1 TIMOTE 5:6 - Boy Lonana

⁶ Cara donora li u min maɗta kay taɗta kini miɗiya, lini ndaɗ ka ni iiri lay kini miɗiya.

1 TIMOTE 5:6 ပူးပေါင်းရင်းမြစ်များ

Magaara JAK Ɓiiriɗta 5:5

Hu ndaŋgara tani agi kaki hu li ma jivina u furira. Agi vagi tagi mbulna ni kay juɓ buu ma ŋgaɗta.

WIRA ŊGAYRA 18:7

Ҥaɗ lassa u wihawra ko ndaɗ ɦal bibiŋilla u ŋgolla maŋ taɗu. Ndaɗ ana an kaki ni ko ca mulla na, an ka cara donoɗi, yara an ka faɗɗi lay.

WIRA ŊGAYRA 3:1

Ɓii Magaara maŋ sa sunda huulona vi suu vi Kristuna hu Sard. Humugi boyna vi sa ma Musuk Lonana kiɗisiya komu u ciciwra kiɗisiya mayna damma haa. An wi tlesuu aŋ lasina halaŋ, an wi saara suuna di kaŋga aŋ ka iiriya, doli aŋŋi miɗiya.

Boy Ma Ayra Ma LUK Ɓiirimma 15:24

Kayme goron ma namma ay ki gin ni miɗiya, nam dliɗ ki wa. Nam ay ki gin ni viɗiya, an fam wa.» Luu ma furira gi jaŋŋa ni na gaw.

Boy Ma Ayra Ma LUK Ɓiirimma 15:32

Ay ndak a luu luu ma furira kayme wayaŋŋa gin ay ki ni ko miɗira na, cecemi nam mbuɗ ki ni iiriya. Nam ay ki ni baaya, cecemi an fam wa.»

EFESNA 5:14

Ni va ma tak ki ɗal ɗalna hin mbuɗ ki kiɗiki kay ndaɗta boyna di anaba, «Dliɗ ki koloo aŋ sa ma buu senna, col ki kolo duk suu miɗina, Kristu hin ɓo lina ki kaŋ kiɗiki.»

EFESNA 2:1

Agi ay jew miɗi fok Lona kay coogira, kay suluk magina.

Boy Ma Ayra Ma LUK Ɓiirimma 15:13

Buu dagan ca ni ma goona gus tlegeyem ki gusni, tuɗ u gursu mamba hu mbassa dayra. Nam ɓeŋ gursu mam ndaɗta ki halaŋ.

MATIYE 8:22

Yesu hoŋom dira ana, «Tuɗ ay unu. Hin suu pi maɗna, pi maɗ masina haa.»

KOLOSNA 2:13

Agi li ay jewni miɗi fok Lona kay coogira kay agi ay ni suu bay caw ɗiwra, suu bay vina. Cecemi Lona hoŋ mbuɗugi iiri u Kristu, ni Lona hoŋ daɓaygi cooygira ki halaŋ.

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

Boy Ma Ayra Ma LUK Ɓiirimma 12:19

An hin di tan ana, An li tlena ŋgolo asi ndakan a li basara cocoo, koɗ tanu. An hin ti may, ci may, furi ɗaŋ.

Boy Ma Ayra Ma LUK Ɓiirimma 7:25

Na ɗaŋi agi ay gologi ni mege? Agi ay golni sa cuk baraw ma jivi ɦayna su? Suu cuk baraw ma jivi ɦayna lay, kaki u furira tew tew lay, ha ni hu zina vi mulina.

YOORA 4:5

Suu ti tlena godlomba miɗ ki hu voɗta, suu ŋgolo suu suuna ŋgaasi coco u baraw ma gus loɓma egesina gasi yam didiŋga ki a hal tina.

JEREMI 6:2

Ndak Siyon ta jivira, ta jivi ɦayra vunuk seŋ kaŋga wa.

EZAYI 47:1

Agi suu Babilonna wagi hahaw magira, hin dlamba mulla lakagi ki ga duk buɗna. Babilon ay jew ni ko goo wayra jeŋiira na. Suuna ŋgaam ana zi ma jivina, cemi ka na olodi.

EZAYI 22:13

Agi may ni hin lini furira, agi ŋgaɗ yorina koma, ci summa, komogi tliwna tagiya cagi lay. Agi hin di ana, «Taygiya caygiya, kay vinni aygi hin miɗ kiyo».

VUN ŊGOLNA 29:21

Sa ma ɓalak saam ma sunda ay ki u goo tam ka dambina, nam hin mbuɗ ki ni sa kulna ka hum vun saɗina.

1 SAMUEL 25:6

Agi dam ana basara wilira jivira, gaŋ deɓe, gi deɓ zina, gi deɓ maŋ suu varaŋŋa halaŋ.

1 SAMUEL 15:32

Samuel di ana, «Mbaagi Agag mul ma vi Amalekŋa aya.» Agag mbay egem u furira. Nam ɓak tam ana, «Gasi daŋ may dlara ci maɗna ki hiniya.»

GA 8ATAMBARA 28:56

Ca mayra ɦizi coco ka tin seɗ duk ndaŋgaɗi layra hin li ni ko ndaɗta na lay, ndaɗ gol njufuɗ u goryoɗ ni u iira cora ka ŋgaf u asi oloɗi.

GA 8ATAMBARA 28:54

Sa ma ɦizi cocona mbuɗ gol gorsemma ni u iira cora, caamba nam miniɗ cocora lay u goryom suu hinna lay nam ka minisiɗi,

Boy Ma Ayra Ma LUK Ɓiirimma 16:19

«Sana dew ni genewra kom cocoo. Nam cuk tammi baraw ma jivi ma gus loɓma. Nam kaki u furira tew tew, ti ti ma jivina lay.

URA TIN AYRA 2:17

Na may gu may ma wi yal jivira u cora aŋ tambi, falira aŋ tamwani aŋ hin miɗa.»

2 TIMOTE 3:6

Suu daŋŋa dukusi ɦiw cuk tasi kalafi hom yam boyogi suu maŋina usiya, asi hoɓi u cora taɗ u saara cora dadamba.