2 DLAŊ MULINARA 14:10 - Boy Lonana

¹⁰ Aza yi kolo eg Yawe, Loomma, di ana, «Yawe sa ma ko ndal aŋ na a kal ki duk ɦoŋ sa ma saɓakŋa u ma maŋina kaɗi. Njunumiya, Yawe, Loomina, kay ami deŋ tami ni egeŋu. Ami mba a duu suu bolow coco asina ni u seŋu. Yawe, aŋŋi Loomina. Sana ka ndak a panaŋgi.»

2 DLAŊ MULINARA 14:10 ပူးပေါင်းရင်းမြစ်များ

SUU KAƁAKŊA 1:17

Yuda tuɗ ko tasi u wayamma Simeon. Asi dik suu Kanaanna suu ay cuki hu mbassa Sefatta. Asi ŋgal ɦoŋzi namma ki u tlesuu hurumma bel bel, sa tli va ka kombi, tin sem ɦoŋzi namma ki ana Horma.

JOSUWE 19:4

Eltolad, Betul, Horma.

2 DLAŊ MULINARA 14:9

Aza kal ha ki fokosiya. Asi tuɗ vi duuna ni hu ɦuɗugumba Sefata tok eg Mares tana.

2 DLAŊ MULINARA 14:11

Yawe dik suu Etiyopina ki fok Aza u suu duu suu Yudana. Asi pii liŋŋa fokosiya.

GA 8ATAMBARA 20:1

Hu li ma agi cuk ki a duu u suu babali magisina, lini agi wi kulumina u puspus ma kulumina bolow coco lay ni, lagi ndaa kosiɗi. Kay Yawe Loogina ka u agiya, nammi sa ma cukugi ay ki hu mbassa Egiptera.

1 SAMUEL 14:6

Jonatan di gogoo mam ma sunda ana, «Mbaya, ɦuɗuy ha hu li ma vi suu bay caw ɗiwisi ki tuna na. Kala Yawe li hin li u ay kala nige. Gasi daŋ may ay li ka bolowɗi lay ni, va doo Yawe ki a nam ɦaygi a su kasina kaɗi.»

1 SAMUEL 17:45

David di sa ma Filistinna ana, «Aŋ mbay egen u ŋgewna koŋu u saɓpa u baraw damba may, an tuɗ ha egeŋŋi u sem Yawe Lona vi suu Israel ma Saɓakŋa Kom Bel sa aŋ halam a duuna na.

2 DLAŊ MULINARA 13:18

Hu coki ndaɗta ni yam suu Israelna halaŋ hom kaŋgaa. Suu Yudana su kasi may. Kay asi hin tasi ni ko Yawe, Lo ma vi somoyosina.

2 DLAŊ MULINARA 26:7

Lona ka njunum hu duu ma nam ka lam u suu Filistinna u suu Arab suu ka cuki hu Gur-Baalna u suu Meonna lay.

2 DLAŊ MULINARA 32:8

Ay um a duuna ni suu warna ɦawaa. Sa ma ka u aygina ni sa sunda vi Yawe, Looygina. Nam hin njun kaygi duu ni namu.» Boy ma vi mulna namma so huu suu hu ɦoŋzinana ɦasi saɓakŋa cocoo.

2 DLAŊ MULINARA 32:20

Mulna Ezekiyas u sa ma jok vun Lona, Ezayi ma goŋ Amosna, cen Lona kay a nam njun usiya.

SOOLLA 9:20

Col koloo, Yawe, ka hin sana su kanɗi. A njaf suu daŋŋa halaŋ ɓakŋa mba vasiya.

SOOLLA 20:8

Suu daŋŋa ŋga ni kulumi masi suu pus pusna, suu daŋŋa ŋga tasi kay kulumina, aygi may ni humuygi ka gaygi ni kay sem Lona Yawe maygina.

SOOLLA 31:15

An may ni an ɦal tanni koŋu, Yawe, an di ana, «Aŋŋi Loonna.»