1 TIMOTE 6:5 - Boy Lonana

⁵ Suu u saara cora egesina ciwayra duk ɦoŋosira ka daɓ kiɗi lay, asi ka wi gasiraɗi lay, asi gol ko vira hu boyna vi Lona ni va ma a ɦiz tasi kina na.

1 TIMOTE 6:5 ပူးပေါင်းရင်းမြစ်များ

EZAYI 56:11

Asi ni digini suu kurufukka ka hoɓbi lay, asi tasira ni a suu taa yoorina gaw. Asi ka wi dira di ana ndagami waraɗi lay. Asi ka wi ɓorow ii tlenaɗi lay. Gegelay dukusi ni hal ni fiimma. Gegelay hal ni ɓaɗta kay tam.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

MATIYE 12:33

«Pi gu ma jivina wani, nam vuɗ ni jivi may. Ma cona vuɗ co may. Ay wasi ni u vuɗusiya.

MATIYE 21:13

Nam hin dasi ana, «Ki ɓiiri ana, Ziinda hin li ni zira cen Lona, agi mbuɗuɗ ki zira kulna ni a mege?»

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

1 KORINTNA 11:16

Lini sa min a ciwayra kay boy namma ni, nam wi ki anaba, ami u suu vina vi Lona halaŋ gaɗta daŋ kaɗi.

2 TESALONIKŊA 3:6

Gorsenna ami gaɗagi fok Bu Suuna Yesu Kristu, taɓagi u gorsegi suu zolombaɗi, asi ka min hum u haɗta ami haɗasiraɗi.

1 TIMOTE 1:6

Suu ɦiw ni hoŋ ki dagan hu poy masira viɗ tasi ki hu ciwayra giniŋga.

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

1 TIMOTE 3:8

Suu sun suu vi Kristuna mba lini suu ndakina, suu ɗegeena, asi mba li a suu ɦal tasi ki kay summa sasakgi, hal a fi gursura u ganyambaɗi lay.

1 TIMOTE 4:7

Hin dlara njunjunda tafaɗira vi boyogi suu maana, ta garak u boyna vi vira kiyo, haɗ taŋ a vi u Lona na ɗow.

1 TIMOTE 4:8

Haɗta vi mbalatara jivi maɗta ka ŋgolɗi, vira vi tara eg Lonara ni ŋgol su na ɗow. Nam ɦaygi iirira cecemba ni lay, ta ha fokka lay.

1 TIMOTE 6:6

Gorsenna vira ni va ma ŋgolna kay sana, lini nam furi u va ma nam vi umma.

2 TIMOTE 3:5

Asi li ko asi vi u Lona na, na may ni noy saɓak vira kiyo, aŋ taɓ u suu asinaɗi.

2 TIMOTE 3:8

Ni ko Jannes u Jambre min boyna vi Moizɗira na, asi suu asina ka min gasiraɗi ni na may, ni suu u saara cora hurusina, vira u Lonara irisi ni va sanda ɦawaa.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

2 PIYER 2:15

Asi hin voɗta ɗegeera ki tani asi viɗ ki wa, asi tli voɗta Balaam, goŋ Bosorna, tlaɗta, nam min a fi begera u dlara laɗ cora.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

Magaara JUD Ɓiiriɗta 1:11

Hahawra kasiya, kay asi tli voɗta vi Kainda. Asi viɗ tasi ki u lem gursura, ko Balaam lira na may. Olo ni asi ba kini kayra asi yow kolo duuna ko Kore nara.

WIRA ŊGAYRA 18:13

Ɓolok gu ma yam ana kanelna (gu ma yam ana amenna) mbul uɗirna, u tlesuu his fayatna, va ma ŋgal ndoosna, u summa, mbulna, fuɗta, wa blena, mbutlugina, timigiina, kulumina, u pupusna, mborɓiina, u suu warna lay.

WIRA ŊGAYRA 18:3

Kay ndaɗ ɦal sum maɗna maŋ njaf suuna halaŋ, ni sum maɗ ma njenje ma boy zoŋga, muli suu kay ndaŋgara halaŋ ɦal tasi a li zoŋga u ndaɗu, suu paara hu ndaŋgara halaŋ ɦiz tasi ki u bege maɗna.»