2 DLAŊ MULINARA 13:15 - Boy Lonana

¹⁵ Suu Yudana tum soora duuna. Hu li ma asi tum soora na may ni, Lona vi Jeroboam u suu Israelna halaŋ kaŋga fok Abiya u suu Yudana.

2 DLAŊ MULINARA 13:15 ပူးပေါင်းရင်းမြစ်များ

2 DLAŊ MULINARA 14:12

Aza u suu mam suu umma dikisi ta ta tinisi ha ki hu Gerar. Asi cuk kaŋga fokosi cocoo, ta ta daɓpa ni sa suɗ ka ki na dewɗi kay suu duu masisina duu ni u Yawe u suu mamsina. Suu Yudana yowosi tlegeyesi ay cocoo.

EZAYI 37:36

Hu njeŋge ndaɗtaa gawni, sa sunda vi Yawe kal hu kaŋ ma vi suu Asirina, ci suuna na 185,000 ni njufiina halaŋ. Maɗiira suuna yow ki koloo ni kaŋga ni maɗ suuna na sak sak.

SOOLLA 47:5

Nam manaygi mbas maygira kiyo, njaf ma vi Yakob ma nam minimma.

SOOLLA 47:1

Soolla vi sa ma fok suu gi soollana, soolla vi goryoŋ Korena.

2 DLAŊ MULINARA 20:21

Nam gi gagara u suuna kay a yow suu may suu hin cuk ha fok suu duuna a geleɗ Yawe, ŋgaam teteɗ mamba ŋgollara di ana, «Ŋgaagi Yawe kay ɗegee mamba ha ni na gak gak.»

2 MULINA 5:1

Naamanni sa ma ŋgol asgaa suu duuna vi mul ma Sirina halaŋ. Mul mamma ŋgaam cocoo. Nam minim dlaamba cocoo. Yawe hin suu Sirina su kay suuna halaŋŋi umu. Na may sa ma wi yal duuna coco namma ki ni tumiya.

SUU KAƁAKŊA 4:15

Hu li ma Barak tew egesi tok may ni, Yawe gi ndaa ma ŋgolna huu Sisera u suu mamsina. Asi viɗ ki na viɗ ka wi li ma asi a liŋ hunaɗi. Sisera cuk ay ki ga hu pus pus mamma cani, pii liŋŋa ŋgayra ni u semu.

JOSUWE 11:8

Yawe hinisi ki hu duk ko suu Israelna asi casiya. Dikisi ta ta tuɗusi ha ki hu Sidon ta ŋgolla ta ta Misrefot-Maim jakasi ta ta hu ɦuɗugumba Mispera, ii u maɗiina. Asi casi ki halaŋ halaŋ hin sa ka a suɗ ki na dewɗi.

JOSUWE 6:20

Suu Israelna halaŋ tum soora may, muli suu li ɓivunna bu diffa may. Asi tum soora cocora na ni gulumun ma ŋguy kay ɦoŋziunana bow ki ga ni na kirim gaw. Suuna halaŋ cuk ha vo hu ɦoŋzina ni na gaw, gegelay ni kal ha ni fokom hu li ma nam coli huna ni na gaw. Asi ɦurum zina ki halaŋ halaŋ.

JOSUWE 6:16

A ŋguy mayra sesi a kiɗisiyara ni muli suu li ɓivunna bu diffa. Josuwe di suu Israelna ana, «Tumugi soora kay Yawe ɦagi ɦoŋzi namma ki ni magiya.

NDUMBA 32:4

ni mbas mayra Yawe tooɗ ki fok suu Israelnara, mbas ndaɗta jivi kay yoorina ɦay. Doli ni suu sun maŋsina ca ni yoorina kosi cocoo.

2 DLAŊ MULINARA 18:31

Hu li ma suu ŋgolo suu jaŋ pus pus ma kulumina wi Josafat ay na ni, asi di ana, «Gola cowni, mul ma Israelna.» Asi mba ŋguf ki kam a vamba may ni, Josafat sawalla kolo ana Yawe njunumu, Lona hin hoŋosi irisi ha ki kamu.

2 DLAŊ MULINARA 14:11

Yawe dik suu Etiyopina ki fok Aza u suu duu suu Yudana. Asi pii liŋŋa fokosiya.

2 DLAŊ MULINARA 20:22

Hu li ma asi gijaŋŋa a ŋga Yawera may ni, Yawe cuk suu may suu a cuk ŋgeŋŋa duk suu Amonna u suu Moabma u suu ay kay ɦinira Seirra, mbay ki hu Yuda. Asi gijaŋ ci tasi duk tasi ni na gaw.