2 DLAŊ MULINARA 1:11 - Boy Lonana

¹¹ Lona hin di Salomon ana, «Ko aŋ huruŋ minda na may, aŋ min ka a joɓmi begeɗi, joɓ ka dlara hal ŋgolla ŋga taŋgi lay, joɓ ka ana caŋ cuu babali maŋsina kiyo naɗi lay, joɓ ka buu ma fiyek hu duliyara taniɗi lay. Aŋ hin joɓmi wira u yal ma gi ii dlara na ɗow, a ti mulla kay suu man suu an tiniŋ ana aŋ kak kasiyana.

2 DLAŊ MULINARA 1:11 ပူးပေါင်းရင်းမြစ်များ

1 MULINA 10:24

Suu kay ndaŋgarana halaŋ min a wi Salomon kay a hum boy ma wira ma Lona kalamma hurumma.

1 MULINA 3:28

Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

1 MULINA 8:18

Yawe hin di bun, David, ana, Aŋ saa huruŋ a minin zira yan sen hura ni aŋ li ni jiviya.

1 DLAŊ MULINARA 28:2

Mulna David col kolo dasi ana, «Humungi haa, gorsenna u suu mansina. An hurun ka tini a min zira Zandukka Galamba vi Yawera hin koɗ taɗ hura u li ma Looygina hin tin sem huna. An min tlena ka ki a miniɗta.

2 DLAŊ MULINARA 1:12

Yalna u wira mbeleŋŋa an ɦaŋsina wa. An ɦaŋ ɦiza hu olo. Aŋ hin fi tlena seŋ tii ki coco lay. Aŋ hin fi ni bibiŋilla muli suu kay ndaŋgarana halaŋ sa faɗ ka dew tuɗira. Muli suu hin kak ka ŋgoroŋ daganna lay ni sa ma faɗ kaɗi.»

VUN ŊGOLNA 14:8

Sa yalna fuɗ tam hu poy mamba kay nam sa ma wi dlara. Sa ma laɓana viɗ tam ki u giniŋ mamba.

VUN ŊGOLNA 23:7

Kay saa mamba hurumba tini ni kay tamba gaw. Nam daŋ ana, «Tiya, ciya» na may hurum ka dlaɓi u aŋ dewɗi.

VUN ŊGOLNA 8:15

Muli suu ŋgolona ti mulla ni unu, suu ŋgolo suu kaɓakŋa ka ɓak ma ɗegeena ni unu.

SUNDA 5:4

Jew bay aŋ gusum ki ni senena ni ka maŋŋaɗi su? Aŋ gusum ki gusni gursura ni ka maŋga layɗi su? Aŋ hin saa a li dla ndaɗta na ni amege? Aŋ kaboyna ni ka eg saɗi ni eg Lona.»

HEBRENA 4:12

Boy Lonana ka iiriya nam saɓaki. Nam sii su ŋgew ŋgol ma siim, mbana. Nam wak gak gak tew hu li ma musukŋa u ŋgussa ŋgaf tasi huna, tew gak gak hu li ma vun sokŋa ŋgaf huna u mbul ma duk sokŋa lay. Nam ka ɓakŋa kay minda vi sana u saara hurumba halaŋ.

Magaara JAK Ɓiiriɗta 3:13

Na ni sa ma yalna u nera kom lay ka dukugi su? Nam takasi ki u poy mamba jivira, u sun mamba nam laɗta, u ɗigilla, u neemba gige.

Magaara JAK Ɓiiriɗta 3:17

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»