2 DLAŊ MULINARA 11:15 - Boy Lonana

¹⁵ May Jeroboam yow muli mam suu li ɓivunna kay tam a li ɓivunna kay li ma mbuy kolona. Ŋgegina u gor mbutli suu nam yoorosina.

2 DLAŊ MULINARA 11:15 ပူးပေါင်းရင်းမြစ်များ

1 MULINA 12:28

Mulna fi saara daŋga. Nam yoo gor mbutlina mba' u lorra. Nam di suu Israelna ana, «Agi tuɗ tew tew ni Yerusalemmi gola agi suu Israelna Loogina wanna, ni ma cukugi ay ki hu mbassa Egiptera.»

1 MULINA 13:33

Dlara li vaɗ na lay ni, mulna Jeroboam ka hin poy mamba co ndaɗta kiɗi. Nam tuɗ fok u yowra yow muli suu li ɓivunna ay duk suu weɗnara gak gak. Sa ma min sun ndaɗta ni nam ɦamba ni na gaw.

1 MULINA 12:31

Jeroboam min zira cenda may. Nam vaa suu a li ɓivunna hu zi ndaɗtana ni ka suu hu njaf Levi ma li ɓivunnaɗi lay.

GA 8ATAMBARA 32:17

Asi li ɓivunna maŋ fuli suu ka Lonɗina, asi cen loogi suu asi ka wasiɗina, asi goɓ tlesuu cuk ay ki wilina, suu somoyosi wasi ay kaɗi layna.

WIRA ŊGAYRA 16:14

Ŋgussa vi fulina li dlara mbuɗta ni asiya, fuli suu hindi asina cuk tasi ca ni tuɗ eg muli suu kay ndaŋgarana halaŋ a tokosi yasiya duu hu Buu ma ŋgolna vi Lona ma Saɓakŋa Kom Belna.

1 TIMOTE 4:1

Musukka di ki gasi ana lina hin fok a daɓ daganda wanni suu ɦiw hin vira kiyo, asi hin mbuɗ hum u ŋgussa ganyamba u haɗta vi fulina.

Magaara Vi Sa Jok Vun Lona OZE 13:2

Cecem wanda asi ka tuɗ fok u cora lira. Asi min tlesuu yoo kina u doono masira u yal masina asi li fulina. Halaŋ ca ni tlesuu suuna ceɗesina. Suuna ɓak kasi ana, «Suu wara suu li ɓivunna, furi tasi u gor mbutli suu asi minisina.»

1 MULINA 14:9

Aŋ li dlara ki ni co su suu may suu kak ay fokoŋ jewna halaŋ halaŋ. Aŋ tuɗ ta ta min loogi suu daŋŋa kay taŋu. Yoo fuli tlena a duu u anda. An tanda may ni aŋ zuɗun ha ki ŋgoroŋ dagan na day.

KALKIRA 32:31

Moiz hoŋ eg Yawe di ana, «Yakkay, suu asina li ni suluk ma ŋgolna, asi min lo lorra kay tasiya.

DLAŊ LEVIRA 17:7

Ka suu Israelna ŋgaɗ yoorina ha ki ŋgoo bagi a li ɓivunna maŋ loogi suu ɦawanaɗi. Gaɗ ndaɗta hin ha dukugi ni na din din a fafaɗta.

2 DLAŊ MULINARA 13:8

Cem wanda agi min a ŋga tagi u mulla vi Yawera ta ka cemi ko goryoŋ Davidna wandara. Agi vagi bolow cocoo, na may agi ka u goo mbutl lorra Jeroboam yoorogira a looginara dukugiya.

2 DLAŊ MULINARA 13:9

An joɓogi ni joɓiya na ni agi dik muli suu li ɓivunna suu vi Yawena goryoŋ Aaronna u njaf suu vi Levina ay ka kiɗi su? Cemi agi mbuɗ a muli magi suu li ɓivunna ni suu ay ki hu mbassa daŋgana. Gegelay ni mbay u bolo mbutl mamma may u gamlagina kiɗisiya may ni mbuɗ ni a mul ma li ɓivunna vi loogi asina suu ka gasi Lonaɗina.