2 DLAŊ MULINARA 32:7

«Lagi ndaaɗi. Lakagi saɓaki, lagi ndaa vaɗi, lagi ndaa mul ma Asirina u suu mam suu um bolow canaɗi. Suu saɓak cocona ka uygi ni su mamsina.

JEREMI 31:16

Yawe ɓak anaba, Na ga della tii ka oloɗi. Ka simi li ii sa oloɗi. Sun makka ndak laɗta fi ni warak maɗna. Yawe di na. Asi mbay ni hu mbassa vi suu babalina.

ZAKARI 8:9

Yawe, ma Saɓakŋa Kom Belna, ɓak ana, Soogi ugiya, agi suu hum boy ma suu jok vun Lona damma. Hu buu ma hin gi u zira vi Yawe kaŋga a hoŋoɗ mindana.