1 TIMOTE 6:4 - Boy Lonana

⁴ Nam ŋga tammi ŋgaay ɦawaa ka wi vaɗi, ciwayra ki egemmi ko tuguɗira na, li honira kay boyna ɦawaa, hu li ma namma mbay ni honira, hoo vunna, u ŋgulla, saara cora.

1 TIMOTE 6:4 ပူးပေါင်းရင်းမြစ်များ

VUN ŊGOLNA 13:7

Sa ma min suuna golom ko sa ma ɦizina nana va ka kom na dewɗi. Sa ma min suuna golom ko sa ma hawra nana ni sa ma tlena ka kom cocona.

VUN ŊGOLNA 25:14

Sa ma ŋga tam kay ɦalla ka u voɗoɗɗira ni ko ndal ɗugulla lira na, paɗ semeɗna, may ka si mboɗira na.

VUN ŊGOLNA 26:12

Aŋ wi sa ma so hurum kay wiimba doy hol ka vi dlaŋ saɗina, sa namma sa ma laɓana ni mariyaɗ suumu.

EZAYI 58:4

Laara agi laɗta tuɗugi ni hu dlara honira u ciwayra na ɗow. Ta ta agi ci suuna poŋga u hurugi ma cona, agi ka li laara ko hu buuna dew a an humugi cen magira naɗi.

SUNDA 15:2

Kay boy namma wanni Pol u Barnabas ciwayra ŋgolo u asiya. Asi ana Pol u Barnabas u suu Antiok suu ɦiw hin tuɗ Yerusalem a ɓak kay boy namma u suu vovoɗta u suu ŋgolona.

SUNDA 18:15

Ni kay ciwayra duk tagi kay boyna, kay semma, kay gaɗ magira, ni agi gagi ii boy namma ni agi kay tagiya. An min kaɓakŋa kay boy nammaɗi.»

SUNDA 8:9

Sana dew sem ana Simon ka hu ɦoŋzi namma. Nammi sa li komona, mbuɗ suu samarina ndaa cocoo. Nam min ana suuna wam ana nammi sa ŋgolna,

ROMMA 12:16

Lakagi taɓi duk tagiya, ŋgaagi tagi kay tlenɗi lagi sunda ɗegeera, Gologi tagi ko suu neeyna naɗi.

ROMMA 13:13

Poyoygi ɗegee ko hu kiɗik faalira na, hinigi kurufukka vi tlesuu tira kiyo u guruɗta guruɗ u summara, dlara bay hum vunna u dlara hoo vuna u dlara honira kiyo.

ROMMA 14:1

Sa viimba maŋina agi vam ugiya, kaɓak kay saa mambaɗi

ROMMA 2:8

Nam hin tak yaamba ki u hurum ma ɓeŋina eg suu hurusi gonokka egemma, u suu ka hum u gasiraɗina hoŋ hum u dlara ka u voɗoɗɗira ɗowna.

1 KORINTNA 11:16

Lini sa min a ciwayra kay boy namma ni, nam wi ki anaba, ami u suu vina vi Lona halaŋ gaɗta daŋ kaɗi.

1 KORINTNA 11:18

Kay an hum ana hu tok magira ni vunugi ɓorowi na zeɗ zeɗ, an wi gasi ma ɦiw na daŋ may.

1 KORINTNA 3:18

Ko sa ganyam tambi, lini sa ma dukugi saa ana nammi sa ma neeyna hu duliyara tani, nam mbuɗ ni sa ma giniŋŋa kay hin a fi nera.

1 KORINTNA 3:3

kay agi ka li ni ko suu hu duliyara na tuwa. Gi honira u ciwayra ka dukugi tuwa, ni tak kini ana agi ka ni ko suu hu duliyara na tuwa, ni agi poyni ko suu hu duliyara na tuɗi su?

2 KORINTNA 11:20

Lini sa gologi ko agi ni mborɓiina na lay ni agi siɓ u dlaamba ko va ma gusugi gusi na lay, sa ganagi yagi lay, lini sa ŋga tam kagi lay, lini cagi irigi lay,

GALATENA 5:15

Lini agi lagi tagi ko mburi suu bagina na ni, ɗaŋi tagira li cora eg tagira togo, gol tagi jiviya, li ka naɗi ni agi ba tagi ki ni ɦawaa.

GALATENA 5:26

Ŋgaaygi taygiɗi, halaygi boyna duk taygi a ɓeŋ taygi ki ɦawaɗi, ŋgiziɗ tlena vi taygiɗi lay.

GALATENA 6:3

Lini sana saa ana nam a li vaa ni ɦawaa, nam ganni yam tamu.

FILIPINA 1:15

U saa manda ni suu daŋŋa dukusi ɦiw di boyna vi Kristu ni u honira ɦawaa u saara jerekekŋa, suu daŋŋa ɦiw di boyna jivi may.

FILIPINA 2:14

Li tlena halaŋ bay yoora u ciwayra.

FILIPINA 2:3

Lagi va u saara ŋga taraɗi, u dlara bay uɗta a tak tagira ɦawaɗi, lagi lalamba eg tagiya tagiya, gol ndarayaŋŋa ŋgol su taŋga.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

2 TESALONIKŊA 2:4

Nam hin duu u tlesuu suuna goɓ kaŋga fokosina u tlesuu suuna golosi ko lona nana halaŋ, nam kal hu Ziŋ Lonara, mbuɗ tam ki a Lona lay.

1 TIMOTE 1:4

Dasi asi hin dlara njunjunda u sem somoyosi suu day daynara kiyo. Dla ndaɗta zulni ciwayra ɦawaa, ka tuɗ sunda suɗta vi Lona ta ay vi huri uɗta fokgi.

1 TIMOTE 1:7

Asi hal a mbuɗ tasi ki malayaŋ gaɗta vi Lonara, asi ka hum u boy masinaɗi lay ka wi va ma asi dammaɗi lay.

1 TIMOTE 3:6

Li sa ma vi Boy Lonana wilinaɗi, li ka naɗi ni nam hin ŋga tamu, ɓakŋa hin vam ko Satanna na may.

2 TIMOTE 2:14

Gasi humusi halaŋ dasi ki eŋe fok Lona kay asi mba ɗeɗ duk tasi kay boynaɗi. Ɗeɗna wanni ka li vaɗi ɓeŋ suu humumma ki ni ɓeŋi na ɗow.

2 TIMOTE 2:23

Noy ciwayra laɓara u giniŋga kiyo, aŋ wi ana dla ndaɗta tuɗ daɓ ki ni u ɗeɗna.

2 TIMOTE 3:4

Asi hin a suu di kolokŋa, ka hum vun saɗi, ŋga tasiya, asi min a li dlara u min masira su Lona.

TITTA 3:9

Hin ciwayra bay uɗta kiyo u sem somo suu day dayna, honira u duu ma duu tara kay gaɗta, tle asina hinisi kiyo. Asi ni ɦawaa, dlaasira kaɗi.

Magaara JAK Ɓiiriɗta 1:19

Gorsen suu an minigina saaragi kay boy ma wanna, gegelay ni hum zak, di zakgi, li ya zakgi lay.

2 PIYER 2:12

Na may saa masira ni ko mburi suu cona na, asi vuɗ ni kay suuna hin vasiya, casi kiyo, asi ŋgul dlara asi ka waɗɗira. Hu dlaasira cora asi hin ba kini ko mburina na may.

2 PIYER 2:18

Asi ɓakŋi dlara ŋga tasira u boy ma bay umma, asi li sunda u min masira hu tliwna a ganyam suu hal a suɗ tasi ki duk suu hu dla corana.

Magaara JUD Ɓiiriɗta 1:10

Suu asina ŋgul tlesuu asi ka wasi usi ɗina, ni li giniŋga ko mburina na. Giniŋ masi ndaɗta baasi ki ni baay na ɗow ɗow.

Magaara JUD Ɓiiriɗta 1:16

Suu asina tew tewni ka tii tasiya furi masira kaɗi, asi lini dlara u min masira, halni ŋga tara mbaɗ ii suuna kay a fi tlena kosiya.

WIRA ŊGAYRA 3:17

Aŋ di ana, «Anni sa ɦizina, li tlena halaŋ jiviya, va ma kaɗakan kaɗi.» Aŋ doy ka wi hahaw maŋga ana aŋŋi sa ma kaɗakina naɗi. Aŋ sa hawra, dugi lay, siili lay.