2 DLAŊ MULINARA 15:15 - Boy Lonana

¹⁵ Suu hu mbassa Yudara halaŋ furi coco kay suura asi suu tasi ndaɗta. Kay asi suu tasi ni vi ki gasi u hurusi halaŋ u minda jivira lay ana asi hal Yawe, nam tak tam masi may. Nam hinisi asi fi koɗ tara keŋ lina zeɗ zeɗ halaŋ.

2 DLAŊ MULINARA 15:15 ပူးပေါင်းရင်းမြစ်များ

2 DLAŊ MULINARA 14:7

Aza suu mam suu duuna ni, suu Yuda suu duu u mbari ma ŋgolona na 300,000 ni suu duu u saɓiina. Duk dee suu vi Benjaminna suu duu u mbari ma gorina ni 280,000. Asi ni suu wi yal duu ma mbuurura. Asi halaŋŋi bigawla suu wi dla duuna.

2 DLAŊ MULINARA 15:12

Asi cuk hu galamba gasira wa a hal Yawe, Lo ma vi somoyosina, u hurusi halaŋ u saa masira halaŋ may.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

EZAYI 26:8

Ҥii, Yawe, ami tin saa mamira ni kaŋ dew. Ami tuɗ ni hu voɗ maŋga na dew. Ami yaŋu, ceneŋu, hurumi minni dlaaŋga na dew.

SOOLLA 119:111

Gaɗ maŋga halaŋ mbuɗ ki ni a vaan ma kay tanna, ndaɗ hin ki ni a furi manda hurunda.

SOOLLA 32:11

Furiyugi u Yawe, agi suu ɗegeena, furiyugi, sawalla koloo agi suu hurugi ɗegeena.

2 DLAŊ MULINARA 15:4

May hu yoo masi ndaɗta asi hoŋ ay eg Yawe, Lona vi suu Israelna wa. Asi halamu. Nam tak tam irisi wa.

FILIPINA 1:23

An gol tan ko irin ɓorowi duk mba' na, an saa kay a hin iirira wanda kay a tuɗ kak eg Kristu ni mayra an hin miniɗta.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

VUN ŊGOLNA 3:17

Ndaɗ tuɗummi hu voɗta jivira, ni voɗta heɓpa ka hura.

SOOLLA 119:106

An suu tanu, an li u suu manda may, an min a li u boy maŋ ma ɗegeena.

JOB 34:29

Lini nam seŋ tam ki wa ni sa ma hin kaasi ɓakŋa kasina ni gege? Lini nam kuluɓ irim ki wa ni sa ma hin wasina ni gege? May Lona ka saa kay njaf suuna ko sa warna na.

NEHEMI 8:9

Na ɗaŋŋi Nehemi, mul ma ŋgolna, Ezdra, mul ma li ɓivun ma wi magaara gaɗta, u suu Levi suu buɗ u dlara ki suunana di suuna halaŋ ana, «Buu ma wanna hinim ki ni maŋ Yawe, Loogina. Lagi doonaɗi, tiirigiɗi.» Kay ana suuna hum boy ma hu magaara gaɗtana na ni, tii gaw gaw.

2 DLAŊ MULINARA 29:36

Ezekiyas u suu Israelna halaŋ furi coco kay Lona njunusi a li dla ndaɗta kira kay sunda li wanni yaɗ vi kaɗi.

2 DLAŊ MULINARA 15:6

Asi duu tasi ni njaf suu hiniŋŋa duu u suu hiniŋŋa may. Ҥoŋzi ma ŋgolona duu tam may. Kay Lona gasi dlara yoora kasi ni u baɗaɗ zeɗ zeɗ cocoo.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

JOSUWE 23:1

Basara ki dagan bolow cocoo, hu li ma Yawe koɗ ta suu Israelna ii suu babali masi suu ŋguyusina halaŋŋa ni, Josuwe mbuɗ ki maa cocoo, basaɗam kal ki bolow ɦay.

GA 8ATAMBARA 26:11

Ni kay jivira Yawe Looŋŋa ɦaŋgara, maŋ taŋga u ziiŋ halaŋ agi hin li furira u njaf suu Levina halaŋ u ŋgayagi suu vo varaŋŋa lay.

2 DLAŊ MULINARA 29:10

Cemi ni an min a vi galamba u Yawe, Lona vi suu Israelna. Ni kay ana yaamba mba ndi kaygi oloɗira.

2 DLAŊ MULINARA 14:6

Nam di suu Yudana ana, «Miniygi ɦoŋzina, gaygi gulumunna ki kamu. Miniygi zira fiyekka vun grekŋa duk vun grekŋa ki u cokorom kawina. Mbassa cemi ka koɗ taɗu kay aygi hal Yawe Looygina. Aygi halamu, nam ɦaygi koɗ tara hu lina wa halaŋ.» Asi min zina ki halaŋ ko asi minda na may.

2 DLAŊ MULINARA 15:14

Asi suu tasi ki fok Yawe u ko kona cocoo, u bu tokolomma u diffa lay.

2 DLAŊ MULINARA 20:30

Mulla vi Josafatta ti ni u heɓpa. Loomma ɦam koɗ tara ni keŋ lina zeɗ zeɗ bel.

SOOLLA 119:10

U hurun halaŋ an ka halaŋu, hinin a an tuɗ ki day eg gaɗ maŋgaɗi.

KALKIRA 24:3

Moiz mba cuɗ boy ma Yawe damma ki maŋ suuna halaŋ u gaɗta lay. Suuna halaŋ hoŋ dira vunusi na dew ana, «Boy ma Yawe damma halaŋ ami min a li umu.»

JOSUWE 24:25

Josuwe vi galamba u suu Israelna hu buu namma nam tinisi gaɗta u nera zeɗ zeɗ hu mbassa Sekemba.

2 MULINA 23:3

Mulna col ki kolo u sem eg mbal ma coli duk hu Ziŋ Lonarana, nam mbuɗ Galamba ki wili daŋgadla u Yawe. Gegelay ni mba li ki ɗegee fok Yawe a hum u gaɗ mamba u hurum halaŋ u saa mamba halaŋ, hum u haɗ mamba may u dlara ɓiirira halaŋ, li uɗ may. Hum u dlara ɓiiri hu magaara galam ndaɗtara halaŋ. Suu tokina halaŋ vi haɗ ndaɗta kasi halaŋ a li uɗta may.

1 DLAŊ MULINARA 16:10

Furyugi kay sem ma teteɗna, lagi furira agi suu halagi Yawena.

2 DLAŊ MULINARA 11:16

Na may suu Israelna halaŋ suu dukusi suu min a hal gasi Yawe, Lona vi suu Israelnana halaŋ, mbay ki ni hu Yerusalem a li ɓivunna maŋ Yawe, Lona vi suu Israelna.

2 DLAŊ MULINARA 19:3

Doli ɗini dlara jivira ka huruŋu, kay aŋ ŋgal gu ma teteɗ ma asi pam maŋ Aserana ki hu mbas maŋga bel bel. Aŋ vi u huruŋ halaŋ a hum vun gaɗta vi Lonara.»

2 DLAŊ MULINARA 34:31

Mulna kolo coli u colom na ni, suu tam ki fok Yawe a li u gaɗta ɓiiri hu magaara wanda u hurum halaŋ u iiri mamba halaŋ, li u boy ma gaɗta u nera vi Lona damma ma ka ɓiiri hu Magaara Galamba wanna.