Boy manna ni ko ndaɗta na may, hu li ma nam kal ay ki fununna. Nam ka hoŋ ay egen bay li vaɗi, ka hin bay li dlara an miniɗta kiɗi. Kay ndaɗta an dammi na.
Lini asi humun gaɗ manda ni, asi hin ɓakan boy manna ki maŋ suu mansina, asi humum may. Asi hin hoŋosi ay ki hu voɗ masira cora asi tlaɗta ki duk dlaasira cora lay.
«Agi gologi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka. Asi tuɗugi fok suu ŋgolona u mulina kay senu. Fokosiya agi ni suu vovoɗ manda.
«Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.
Lona njun ay un gak gak karam tani ni namu. An ka di boy manna ki maŋ suuna halaŋ, maŋ suu gorina u suu ŋgolona lay. Boy ma suu jok vun Lonna u Moiz dam ana hin mbana an ka jok va ma daŋ zeɗ u masinaɗi.
Hu li ma an ka duk suu maŋi hu vira an mbuɗ tan maŋi ko asi na may. Kay an a mba fasi unu, an li tlena ki zeɗ zeɗ halaŋ kay an a suɗ suu ki dukusi ɦiw.
Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.
Lini aŋ haɗ gorseŋŋa na ni aŋ hin mbuɗ ni sa ma sunda vi Yesu Kristu ma jivina ni tak ki ana aŋ ti tina vi Musukka u boyna vi vira, li wa na ni aŋ tuɗ ni u haɗta vi gaɗta gasi.
Gologi tagi jiviya a sa mba hoŋ ki dagan, hin oora vi Lona kiɗi. Gologi tagi jiviya kay sa mba mbuɗ ko gu ma galaana li cora eg suuna ŋgolo u galaa mamba.
Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.
Saaragi kay boy may ma di ana, sa ma tay sa cona ay ki hu voɗ mamba corana, ni nam suɗ iirira vi sa ma co namma ki hu miɗna wa. Ni coomba ŋgol cocora, hin bulum kiyo.