1 TIMOTE 6:12 - Boy Lonana

¹² Duu duu ma jivina vi vira, vi iirira ka a daɓ kiɗira, Lona yaŋŋi kay aŋ wi iiri mayra ndaɗta, hu li ma aŋ diki kay viiŋga duk suu humuŋ dlaaŋga bolowo.

1 TIMOTE 6:12 ပူးပေါင်းရင်းမြစ်များ

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

1 TIMOTE 1:18

Timote, goronna, an daŋ gaɗ ndaɗta ni maŋu, ni kay boy ma suu jok vun Lona dam ay ki kaŋ jewna aŋ col kay boy namma a duu duu ma jivina.

2 TIMOTE 4:7

An duu duu ma jivina wa, an tew ki fun li ma ŋgaannana wa, an gol viinda u Lonara wa lay.

WIRA ŊGAYRA 3:3

Humuŋ gaŋ kay va ma aŋ haɗamma, aŋ humummi jiviya. Hum u haɗ ndaɗta, mbuɗ huruŋ kay cooŋga. Lini aŋ ka dliɗ ki koloɗi, an hin mba kafaŋ ko sa ma kulna na, aŋ ka hin wi fat mayra ndaɗtaɗi.

1 TIMOTE 6:13

Fok Lona ma ɦal iirira maŋ tlena halaŋŋa fok Yesu Kristu ma diki kay dlara jivira vi vira fok Pons Pilat, an gaɗaŋu,

1 JAŊ 2:25

Gola ni va ma Kristu di ana nam hin ɦayginana ni iirira ka daɓ kiɗira.

HEBRENA 6:18

Sunda ka mba' ta sa ndak ka a mbuɗuɗɗira, ni hu ndaɗta ni Lona ka kaboyɗi. Aygi suu fi li ma ŋgayra hurumma, ni aygi faygi saɓakŋa ŋgolo a fi va ma aygi ka juɓumma u ɗigilla.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

KOLOSNA 3:15

Ko heɓpa vi Kristu mba li hurugiya, Lona yagi ay u tagi halaŋŋi hu heɓ ndaɗta, lagi ko mbalatara dewra na u gi deɓpa.

1 TIMOTE 6:19

Asi li wa na ni asi tokŋi tlegeyesi suu jivina kolo kay fokka, ni asi hin fi iiri mayra gasira.

ZAKARI 10:5

U tasi dew ko ndal muli suu duuna na, asi hin duura, hin tali luɓu ma hu voɗtana kaŋga u sesiya. Asi hin njogoɗ tasi u suuna. Yawe hin li u asiya. Suu duuna kolo kay kulumi masisina zolona hin casiya.

HEBRENA 3:14

Aygi ni ndarayaŋ Kristuna, lini aygi goloygi viiygira ay jew dayra na gak gaki ni.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

VUN ŊGOLNA 3:18

Ndaɗ ni guna vi iirira kay suu vaɗ ki kosina, furira ka kay suu vaɗ kosina.

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

2 TESALONIKŊA 2:14

Lona yagi ay ni u Boy ma Ayra ma ami dagina na. Nam yagi a fi ɓorow magira hu ŋgolla vi Bu Suuna Yesu Kristu.

SOOLLA 63:8

Kay aŋŋi sa ma njunun ayna, an ka furiya kay aŋ gi garaŋaŋ kanu.

GA 8ATAMBARA 26:3

Aŋ tuɗ fi mul ma li ɓivun ma ka li sunda hu buu nammana, aŋ hin dam ana, «An di ki cemi fok Yawe Looŋŋa ana an tew ki hu mbassa Yawe suu tam u somoyoygi ana nam hin a ɦaygirara wa.»

EZAYI 44:5

Gegelay dukusi ni hin di ana, «Anni vi Yawe,» suu daŋŋa hin tin sesi ana, «Yakob.» Suu hiŋŋa hin ɓii ki hu duk kosi ana, «Anni maŋ Yawe,» yi sesi ana Israel.

2 KORINTNA 9:13

Sun mayra agi laɗ ndaɗta tak ki kay tagira, suuna ŋgolo mba geleɗ Lona kay hum vun magina ma tak viigira u Boy ma Ayra vi Kristu, asi mba geleɗemu kay ɦiz magira agi ɓorow tlegeyegi ki u asira, u suu daŋŋa halaŋ lay.

HEBRENA 13:23

An dagi ha ni kay wayagina Timote asi gam ay kiwa, lini nam mba zaki ni ami hin tuɗ ha gologi u tamiya.

2 KORINTNA 6:7

A gasira vi boy ma ami damma, u saɓak Lonna, u va ma ami lam komi ko ɓagina u mbarina nana ni ɗegeera, a li sa u ndaɗ lay a doo kay tami lay.

SOOLLA VI SALOMON 3:4

An gasi un na ew ni ŋgaf ma hurun minim ɦayna ni na gaw. An vam kommi na gaw, ka min a gam kom oloɗi, tuɗum ay ki ta ta kalafi hu zi mayra sun vuɗun huruɗta.

FILIPINA 1:30

Cecemi agi taɓagi u anu duurugiya, duu namma ni ko agi wi asi van jewra na, ni agi wi ki lay ana hin van olo.

1 TIMOTE 1:19

Gol viiŋga u saa maŋga jivira, suu ɦiw ka hum u saa masiraɗi kay ndaɗta viisira ɓalak kiyo.

1 TIMOTE 4:14

Gol ɦala Musukka ɦaŋgara lalasɗi, ta aŋ faɗ ay ko suu jok vun Lona di kaɗta u mayra suu ŋgolona tin kosi kaŋga.

2 TIMOTE 2:2

Va ma aŋ humum funun an dam maŋ suu molina, dam ki maŋ suu tin hurusi kay boy namma, suu ki ndaki a hin haɗ ndarayasi suu daŋŋa mayna.

Magaara JUD Ɓiiriɗta 1:3

Banayanna an hurun haɗ ana bay ɓiirigi magaara ha kay boy ma Lona suɗuygi ki halaŋŋa baɗi, Lona ɦeɓen a ɓiirigi magaa ndaɗta kay a njunugi a duu kay vira Lona ɦaɗ maŋ suu mamsina yam dew ni a fafatɗara.

SUU KAƁAKŊA 3:2

Li dla ndaɗta na ni a ɦaɗ gor suu Iraelna, ni a haɗasi dla duuna kay asi ni suu wi dlara duuna ay ka fok jewɗina.