2 DLAŊ MULINARA 12:14 - Boy Lonana

¹⁴ Nam li dlara ka u voɗoɗɗira kay nam vi hurum ka gasi a hal Yaweɗi.

2 DLAŊ MULINARA 12:14 ပူးပေါင်းရင်းမြစ်များ

1 MULINA 14:22

Dee suu vi Yudana li dlara ka ii Yawe jiviɗira. Dla cora asi laɗ ndaɗta ɓalakam hurum egesiya, co su dlara somoyosi laɗ ay jewra.

1 DLAŊ MULINARA 29:18

Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

2 DLAŊ MULINARA 11:16

Na may suu Israelna halaŋ suu dukusi suu min a hal gasi Yawe, Lona vi suu Israelnana halaŋ, mbay ki ni hu Yerusalem a li ɓivunna maŋ Yawe, Lona vi suu Israelna.

2 DLAŊ MULINARA 19:3

Doli ɗini dlara jivira ka huruŋu, kay aŋ ŋgal gu ma teteɗ ma asi pam maŋ Aserana ki hu mbas maŋga bel bel. Aŋ vi u huruŋ halaŋ a hum vun gaɗta vi Lonara.»

2 DLAŊ MULINARA 30:19

Maŋ suu tin hurusi a hal Lonana halaŋ, Yawe, Lo ma vi somoyosina, li ni tasi ka ki teteɗ ko gaɗta dira naɗi lay.»

SOOLLA 57:7

Asi gunun bayna ki fokon hu voɗta, an a jak hura, homon yan ay kaŋgaa. Asi veken zulla ki fokonu, asi tasira cuk hu zul ndaɗta ni faali lay.

SOOLLA 78:37

Hurusi ka tini gasi eŋ kambi, asi ka saa kay galamba nam vaɗ u asiraɗi.

SOOLLA 78:8

Ko asi li ko somoyosi naɗi, asi suu hin vun Lona ki mbuɗ yara u namma, njaf suu hurusi cona saa masira ka taɓ ura vi Lonaraɗi.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

MATIYE 7:7

«Joɓogiya, agi hin fiya, halagiya, agi hin fi lay. Cagi vun goŋga, asi hin malagi lay.

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

1 KORINTNA 16:13

Lakagi neeya, kak eŋ hu vira, lagi ɦiŋi, lakagi saɓaki.

GA 8ATAMBARA 5:29

Lini asi min gasi a lan ndaaranu, a li u gaɗ manda hu buuna tew tew may ni, kay jivi masira kay goryosi lay ha na gak gak.

1 SAMUEL 7:3

Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»