2 DLAŊ MULINARA 13:11 - Boy Lonana

¹¹ Asi li ɓivun ma ŋgalam ki ŋgalina maŋ Yawe maɗii may fiɗigi may ni asiya, ŋgal mbitla his jivira may. Asi cuk funa kay tabulla teteɗta may. Asi tin kura fun pindilla fiɗigi tew tew. Kay ami ka li u gaɗta vi Yawe Loominara tew tew. Agi may ni agi noyom ki wa.

2 DLAŊ MULINARA 13:11 ပူးပေါင်းရင်းမြစ်များ

URA TIN AYRA 26:5

Kay Abraham hum u boy man ma an dammana, kay me nam humun vununu, nam li u gaɗ manda, li dlara an dambara halaŋ.

2 DLAŊ MULINARA 13:10

Lini amiya ni Yawe ni Loomina ami noyom ka kiɗi, muli suu li ɓivunna ka ni goryoŋ Aaronna u njaf suu vi Levina ka li sunda ni asiya.

2 DLAŊ MULINARA 2:3

Aŋ gola, an may ni min a min zira ŋgolla a yi sem Yawe Loonna hura, kay a lam sem ki teteɗ, a ŋgal mbitla his jivira fokomu, u fu ma cukum kay tabulla tew tewna, ŋgal ɓivun ma ŋgalam ki ŋgalina may, li ɓivun ma lam hu buuna tew tewna hu may, li ɓivun ma ŋgalam maɗii may, fiɗigi mayna hu may. Gol buu ma vi Lonna, buu ma wilina u buu ma luu ma vun tilna maŋ Yawe Loomina, hu na gak gak a fafaɗta kay suu Israelna.

2 DLAŊ MULINARA 2:4

Zira an a miniɗta hin li ni ŋgol cocoo, kay Loomina ni ŋgol su loogi suu daŋŋa halaŋ halaŋ.

2 DLAŊ MULINARA 4:20

Va ma tin pindilla kamma u pindilla taɗta ta ka ŋgaf fun vok zi mayra ki saɓaki teteɗta ko gaɗta dira na, mini ni u lorra jivira.

KALKIRA 29:38

Gola ni ɓivun ma aŋ hin lam hu buuna tew tewna, yow gor timigii suu basaɗasi dew dewna mba', ŋgaɗasi hu buuna tew tew.

EZEKIYEL 44:15

«Muli suu li ɓivunna suu hu njaf Levina, suu goryoŋ Sadokŋa ni suu may suu li sunda u gaɗta hu Ziŋ Lonara ɗegeena, hu li ma suu Israelna hinin an Bu Suuna ki lay, asi hol ni suu ndak a mbay a li sunda fokonna, ŋgal mbulna u busu ma ɓivunna may. Di ni Bu Suuna, Yawe.

EZEKIYEL 44:8

Agi min ka a li u gaɗta an dagira kay tlegeyen suu teteɗnaraɗi lay. Agi hin cuk koyogina a asi li u gaɗ ndaɗta hu Ziŋ Lonara ni asi na ɗow.

EZEKIYEL 48:11

Li ma namma hinni maŋ muli suu li ɓivunna suu hu njaf Sadokŋa doy hol asi suu fuurusi ki kay sun ndaɗtana. Asi ni suu li u gaɗta vi Bu Suuna ɗegeena ka ko njaf suu vi Levina lira naɗi, hu li ma suu Israelna noy Lona ki a joɓ fulinara ni asi li ka ko asi na koɗi.

NDUMBA 1:53

Na may njaf suu vi Levina cukŋi keŋ Zira Galamba kay ana yaanda hoŋ kay suu Israelnaɗi, suu vi Levina ni suu juɓ u Zira Galamba.»

NDUMBA 16:6

Lagi ko wanda na aŋ Kore u suu maŋsina, yowogi ganun magisina suu ŋgal kura aya.

NDUMBA 9:19

Hu li ma ɗugulla ka kay Ziŋ Lonara gak gakŋa ni, suu Israelna ka sun Yawe gak gak may. Asi ka jok usi hu li ma daŋgi.

Boy Ma Ayra Ma LUK Ɓiirimma 1:9

U gaɗta vi suu li ɓivunna ni asi ŋgaɓam a ŋgal mbul ma his fayatna hu Ziŋ Lonara.