1 TIMOTE 6:14 - Boy Lonana

¹⁴ hum u gaɗta jiviya, ŋgomoɗ na gak gak bay li cora, gak gak hu buu ma Bu Suuna mayna Yesu Kristu hin mbana.

1 TIMOTE 6:14 ပူးပေါင်းရင်းမြစ်များ

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

2 TIMOTE 4:1

An suuruŋŋi fok Lona, fok Yesu Kristu ma kaɓakŋa kay suu iirina u suu miɗina hu mbaamba nam hin mbay hu mul mambara.

2 TESALONIKŊA 2:8

Hu li namma Sa ma Cona kal ay ki wanni Bu Suuna Yesu hin cam ki u musuk ma funumma lay, bulumum ki u bibiŋil mamba nam mbara.

KOLOSNA 4:17

Agi di maŋ Arsip, «Gol taŋ jivi kay sunda yaŋ kaɗ vi Bu Suunara laɗ u voɗoɗu.»

KOLOSNA 1:22

Cecemi u miɗna vi goromma fam hu mbalatamma, Lona taɓagi dukugi u namu, kay a mbuɗugi fokom teteɗ bay cora, bay ŋgulla.

FILIPINA 1:10

Kay agi mbuɗ ndaki a man dlara jivira, agi hin mbuɗ a suu teteɗna a sa ndak a fi va ma co egegi hu buu ma vi Kristunaɗi.

1 KORINTNA 1:8

Nammi sa ma hin vagi kom gak gak, a sa ba ki hu co taaɗi, tew ki fun buuna vi Bu Suuna mayna Yesu Kristu.

SOOLLA VI SALOMON 4:7

Galanda, ndak jivi cocoo, va ma co ka egek na ndeɗi.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

1 PIYER 1:19

Nam buɗugi ay ki ni u ɓivun ma dlam ŋgolna vi Kristu, nam ay ni ko goo timii ma bay cora bay ŋgulla egemma na.

1 TIMOTE 6:20

Aŋ Timote gol dlara ɦaŋga koŋ wanda jiviya, hin boy ma fiyek ma bay umma ma ka taɓ u viraɗina kiyo, u dla mayra yaɗ ana wira ta ka u voɗoɗɗira hiniɗ kiyo.

2 TESALONIKŊA 2:1

Kay hoŋga Bu Suuna Yesu Kristu hin hoŋ ayra, ay hin moli egem lay, gorsenna ami cenegiya kay tokka ay hin tok egemba,

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

FILIPINA 2:15

Kay agi mba li a suu ɗegee suu bay cora egegina goryoŋ Lona suu bay cora duk suu guni suu co hu duliyarana. Agi mba weleɗ dukusi ko ciciwra huulona na.

FILIPINA 1:6

An wi kan jivi ana Lona ma gijaŋ sunda jivira ay u agi dayna, hin tuɗ fok u agi gak gak a daɓaɗ ki hu buu ma vi Yesu Kristuna.

EFESNA 5:27

Nam li na ni kay a col suu vi Kristuna ki fokom u jivi masira u tamba ki teteɗ, cora ka huɗi, zozot ka huɗi lay, turubut ka huɗi lay, va ma daŋ ma co ka huna ndeɗi lay.

1 DLAŊ MULINARA 28:20

Na ɗaŋŋi David di goromma Salomon ana, «Li sunda u huruŋ dew, so taŋ funu. Li ndaaɗi, dlakgi lay kay ana Yawe Lona, Loonna ka u aŋu. Nam hin ka hiniŋ kiɗi, ka noyoŋ kiɗi lay ta ta sun Ziŋ Yawera hin daɓ kiyo.

2 PIYER 2:21

Asi wi voɗta ɗegeera ka ginɗi ni mariyaɗ su mayra asi waɗ ki wi ni hin hoŋ ki dagan noy gaɗta teteɗta kira.

2 PIYER 3:2

An hal a gagi humugi kay boy ma suu jok vun Lona suu teteɗna dam jewna, u gaɗta vi Bu Suuna Sa Suɗta u suu vovoɗta vi Lona haɗagi kaɗta.