1 TIMOTE 4:10 - Boy Lonana

¹⁰ Gola aygi laygi sunda loɓ taygi lay ni kay juɓ Lona ma iirina, nammi Sa ma Suɗta vi suuna halaŋ, su saɓaki ni kay suu vina.

1 TIMOTE 4:10 ပူးပေါင်းရင်းမြစ်များ

SOOLLA 107:2

Ko suu Yawe suɗusi ay kina dam dlam ha kiyo, suu nam suɗusi ay ki ko suu babali masisinana,

SOOLLA 118:8

Jivira ni ŋgay taŋ tok eg Yawe, su mayra tin saa maŋga kay suu warnara.

SOOLLA 36:6

Yawe, jivi maŋga tew ta ta huulona, ɗegee maŋga tew ta ta eg ɗugulla.

SOOLLA 37:40

Yawe njunusiya, buɗusi ki lay, nam buɗusi ki ko suu cona, suɗusi kiyo, kay asi ŋgay tasi ni egemu.

SOOLLA 52:8

Suu ɗegeena wi li namma, asi hin lam ndaaramu, asi hin san uŋu.

SOOLLA 84:12

Na daŋ may, Yawe, Lona, ni faɗta, ni mbarina lay. Yawe, ɦal oora u bibiŋilla, nam ka hin jivira laɗ eg suu tuɗ hu jivirana kiɗi.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

JEREMI 17:7

Heɓpa ka kay sa ma tin saaram kay Yawena. Yawe hin mbuɗ ni saɓak mamma.

DANYEL 3:28

Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

NAHUM 1:7

Yawe jiviya, nammi ŋgus ma kay suuna hu buu ma wi hawrana. Nammi sa gol suu ŋgay tasi egemma.

MATIYE 16:16

Simon Piyer dam ana, «Aŋŋi Sa Lona Fuurumma, Goŋ Lo ma iirina.»

MATIYE 27:43

Nam ɦal hurum maŋ Lona nam di ana, Nammi Goŋ Lonna lay ni, aygi goloygiya, Lona hin mbay suɗum ki kalage.»

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 4:42

Asi di cara ana, «Cecemi ami tin hurumi kay Yesu ni ka u boy ma ndak damma dewɗi, kayme ami hum u hum tamira may, ami wi ana nam gasi ni Sa Suɗta vi suuna halaŋ.»

Boy Ma Ayra Ma JAŊ Ɓiirimma 5:24

«An dagi ha ni gasira, sa humun boy manna, tin hurum kay sa ma sunun ayna may ni, iirira ka daɓ kiɗira ka hurumu. Ɓakŋa vi Lona ka kambi, nam hin lina vi suu miɗina kiyo, jak hu iirira ka daɓ kiɗira.

1 KORINTNA 15:10

U oora vi Lona an mbuɗ wi tan ana ni anu, oora nam ɦandara ka va ma lalas ɦawaɗi. Ni na ɗow an li sunda susi halaŋ, ni ka an kay tanɗi, a gasira ni oora vi Lona ta ka u anda.

2 KORINTNA 1:10

Nammi sa ma suɗumi ay ki fun miɗna ko dlara, ni hin suɗumi kini nam olo, ni ami hin juɓmi komu nam hin suɗi olo.

1 TIMOTE 2:3

Gola ni dlara jivira ii Lona ma suɗuygina.

1 TIMOTE 2:4

Nam min ana suuna halaŋ mba fi suɗta, wi gasira lay.

1 TIMOTE 2:6

Nam sa ma ɦal tam ki kay warakŋa a buɗ suuna ki halaŋŋa, ni dlara di ki kay li ma nam ŋgaamma ana nam min suuna bel bel mba fi suɗta.

1 TIMOTE 3:15

Lini an yan ka vi tuwa ka faŋ ha zakgi ni, magaara wanni ndak a njun uŋu a takaŋ poyra duk suu vina, ni di ana suu vi Lona ma iirina, asi ni mbal ma dukŋa suu coli kay gasirana.

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.

HEBRENA 11:26

Nam furi kay ŋgulla vi Kristu irim saɓak su begera Egiptera, nam saa mamba tini kay warak ma fokŋa.

HEBRENA 13:13

Ay tuɗuygi doŋ kaana a siɓ panna ko namma may.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.