1 TIMOTE 6:16 - Boy Lonana

¹⁶ Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

1 TIMOTE 6:16 ပူးပေါင်းရင်းမြစ်များ

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

1 JAŊ 1:5

Gola ni boy ma ami humum ay fun Yesu Kristu hin mba jokogina kina ana Lon ni kiɗikka dlara ndufun ka hurum ndeɗi.

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

KOLOSNA 1:15

Kristu, ma suuna wam u irisina, tli tam u Lona ma bay sa wam u irimma, nammi gorom ma jewna, ŋgol su tlesuu nam lasina halaŋ.

Boy Ma Ayra Ma JAŊ Ɓiirimma 6:46

Ni ka ana sa ma wan Bunna naɗi. Sa col ay kolo huulona wi Bun ni nam dew.»

WIRA ŊGAYRA 22:5

Njeŋgera hin ka li oloɗi, sa ka li va u kiɗikka vi lamba oloɗi lay, ta vi fatɗaraɗi lay, kay Lona njayasi kiɗik mamba ki kasi halaŋ. Asi hin kak hu mulla a fafatɗa.

SOOLLA 104:2

kiɗikka cuki egeŋ ko ndal barawna na, huulona ni ko ziiŋŋa na.

KALKIRA 3:14

Lona di Moiz ana, «Anni ma Kana, aŋ dasi ana MA KANA sunun ay egegi ni namu.»

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»

WIRA ŊGAYRA 1:6

Nam laygi a mulla vi muli suu li ɓivunna kay sun Lona, Bumu. Ŋgolla u saɓakŋa maŋ Yesu Kristu a fafatɗa, Amin.

Magaara JUD Ɓiiriɗta 1:25

Ni maŋ Lona hol Saay ma Suɗta, Bu Suuna Yesu Kristu, ŋgolla u ŋgolla, bibiŋilla u saɓakŋa u eŋga, gijaŋŋa ay jewra day cecemmi lay, ha fokka lay gak gak a fafatɗa, Amin.

EFESNA 3:21

Ŋgolla ni maŋ Lona hu suu vi Kristuna halaŋ, u Yesu Kristu hu lina halaŋ a fafatɗa. Amin.

HABAKUK 3:4

Kiɗikka mbuɗ weleɗa, weleɗta kal ay ki hu duk komu. Ni li ma saɓakam ka ŋgay huna.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

WIRA ŊGAYRA 7:12

Asi di ana, «Ni na daŋ may geleɗta u ŋgolla u nera u gi deɓpa, ŋgara ŋgolla, saɓakŋa u eŋga maŋ Loomina a fafatɗa. Ni na daŋ may.»

HEBRENA 13:8

Yesu Kristu ni ko kaa na lay, karam lay ha fok na gak gak.

KALKIRA 33:20

Nam hin dam hu olo ana, «Aŋ ka ndak a wan vogonɗi, kay sa war ma wan u irimma ka kak iiri oloɗi.»

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.

Boy Ma Ayra Ma JAŊ Ɓiirimma 14:9

Yesu hoŋom dira ana, «Filip, an na day day egegi ni, aŋ bay wan tu su? Sa ma wanna, wi ni Bun gaw may. Aŋ hin di ana, Takami Buŋu ni nanage?

WIRA ŊGAYRA 1:8

Anni Gijaŋŋa u Daɓpa, Alfa u Omega, Bu Suuna, Lona ma Saɓakŋa, di na ni namu, ammi ma ka cecemma, ma ay jewna lay, ma hin a mbay fokŋa lay.

Boy Ma Ayra Ma JAŊ Ɓiirimma 8:58

Yesu hoŋosi dira ana, «An dagi ni gasira, jew Abraham bay vuɗ tu ni, An kaa.»

FILIPINA 4:20

Ŋgolla mba li maŋ Lona buy na gak gak a fafatɗa Amin!

GA 8ATAMBARA 32:40

Na daŋ may an tli kon kolo huulona an di ana, Anni ma ka iiri tew tewna.

JOB 37:23

Ni saɓak ma ay ka ndak a tew egembina. Ŋgol coco u saɓakŋa lay u ɗegeera lay. Nam ka li sa ma ɗegeera ka hurum coconaɗi.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

1 JAŊ 4:12

Sa wi Lona u irim kaɗi lini aygi minigi taygi duk taygiya ni Lona hin li huruygi may, min mamba li ki gasi huruygi wa may.