1 TIMOTE 6:13 - Boy Lonana

¹³ Fok Lona ma ɦal iirira maŋ tlena halaŋŋa fok Yesu Kristu ma diki kay dlara jivira vi vira fok Pons Pilat, an gaɗaŋu,

1 TIMOTE 6:13 ပူးပေါင်းရင်းမြစ်များ

MATIYE 27:11

Yesu fok Pilat wanni, Pilat joɓom ana, «Aŋŋi mulna vi suu Juifna su?» Yesu ana, «Aŋ di ni aŋu.»

1 TIMOTE 5:21

An suuruŋŋi fok Lona, fok Yesu Kristu u fok suu sunda huulona suu mansina hum u gaɗta ndaɗta bay ka iira, eg gege lay hu dlaaŋga aŋ laɗta.

WIRA ŊGAYRA 3:14

Ɓii magaara maŋ sa sunda huulona vi suu vi Kristuna hu Laodise. Gola ni boyna vi sa ma diki ma ɗegeena, ma gasina sem ana, Amin. Sa ma u tlesuu Lona lasi halaŋŋa ay komma.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

Boy Ma Ayra Ma JAŊ Ɓiirimma 5:21

Buna paɗ suu miɗina ki koloo, ɦasi iirira hurusiya, na may ni, Goona ɦal iirira maŋ suu nam min a ɦasira na.

WIRA ŊGAYRA 22:1

Sa sunda huulona takan mbo lumma vi iirira nam weleɗ ko kristal na, nam ɓaɗ ay ki u dlamba mulla vi Lonna u Goo Timiina.

WIRA ŊGAYRA 21:6

Nam hin di hu ana, an lasi wa, an ni Alfa u Omega, gijaŋŋa u daɓpa. Sa ma laara camma an ɦam yo ma law iirira ɦawaa.

1 TIMOTE 6:12

Duu duu ma jivina vi vira, vi iirira ka a daɓ kiɗira, Lona yaŋŋi kay aŋ wi iiri mayra ndaɗta, hu li ma aŋ diki kay viiŋga duk suu humuŋ dlaaŋga bolowo.

1 TIMOTE 2:5

Kay Lona ni dew, sa ma taɓ duk suuna u namma ni dew may, sa namma ni Yesu Kristu.

SUNDA 17:25

Nam ka min ana sa ɦam va naɗi, nam ɦal tlena maŋ suuna halaŋŋi namu, ɦasi iirira, musukŋa u tlesuu daŋŋa halaŋ.

Boy Ma Ayra Ma JAŊ Ɓiirimma 19:11

Yesu hoŋom dira ana, «Lini Lona ɦaŋ saɓakŋaɗi ni, aŋ ndak ka a li va egenɗi. Ni kay ndaɗta sa ɦan ay ki maŋŋa, coomba su kay maŋga.»

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 5:26

Buna ka u saɓakŋa a ɦal iirira maŋ suuna, na may ni, Goona ka u saɓakŋa a ɦal iirira may.

1 SAMUEL 2:6

Yawe ndak ci sana ki lay, hoŋom ki iiri lay. Kal sana kaŋga hu zulla kura lay, hin tlam ay ki kolo lay.

GA 8ATAMBARA 32:39

Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.

MATIYE 27:2

Asi ɗag Yesu ɗagŋi, ɦam maŋ mul ma ŋgolna Pilat.

2 KORINTNA 9:13

Sun mayra agi laɗ ndaɗta tak ki kay tagira, suuna ŋgolo mba geleɗ Lona kay hum vun magina ma tak viigira u Boy ma Ayra vi Kristu, asi mba geleɗemu kay ɦiz magira agi ɓorow tlegeyegi ki u asira, u suu daŋŋa halaŋ lay.

GALATENA 3:26

Agi mbuɗ a goryoŋ Lonana ni u vira kay taɓ maygira u Yesu Kristura.

1 TIMOTE 1:12

An gi deɓ Yesu Kristu Bu Suuna mayna ma ɦan saɓakŋa kay sun manda, gam deɓpa kay ŋgara nam ŋgaan ana an ɗegee ndaki a sunumura.

1 TIMOTE 1:15

Gola wanni boy ma gasina ma sana ndak a vamma, Yesu Kristu mbay hu duliyara tani kay suɗ suu cona, dukusi halaŋŋi ma co saɓakina ni anu.