1 TIMOTE 6:10 - Boy Lonana

¹⁰ Minda vi gursura ni sari dlara vi njaf cora halaŋ, suu ɦiw ni ŋgiziɗ hurusi na, asi viɗ tasi ki day eg vira, asi oy hurusi u yoora ŋgolo.

1 TIMOTE 6:10 ပူးပေါင်းရင်းမြစ်များ

URA TIN AYRA 29:14

Laban dam ana, «Gasi aŋŋi tliwin daŋ may.» Yakob li tilna vi Laban dew.

URA TIN AYRA 29:26

Laban di ana, «U gaɗta tanira ni goora goora ka tuɗ ki njuf jew wayaɗta ŋgollaɗi.

URA TIN AYRA 34:27

Goryoŋ Yakob suu hiŋŋa calaɗ kay suu miɗina ɦurum tlesuu hu ɦoŋzinana ki halaŋ halaŋ, kay asi ɓalakasi wayasira kiyo.

URA TIN AYRA 38:16

Nam hin voɗta tani tuɗ varaɗu daɗ ana, «Hinin an taɓ u ndaku.» Kay nam wi ka ana ni caŋ gorommaraɗi. Ndaɗ dam ana, «Aŋ hin ɦanni me a taɓ u an nige?»

1 MULINA 2:40

Simey gan kor mamba ful tuɗ hu Gat vi Akis a hal suu mam suu sunda. Sime tuɗ ni sem dew ɦawaa a hal suu mam suu sunda ay hu Gatta hol.

2 MULINA 5:27

Kay ndaɗta busu ma vi Naamanna hin jokŋi kaŋu, ha kay njafaŋŋi na halaŋ halaŋ.» Hu li ma Gehazi gi tam hin Elize kana may ni, tam mbuɗ ki haɓpa ko fuɗ barawra na, busuna cukummi na gaw.

SOOLLA 32:10

Suu li dla cora lassa mba kasi cocoo, na may dlara ɗegeera ka cuɗ u sa ma hin tam ko Yawena.

SOOLLA 62:10

Na daŋ may suu warna ni semeɗna ɦawaa, asi suu ŋgolona takŋi kaboyna. Lini sa a ŋgaasi nekesiya ni, asi ki ni fet ko semeɗna na.

VUN ŊGOLNA 1:19

Ni ko ndaɗta na suu kulla ka kul iirira vi suuna, na may asi ba iiri masi tasirara kiyo.

VUN ŊGOLNA 1:31

Na ni asi hin ti ni vuɗ poy masira may, dlaasira cora asi laɗta hin hoɓosi ni ndaɗ may.

VUN ŊGOLNA 15:27

Sa ma godlom gursura cocona mbaa ni dla cora kay suu mamsina. Sa ma ka hin tam a sa gusum ki u bege ɦawaɗina hin furi may.

DI BOLLA 2:19

Lini nam sa ma wi dla kala ma giniŋ kala ni, sa ka wiɗi. Nam hin mbuɗ ni malaŋ sunda an laɗ wandara halaŋ. Sunda an laɗ u yal man ma ga kay ndaŋgara u faɗta tanina. Halaŋ ca ni ŋga tara ɦawaa.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZAYI 56:11

Asi ni digini suu kurufukka ka hoɓbi lay, asi tasira ni a suu taa yoorina gaw. Asi ka wi dira di ana ndagami waraɗi lay. Asi ka wi ɓorow ii tlenaɗi lay. Gegelay dukusi ni hal ni fiimma. Gegelay hal ni ɓaɗta kay tam.

EZEKIYEL 13:19

Agi mbuɗungi sen ki njenjera fok suu mansina ni kay fu ma agi a fam funugi na ew daŋŋa, u komnjoɗi orge ma ewna may. Agi cagi suu maɗ ka kasi tuɗina kiyo, suu a miɗ ki ginna agi mbuɗusi iiri may. Agi ganan yam suu mansina u dlara kaboyna suu min a hum dla ndaɗtana.

EZEKIYEL 16:33

Suuna ɦal tlegena ay ni maŋ gawlaŋina na ɗow, ndak may ni hin ɦal tlena ha ki ni maŋ suu minikŋa na ɗow a mbaarasi ay egekka, suuna ay hu lina zeɗ zeɗ mbay egeku, mba cuk tasi hu dlaakka cora.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

MATIYE 13:22

Ii njaf ma ndi duk wayara ni, suu hum Boy ma vi Lonna hummi, hurusi ki tinni kay tlesuu hu duliyarana, begera mbaɗasi hurusiya. Tlesuu asina muruɗusi Boy ma vi Lonna ki hurusiya. Boy namma zul ka hurusiɗi.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

MATIYE 6:19

«Mologi begera kay ndaŋgaraɗi. Njufulna u toɓora hin taɗ ki ni ɦawaa, suu kulna vek u ziginina, kuluɗ ki lay.

MARK 4:19

hurusi ki tini kay tlesuu kay ndaŋgarana, begera mbaɗasi irisiya, asi gijaŋ saa kay tlesuu daŋŋa olo, tlesuu asina muruɗusi Boy Lonana ki hurusiya. Boy namma zul ka hurusiɗi.

GA 8ATAMBARA 16:19

Aŋ baa yam gasira ki gaɗi, aŋ ka ɓorow ii suunaɗi, aŋ ka vi ŋgomba suuna ŋgomoŋgaɗi, kay ŋgomba duk ii sa ma wi gasira kiyo, ɓalak boy ma vi sa ma mamma ɗegeena ki lay.

GA 8ATAMBARA 23:18

Ka a gawlaŋ mayra teteɗ ɗowba sa njuf ma teteɗ ma hin tam ki kay dlara zoŋga li duk suu Israelnaɗi.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

1 TIMOTE 6:21

Suu daŋŋa ɦiw ni ka u wi mayra ndaɗta, asi mbuɗ ki day eg vira. Ko oora vi Lona kak u agiya.

1 TIMOTE 6:9

Suu hal a ɦiz tasi kina cuk kaŋga hu ndemba wa, saara cora gunusi yowosi wa, ta zuɗ suuna ha hu ɓalakka a baasi kira.

2 TIMOTE 3:2

Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay.

2 TIMOTE 4:10

Kay Demas hinin ki wa kay nam min tlesuu vi duliyara ŋgolo, nam tuɗ Tesalonik wa, Kresens tuɗ Galati, Tit tuɗ Dalmati may.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

Magaara JAK Ɓiiriɗta 5:19

Gorsenna lini sa maa dukugi mbuɗ ki wa day eg gasira ni ndaramma tayam aya.

JOSUWE 7:21

An wi baraw robba ŋgolla jivi cocora ay hu Babilonni, doonora kis kis mba' may, tokolo lorra dew may. An irin filiw yowosi aya. An pasi ka ga hu mbutluɓma, doonora ŋgay ki kaŋga u may.»

Magaara JUD Ɓiiriɗta 1:11

Hahawra kasiya, kay asi tli voɗta vi Kainda. Asi viɗ tasi ki u lem gursura, ko Balaam lira na may. Olo ni asi ba kini kayra asi yow kolo duuna ko Kore nara.

WIRA ŊGAYRA 18:13

Ɓolok gu ma yam ana kanelna (gu ma yam ana amenna) mbul uɗirna, u tlesuu his fayatna, va ma ŋgal ndoosna, u summa, mbulna, fuɗta, wa blena, mbutlugina, timigiina, kulumina, u pupusna, mborɓiina, u suu warna lay.