1 TIMOTE 5:8 - Boy Lonana

⁸ Lini sana ka gol suu mamsinaɗi, su saɓaki ni kay suu varam vona, nam hin kini vira, ni nam co su sa ma bay vina.

1 TIMOTE 5:8 ပူးပေါင်းရင်းမြစ်များ

URA TIN AYRA 30:30

Tlesuu an mba fasi koŋ jewna ni ew, tle asina zul koŋ coconi unɗi su? Yawe paɗ vunum ki kaŋŋi unu. An hin li sunda kay ziinni saɓa mayge.»

EZAYI 58:7

Ni ana ɓorow fu ma aŋ tamma u sa ma mayra camma. Olo ni suu wi hawra zi ka kasiɗina minisi zina kasiya. Lini aŋ wi sa maa ki siili wa ni, ɦam barawna tamu. Aŋ ka njun huruŋ ki eg wayaŋŋaɗi.

MATIYE 18:17

Nam humusi vunusi kaɗi olo ni, dam ki fok suu vina halaŋ. Suu vina nam humusi vunusi kaɗi ni, golom ko sa hawana na.»

MATIYE 7:11

Agi suu cona wi a ɦal tlesuu jivina maŋ goryogiya, Bugi ma kolo huulona ɦal tlesuu jivina maŋ suu joɓomma ni nam ɗowɗi su?

Boy Ma Ayra Ma JAŊ Ɓiirimma 15:22

Lini an ka mba dasiɗi ni, asi ka wi coosiraɗi. Cecemmi, asi ka puruɗ ki ko ɓakŋaɗi.

1 KORINTNA 6:6

Sa vina dlara li duk tam u wayamma su? Lini ka na ni tuɗuɗ fok suu kaɓakŋa suu bay vina su?

2 KORINTNA 12:14

An hin tok a tuɗ ha varagi a yanda hindira an hin ka a loɓogi tagiɗi, an minigi ni tagira ka ni gursu maginaɗi, kemba ka tok gursura maŋ somoyosi ni asi na ɗowɗi, somoyosi tokosi gursura ni asina na ɗow.

2 KORINTNA 6:15

Kristu ndak taɓ ko tam u Satanna ni nanage? Sa ma vina ndak taɓ ko tam u sa bay vina ni nanage?

GALATENA 6:10

Hu li ma lina ka tuna laygi jivira eg suuna halaŋ. Li jivira saɓaki ni eg gorseygi suu vina.

2 TIMOTE 2:12

Lini aygi kak ɗiliya aygi hin taygi mulla u namu, lini aygi hinim kiyo, nam hin hiniygi ki may.

2 TIMOTE 3:5

Asi li ko asi vi u Lona na, na may ni noy saɓak vira kiyo, aŋ taɓ u suu asinaɗi.

TITTA 1:16

Asi di ana asi ni suu wi Lona, sun masira ka tak naɗi gaw may. Asi ni suu cona, duu u gasira, ndak ka a li sunda jiviɗi.

2 PIYER 2:1

Buu ma dew ni suu haɗ haɗta cora mba duk suuna, suu haɗ haɗta co ndaɗta hin mba dukugi na may. Asi hin mba tin gaɗta cora ɓeŋ suuna kira, sa ma suɗusi kina asi hin noyom kiyo, asi cuk tasi hu bara ba kira zak ni kay tasiya.

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

WIRA ŊGAYRA 2:13

An wi li ma aŋ buu huna, ni hu li ma Satan kaki kay dlam mamba mulla huna. Aŋ huruŋ tini kan eŋe, huruŋ ma tini kanna aŋ bay hinim ki tuwa. Fali mayra Antipas sa ma diki kan gasina, asi cam varagira lay, ni li ma Satan kaki huna.

WIRA ŊGAYRA 3:8

An wi tlesuu aŋ lasina halaŋ, an wi ana saɓak maŋŋa ka ŋgolɗi, na lay ni aŋ hum boy manna ha jiviya ni aŋ vanni vununu. An malaŋ vun zira ki maŋu, sa ka ndak a duguɗɗi.