2 DLAŊ MULINARA 15:16 - Boy Lonana

¹⁶ Mulna Aza doo sum Maaka ki kay sun maɗta lay. Nam tiniɗ semma ki gin kaɗ ana cara ŋgolla kay ndaɗ fi saara cora a li looɗna ki kay taɗu, ni kay Asera. Nam ɦal voɗta ana hawaɗ fuli asina kiyo, to gu ma ceɗi namma kiyo, ŋgalam ha ki fun mbo lum ma Sedronna.

2 DLAŊ MULINARA 15:16 ပူးပေါင်းရင်းမြစ်များ

1 MULINA 15:10

Nam ti mulla hu Yerusalem basara dok-fiɗi yam dew. Sum ŋgolo seɗ ana Maaka. Ndaɗ ni goŋ Absalomba.

1 MULINA 15:2

Nam li basara Yerusalem a mulna ni hindi. Sem sum ana Maaka ni goŋ Absalomba.

2 MULINA 23:12

Nam hawaɗ otel ta muli suu Yudana miniɗ kolo kay yam zira vi Akazza kiyo u otel ta Manase miniɗ kurufu huu taraŋga eg Ziŋ Yawera mbara nam hawaɗasi ki lay. Nam toosi ki kaŋga hu li namma ni na guluk guluk gaw, cukusi kamayasi ha ki hu ɦuɗugumba Sedronda.

2 MULINA 23:15

Josiyas hawaɗ li ma teteɗ ma hu Betelna ki may. Li ma mbuy kolo ma Jeroboam ma goŋ Nebatna minim ka cuk suu Israelna halaŋ kaŋga hu corana. Nam hawaɗ otel nɗaɗta ki u li ma mbuy kolona halaŋ. Nam ŋgal li ma mbuy kolo namma kiyo, ŋgal gu ma Aserna ma pi huna ki lay.

2 MULINA 23:4

Mulna ɦal voɗta maŋ mul ŋgol ma li ɓivunna, Hilkiya, u muli suu li ɓivun suu daŋŋa u suu juɓ vun Ziŋ Yawera ana asi yow tlesuu cuki kalafi hu Ziŋ Yawerana ay kiyo, tlesuu asi minisi a goɓ Baalna halaŋ u suu maŋ Aserana u tlesuu kolo huulonna, tuɗ ŋgalasi ha ki doŋ kaa ma Yerusalemma, duk ɦudugumba Sedron ma asi pamma, toorosi butusi cukum ha ki hu lokka Betel.

2 MULINA 23:6

Nam tli gu ma ceɗi teteɗna ma vi Aserna ma asi colom kalafi hu Ziŋ Yawerana ay ki bunsuwa, tuɗum ha ki doŋ kaana Yerusalem. Asi ŋgalam ha ki hu ɦuɗugumba Sedron ndaɗta, cukum butum ha ki hu zul ŋgolla suuna kaɗ bella.

2 DLAŊ MULINARA 15:17

Na may li ma mbuy kolona ka bulum ki hu mbassa vi suu Israelnara belɗi. Na may huu Aza ka tini kay Lona gak gak hu iiri mamba kay ndaŋgara.

2 DLAŊ MULINARA 29:16

Muli suu li ɓivunna cuk kalafi hu Ziŋ Yawera a mbusuɗ huruɗ kira. Asi yow tlesuu asi fasi ay kalafina ay ki huu taraŋga fun Ziŋ Yawera halaŋ halaŋ. Tlesuu njenje suu asi fasi ay kalafi hu Ziŋ Yawera halaŋ. Ŋgoo dagan njaf suu vi Levina yowosi tuɗusi ha ki doŋ kaana hu ɦuɗugumba Sedronda.

2 DLAŊ MULINARA 30:14

Asi gijaŋŋa a to givin ma togolla ma ka hu Yerusalem zeɗ zeɗna u givin ma togolla ma ŋgal mbitla his jivira kiyo, yowosi cukusi ha ki hu ɦuɗugumba Sedronda.

2 DLAŊ MULINARA 34:7

Nam to givin ma togolla kiyo, kulukusi ki na gelek gelek, gu ma vi Aser na u li ma tokolla, to givin ma togolla ma ŋgal mbitla his jivira ki lay, li ay hu njaf suu ii mbayawna halaŋ. Ŋgoo dagan nam ti mulla ni hu Yerusalem.

KALKIRA 32:20

Nam tli goo mbutl ma asi minimma ŋgalam kiyo, gulukum ki na gelek gelek, cukum buɗum ha ki duk mbona, ɦeɓ suu Israelna a ci mbo namma.

KALKIRA 34:13

Givin ma togolla masisi ma li ɓivunna aŋ hin hawaɗam kiyo, tlesuu asi goɓosina aŋ toosi kiyo. Gu ma vi Aseraŋ kaam kiyo.

DLAŊ LEVIRA 26:30

U hurun ma ɓeŋina an hin hawaɗagi liigi ma mbuy kolo ma teteɗna kiyo, an hin toogi givin ma togolla magi ki may, an hin cukugi maɗagi ha kolo kay sok tlegeyegi suu agi casi maŋ fulinana.

ZAKARI 13:3

Na ɗaŋŋi li ni sana tuɗ fok u boy ma dira, jokom ha ki may ni, bum u sum hin dam ana, «Aŋ kak iiri oloɗi. Aŋ njaɗ ni dlara kaboyna u sem Yawe.» Na ɗaŋŋi bum u sum hin cokomu hu li ma nam jok boyna ki tuna.

MARK 3:21

Suu hu njaf mammana hum na ni, tuɗ a tayam ay kiyo, kay asi di ana, «Yam a jak kiyo.»

Boy Ma Ayra Ma JAŊ Ɓiirimma 18:1

Yesu daɓ ɓakŋa may ni, tuɗ ŋgoo lumma Sedronna u suu haɗi mamsina. Hu li namma, nam kal duk senena u suu haɗi mamsina.

2 KORINTNA 5:16

Ni ami ka golomi suuna ko suu warna na oloɗi. Lini ami gol Kristu ay jew ko sa warna na lay, cemi ami ka golom na oloɗi.

GA 8ATAMBARA 33:9

Sa ma di gi bum u sum ana, an wagi kaɗina, ma ka wi gorsemmaɗi layna, ma viɗ goryom kina. Asi ka li u gaɗ maŋga. Asi ka saa kay galam maŋga.

GA 8ATAMBARA 7:5

Gola ni dlara agi hin laɗ eg suu Asenara. givin ma togolla masi agi hawaɗam kiyo. Foto tlesuu asi minisina agi toosi kiyo, tlegeyesi suu teteɗ suu asi pasina agi kususi kiyo, tlesuu asi goɓosina agi ŋgalasi kiyo.

GA 8ATAMBARA 9:21

Cora agi laɗ min goo mbutlna ndaɗta, an tlam ŋgalam kiyo, gulukum butum ki na gelek gelek, an cukum butum ha ki duk mbo ma ɓaɗ ay kolo kay ɦinira na.