2 DLAŊ MULINARA 15:12 - Boy Lonana

¹² Asi cuk hu galamba gasira wa a hal Yawe, Lo ma vi somoyosina, u hurusi halaŋ u saa masira halaŋ may.

2 DLAŊ MULINARA 15:12 ပူးပေါင်းရင်းမြစ်များ

1 MULINA 8:48

Lini asi hoŋ ay egeŋ u hurusi halaŋ u saa masisra halaŋ hu mbassa asi ha ki hu duk suu babali masisinara, lini asi ka cen ay egeŋu, pereɗ irisi ay hu mbas masira, mbassa aŋ ɦaɗ ka maŋ somoyosira, hu ɦoŋzi ŋgol ma aŋ manam kina u zira an miniɗ a yaŋ seŋ hura ni,

2 MULINA 11:17

Yoyada njun galamba duk ɦoŋ Yawe u mulna u suuna may kay a asi li ni suu vi Yawena. Nam taɓ Galamba duk ɦoŋ mulna u suunara may.

2 MULINA 23:3

Mulna col ki kolo u sem eg mbal ma coli duk hu Ziŋ Lonarana, nam mbuɗ Galamba ki wili daŋgadla u Yawe. Gegelay ni mba li ki ɗegee fok Yawe a hum u gaɗ mamba u hurum halaŋ u saa mamba halaŋ, hum u haɗ mamba may u dlara ɓiirira halaŋ, li uɗ may. Hum u dlara ɓiiri hu magaara galam ndaɗtara halaŋ. Suu tokina halaŋ vi haɗ ndaɗta kasi halaŋ a li uɗta may.

2 DLAŊ MULINARA 11:16

Na may suu Israelna halaŋ suu dukusi suu min a hal gasi Yawe, Lona vi suu Israelnana halaŋ, mbay ki ni hu Yerusalem a li ɓivunna maŋ Yawe, Lona vi suu Israelna.

2 DLAŊ MULINARA 15:4

May hu yoo masi ndaɗta asi hoŋ ay eg Yawe, Lona vi suu Israelna wa. Asi halamu. Nam tak tam irisi wa.

2 DLAŊ MULINARA 19:3

Doli ɗini dlara jivira ka huruŋu, kay aŋ ŋgal gu ma teteɗ ma asi pam maŋ Aserana ki hu mbas maŋga bel bel. Aŋ vi u huruŋ halaŋ a hum vun gaɗta vi Lonara.»

2 DLAŊ MULINARA 23:16

Yoyoda vi galamba ko tam u suuna u mulna may kay a asi li halaŋŋi suu vi Yawena dew.

2 DLAŊ MULINARA 29:10

Cemi ni an min a vi galamba u Yawe, Lona vi suu Israelna. Ni kay ana yaamba mba ndi kaygi oloɗira.

NEHEMI 10:29

Suuna usira hinda ni, Levina, suu kak fun zira, suu gi soolla, suu li sunda u suu ɓorow dukusi ki u suu hu mbassa hiŋgana kay a tuɗ u gaɗta vi Lonara, boyogosiya, goryosi suu njufiina u suu tamagina, suu ki ndaki a hum dlarana,

JEREMI 50:5

Asi joɓ kay voɗta Siyonda. Asi tin irisi ni hu voɗ ndaɗta. Asi mbay taɓ ko tasi u Yawe vi banara u nam a fafaɗta, ka a maa kiɗi.

SUNDA 24:14

Ni an wi ki kan fokoŋ tani anaba, an sunni Lona vi somoyomi ma jewna u voɗta wilira, ta asi di kaɗ ana ka u voɗoɗɗira. An vi u boy ma ɓiiri hu magaara gaɗta halaŋ u suu jok vun Lonna lay.

2 KORINTNA 8:5

Dla ndaɗta lini su va ma ami saa kam jewna, asi hal tasi ki maŋ Bu Suuna u minda vi Lona egemi ami lay.

GA 8ATAMBARA 10:12

Cemi ni agi suu Israelna va Yawe Loogina ka juɓum kogina ni mege? Va ma nam juɓumma ni ana agi li ndaa Yawe Loogina, tuɗugi hu voɗ mamba na ɗegee. Min a sun Yawe Loogina u hurugi halaŋ, u mbalatagi halaŋ lay.

GA 8ATAMBARA 29:1

Moiz yi suu Israelna ay halaŋ dasi ana: Agi wi dla mayra Yawe laɗ ay hu mbassa Egiptera u irigi halaŋ, eg Faraw u suu sun mamsina halaŋ u mbas mamba lay.

GA 8ATAMBARA 29:11

Agi ka lagi cemi ni a vi Galamba Yawe min a vaɗ u agira, di ki u vunugi ana gasi agi mina, Galamba Yawe Loogina a njunuɗ u agi wanda.

GA 8ATAMBARA 29:12

A agi mbuɗ ki gasi a suu mamsina, nam tamba ni a Loogina may, ko nam dagi kira na, ko nam suu tam ay ki fun bugi ŋgolo, Abraham, Isaak u Yakobpa na.

GA 8ATAMBARA 4:29

Ha hu li namma ni agi hin hal Yawe, Looŋŋa, agi hin famu lini agi halam u hurugi halaŋ u musukugi halaŋ.

GA 8ATAMBARA 6:5

Aŋ min Yawe Looŋŋa u huruŋ halaŋ, u mbalataŋ halaŋ, u saɓakaŋ halaŋ may.

JOSUWE 24:25

Josuwe vi galamba u suu Israelna hu buu namma nam tinisi gaɗta u nera zeɗ zeɗ hu mbassa Sekemba.