2 DLAŊ MULINARA 15:6 - Boy Lonana

⁶ Asi duu tasi ni njaf suu hiniŋŋa duu u suu hiniŋŋa may. Ҥoŋzi ma ŋgolona duu tam may. Kay Lona gasi dlara yoora kasi ni u baɗaɗ zeɗ zeɗ cocoo.

2 DLAŊ MULINARA 15:6 ပူးပေါင်းရင်းမြစ်များ

MARK 13:8

Njaf suu dewna tuɗ duu ha suu hiŋŋa may, mulla tuɗ duu ha mul hiŋga may. Ndaŋgara hin gijaŋ geŋeɗta, bakdarra ŋgolla ndi gaw may. Dla ndaɗta li ni ko cara wi hawra a gi jaŋ vuɗtara na.

MATIYE 24:7

Njaf suu dewna hin tuɗ duu u suu hiŋŋa may, mulna tuɗ duu u mul hiŋŋa may. Bakdarra ŋgolla ndiya, ndaŋgara hin gijaŋ geŋeɗta may.

AMOS 3:6

Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

EZAYI 10:6

An sunum eg njaf suu ka wi Lonaɗina, an dikisi usi zak zak eg suu ka ɓalakan hurunna, kay a ɦurum jona, dikisi ziisi kira. Kay a tayasi ki ga ko ndal luɓuna tay ki u semmara na.

SOOLLA 106:41

Nam yow kom ki kasiya, hinisi ki maŋ suuna, suu babali masisina kak ki mulla kasiya.

2 DLAŊ MULINARA 36:17

Nam min mul ma Babilonna ndugusi mbas masira, ɦasi ki hu duk kom halaŋ. Mul namma ci asgaa suu duuna ki ta ta tew ay ki hu Ziŋ Lonara. Nam ka hin gozoŋgi lay, ka hin go tamaɗi lay, hin sa ŋgolɗi lay, ma maaɗi lay.

2 DLAŊ MULINARA 33:11

Yawe cukum suu duu suu vi mul ma Asirina ay kamu. Asi mba ndugusiya, vi Manase, cukum njamara funumu, njunum u galina, tuɗum ki vo hu Babilon.

2 DLAŊ MULINARA 13:17

Abiya u suu mamsina lasi ki coo, duk suu Israelna suu miɗna ni 500,000 ni suu vari suu wi duuna cocona.

2 DLAŊ MULINARA 12:15

Sunda Roboam laɗta gijaŋŋa ta ta daɓ nduŋga halaŋ ka ɓiiri hu magaara yaɗ ana Sunda vi Sa ma jok vun Lona Semaya u sunda vi sa ma wi dlara li ha fokka Ido may. Duu ma duk hoŋ gi Roboam u Jeroboamma tuɗ ha fok ni na gak gak.

SUU KAƁAKŊA 2:14

Yawe hurum ɓeŋ ki egesiya. Nam hinisi ki ko suu ɦurum tlena vi suuna asi ɦurumusi kiyo. Nam gususi ha ki ko suu babali masisina suu ŋguy kasina. Saɓakasi ma col eŋ fok suu babali masisina ka oloɗi.

JEREMI 25:32

Yawe, ma Saɓakŋa Kom Belna, ɓak anaba, Dla cora hin li ni kay suuna u deeresiya, deeresiya. Babaa ma ŋgolna hin col ay kolo kay keŋ ndaŋgara ma daɓ ayna.

EZAYI 19:2

An hin ɓeŋ huu suu Egiptena ki eg tasiya. Asi gegelay ni hin duu tam u wayamma, gegelay ni u ndaram ma vok zina. Ҥoŋzi ma ŋgolona hin duu duk tamu, mulina duu duk tasi may.

Magaara Vi Sa Jok Vun Lona AGE 2:22

An hin to dlamba vi mulinara kiyo, hin bulum saɓak ma vi muli suu vi suunana kiyo, an hin to pupusna ki may, ci suu jaŋamma kiyo, kulumina u suu jaŋasina hin puk kaŋgaa, gegelay kaŋga fun ŋgewra vi wayammara.