1 TIMOTE 5:10 - Boy Lonana

¹⁰ Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

1 TIMOTE 5:10 ပူးပေါင်းရင်းမြစ်များ

1 TIMOTE 6:18

Gaɗasi kay a li jivira kak ɦizi hu sunda jivira, taŋ loɓ kay ɦala ɦal maŋ suunaɗi, njun u suu daŋŋa daŋŋa.

TITTA 3:8

Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.

SUNDA 9:36

Cara vira dew ay hu ɦoŋzina Yoppe yaɗ ana Tabita (sem namma ni u vun Grekŋa ana Dorkas mbuɗ ki ni ana Dukka). Ndaɗ ay tew tew li jivira maŋ suuna njun u suu hawra.

TITTA 3:1

Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel.

TITTA 2:7

Aŋ taŋga mba li sunda jivira a suuna li ko aŋ na mayra. Col gasi ɗegee hu haɗ maŋga.

2 TIMOTE 3:17

Kay sana vi Lona mba li ki mini jiviya, tok a li sunda jivira halaŋ.

ROMMA 12:13

Njun u gorsegi suu ka hu loɓma, vi suu mba varagina jiviya.

Boy Ma Ayra Ma LUK Ɓiirimma 7:44

Yesu pereɗ irim eg cara di Simon ana, «Cara wanni aŋ waɗ su? An mba ni varaŋu aŋ ɦan yo mbus sen kaɗi, ndaɗ hin mbusun sen ki u simiyiɗu, saɗan sen ki u tlimiɗ yaɗ lay.

MATIYE 5:16

Agi a li kiɗikŋa fok suuna ni na may. Suuna wagi jivi magira na ni, asi geleɗ Bugi ma kolo huulona may.»

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

HEBRENA 13:2

Lagi suu mba varagina jiviya, ko suu daŋŋa li suu sunda huulona jivi bay wasi ana ni asiya.

HEBRENA 10:24

Lakaygi jek jekee, njun u taygiya, gaɗaygi taygiya, miniygi taygi a li sunda jivira lay.

TITTA 3:14

Kay suu mayna mba haɗ tasi a li sunda ɗegeera ura jivira, kay a hin ndak a li sun mayra garaŋga, kay asi mba mbay u dlara ɦawaraɗi.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

Boy Ma Ayra Ma LUK Ɓiirimma 7:38

Ndaɗ kak ay kaŋga ŋgoo Yesu u semu, gijaŋ tiina mbus sem Yesu ki u simina. Ndaɗ hin va simi ma kay sem Yesuna ki u tlimiɗ yaɗu. Ndaɗ furiyum furi ni, hin yamam mbul ma hisna kay semu.

URA TIN AYRA 18:4

Hin asi halagi yo ay mbusugi segiya, lakagi kaŋga u ŋgusna koɗogi tagi nde.

3 JAŊ 1:12

Suuna halaŋŋi ɓak kay jivira vi Demetriussa, gasira kay taɗta ɓak kam na lay. Aygi lay diki jivi kamu, aŋ wi ana dlara ay ki ni u voɗoɗu.

1 PIYER 4:9

Vagi suuna varagiya u huu ma jivina.

2 TIMOTE 3:15

Aŋ wi magaara gaɗta teteɗta ay ni u goo taŋ day, ndaɗ ndak a ɦaŋ nera a tuɗuŋ hu suɗta u vira aŋ vi u Yesu Kristura.

2 TIMOTE 2:21

Lini sa ma mbuɗ tam ki jivi pasiyak ko cora an ɓak kaɗ wanda, nam hin fi ni sun mamba kay tamu kay nam ɦal tam ki ni maŋ malamma bel, nam irim jiviya, nammi tok a ɦam sunda gaw, kay nam minimu, ni kay sunda jivira bel.

2 TIMOTE 1:5

Humun gan kay viiŋga gasira aŋ vira, vi ndaɗta ni mayra suŋgolo Lois u suŋ Eunise vaɗ ay jewra, an wi ki kaŋ gasi ana vi ndaɗta ka huruŋ may.

1 TIMOTE 5:25

Sunda jivira wi ki ni kiɗik gaw ta sa ka waɗ ki kiɗik gawɗira lay ni ka viɗiɗi.

1 TIMOTE 2:10

Li sunda jivira ko boyogi suu li sunda ii Lona jivina na.

KOLOSNA 1:10

Ni agi hin poy ko Bu Suuna minda na, li ni dlara nam minda lay. Ni agi hin li sunda jivira a wulugi fok hu wiigira kay Lona.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

SUNDA 22:12

«Sa maa dew sem ana Ana nias, nammi sa ma ɗilina, vi u gaɗ maygira, suu Juifna, suu hu Damasna, halaŋ minimu.

SUNDA 10:22

Asi hoŋom dira ana, «Sa ma ŋgol asgaana Korniye sunummi ay ni namu. Nammi sa ma ɗegeena ma vi u Lonna, suu Juifna halaŋ lay ni minimu. Sa sunda huulona tak tam irim dam ana, nam yaŋ ay varamu, aŋ hin mba dam boy ma huruŋŋa.»

SUNDA 9:39

Piyer vi yam kaɗi gi tam usi zak gaw. Nam mba tew egesi tew ɗaŋŋi asi tuɗum hu zira ha kolo kay ndaraɗtara. Boyogi suu donona halaŋ tok ay egem a tiina. Asi takam barawi suu Dorkas li ha cilisi hu li ma ndaɗ ha iiri tuna.

SUNDA 6:3

Ni kay ndaɗta gorsenna, managi suu dukugi kiɗisiya suu ŋgul ka egesiɗina, suu hurusi oy u Musuk Lonara, suu neeyna, ni ami hin hinisi kay sun ndaɗta.

EZAYI 1:17

Haɗagi tagi a li jivira, halagi ni ɗegeera, njun u suu ka lasna. Li jivira maŋ suu kuyuna, njun kay boyogi suu donora.

SOOLLA 119:4

Aŋ tak gaɗ maŋga ki ni aŋu, kay a suuna goloɗ u jivira.

DLAŊ LEVIRA 25:35

«Lini wayaŋŋa balna ka kamu, nam mbuɗ ki iriŋ hahaw cocoo ni aŋ njun umu, lini nammi koy ɗowba ŋgay ma dukugi lay, kay a nam kak iiri egeŋ may.

URA TIN AYRA 24:32

Sana hin kal ay vo hu zina, nam hin buɗ tlena ki kay jamballa, asi ɦasi haɗ ma jivina may. Asi ɦal yona ay maŋ sa sunda vi Abraham u suu umma, asi mbus sesi kiyo.

URA TIN AYRA 19:2

Nam dasi ana, «Suu ŋgolo mansina an cenegiya selegi ay vo varanu. Mbusugi segi kiyo buurugi vo varanu. Maɗii feɗet ni agi hin yow kolo a tuɗ koy magira tuwa.» Asi hoŋom dira ana, «Ҥawaa, ami buu ni kay tuɗta.»

1 TIMOTE 5:16

Lini cara vira boyogi suu donona ka hu njafaɗu ni ndaɗ njun usiya, hinisi nekesi kay suu vi Kristunaɗi, kay suu vi Kristuna ndak a njun u suu dono suu gasi kay tasina.

1 TIMOTE 3:7

Lini nanagelay suu vi Boy Lonana kaɗina ŋgaam hu dlaamba nam laɗta lay. Kay suuna mba panambi, a nam mba viɗ ki hu ganyamba vi Satannaɗi.

URA TIN AYRA 43:24

Sa namma cukusi ha vo vi Yosef ɦasi yona asi mbus sesi kiyo, ɦal haɗna maŋ kor masisina may.

1 TIMOTE 3:2

Sa ma gol suu vi Kristuna lini sa ma ŋgul ka egembina, nam lini sa ma cara um dewna, doo tamu, ɗigiliya, ŋga tambi, lini sa ma suuna tuɗumma, nam li ndaki a haɗ suuna.

MATIYE 25:17

Ma bege mamma mbana, fi ka u mba' may.