nam hin fi ni su tlesuu nam hinisi kina fasi ni kay ndaŋgara tani gaw sem kis, fi zina, fi gorsemma, fi sura, fi goora, fi senena. Nam fi lassa lay. Ha fokka nam hin fi iirira ka daɓ kiɗira.
Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.
Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.
Samuel di ɗaŋŋi ana, «Yawe min ɓivun ma ŋgalam ki ŋgalina u ma lam ɦawana ŋgolla su humba hum u boy mammara su? Ҥawaa, humba ni ŋgol su ɓivunna, gi yamba kaŋgara su mbul gamlagina.
Sa ma su kay ndaŋgarana an hin colom duk Ziŋ Loonara, nam hin ka kal ki oloɗi. An hin ɓiirim sem Loonna kamu, ɓiirim sem ɦoŋzi ŋgolna vi Loonana kam lay. Yerusalem ma wilina ma hin col ay kolo eg Loonana. An hin ɓii sen ma wilina kam hu may.
Va an a lam u mbul ma his jivi ma yowom ay Sabana ni mege, u cerew ma gol jivi ma yowom ay hu mbassa dayrana ge? An ka minigi ɓivun magi ma agi ŋgalangina kinaɗi, ɓivun ma agi langinana ka irin jiviɗi.
Suu ana asi hin ziisi kiyo, ɗowba gorsesina, busiya, susiya, goryosiya, sene masina kan anu ni, asi fi ŋgol suwa sem kis olo, hin fi iirira ka daɓ kiɗira hu jona lay.