1 TIMOTE 4:1 - Boy Lonana

¹ Musukka di ki gasi ana lina hin fok a daɓ daganda wanni suu ɦiw hin vira kiyo, asi hin mbuɗ hum u ŋgussa ganyamba u haɗta vi fulina.

1 TIMOTE 4:1 ပူးပေါင်းရင်းမြစ်များ

URA TIN AYRA 3:13

Yawe Lona joɓ cara ana, «Ndak li na ni amege?» Cara hoŋ dam ana, «Guyna ganan yanni namu, an ti vuɗ guna ni na.»

1 MULINA 13:18

Sa ma jok vun Lona ma maana dam ana, «Anni sa ma jok vun Lona ko aŋ na may. Sa sunda huulona dan ay ni diya ni boy ma vi Yawena ana, tuɗ hoŋom aya uŋ vo hu ziiŋu, nam ti funa may, ci yona may.» Nam kaammi boyna.

EZAYI 2:2

Buu maa hin mbaa ni ɦinira hu ziŋ Yawera hin mbuɗ fiyek a su ɦinira daŋga halaŋ, ndaɗ hin kak a ŋgolla kay ɦinira daŋga bel bel. Njaf suu daŋŋa halaŋ hin taɓ ay ki uɗu.

JEREMI 23:26

Hin tew ni ara na ga, tlena hin li kay suu jok vun Lona suu ɓak boy ma kaboyna ni ge? Asi ni suu jok vun Lona suu ganyamba u ŋgatara ɦawaa.

JEREMI 48:47

Na may hu buu ma fokŋa an hin hoŋ Moab kolo balamaɗu, Yawe di na. Ɓak ma kay Moab ma daɓmi tani.

JEREMI 49:39

Na may hu buu ma fokŋa an hin hoŋ Elam balamaɗu. Yawe di na.

EZEKIYEL 1:3

Yawe di boy mamma maŋ Ezekiyel ma goŋ Buzi mul ma li ɓivunna, hu mbassa vi suu Kaldenara tok eg mbo lum ma Kebarna. Ay hu li namma Yawe tin kom kay Ezekiyel.

EZEKIYEL 38:16

Aŋ hin tuɗ duu u suu man suu Israelna. Aŋ hin kuluɓ mbas ndaɗta ki u suu maŋsina ni ko ndal ɗugulla kuluɓ lina kira na. Dla ndaɗta hin li ni hu li ma lina hin tokŋa. An hin mbaaraŋ ay a duu u mbas manda kay a njaf suu ɦawana wan ki u irisi ana an tak teteɗ manda ki eg Gog.»

DANYEL 10:14

An mbay ni a takaŋ dlara hin mba kay suu maŋŋa hu fokkara, kay ana dla ndaɗta hin tak taɗ ki fok jew kay buu namma tuwa.»

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

MISE 4:1

Hu fokka lina hin mbaa, ɦinira vi Yawera hin li ki tinira kolo kay ndarayaɗna, ndaɗ hin ti mulla kasiya. Njaf suuna hin hoŋ irisi ha kolo kaɗu.

NDUMBA 24:14

Jiviya cemi ni an tuɗ wa vi suu mansina, may ni mbay an daŋ dlara suu asina hin laŋga eg suu maŋsinara ka kiyo.»

MATIYE 18:7

Hahawra kay suu cuk ndarayasina hu cora. Gasi, dla cora hin mbaa, hahawra kay sa mbaaraɗ ayna.

Boy Ma Ayra Ma LUK Ɓiirimma 17:1

Yesu di suu haɗi mamsina ana, «Tlesuu gi ii suuna hu cora hin a li dukusi gak gak. Hahawra hin lini kay sa ma gi ii ndarammana.

Boy Ma Ayra Ma JAŊ Ɓiirimma 16:13

Musukka gasira mba wa ni, ndaɗ hin tinigi hu dlara gasira halaŋ. Ndaɗ ka ɓak kay saɓak maɗna kay taɗɗi, ndaɗ di ni dlara ndaɗ humuɗta, ndaɗ hin dagi dlara hin mbara may.

SUNDA 13:2

Fali taa dew asi tok tasi a cen Bu Suuna wanni, asi ci yoɗi lay ti vaɗi lay. Musuk Lonara dasi ki ana, «Man gi Barnabas u Sol ki kay sunda an yasi kaɗta.»

SUNDA 17:18

Suu haɗ haɗta Epikurirana u suu Estuwasina ciwayra u Pol. Suu daŋŋa di ana, «Sa ma dagam dagam namma di ni ana mege?» Suu ɦiw ana, «Nam ɓakŋi boyna vi lo ma daŋŋa kalage.» Asi di na kay Pol di Boy ma Ayra ana Yesu paɗ ki kolo iiriya.

SUNDA 20:23

Va ma an wamma hol ni ana, ɦoŋzi ma an kal huna tew tew ni Musuk Lonara ka dan lay, takan ana daŋgayna u wihawra ka juɓunu.

SUNDA 21:11

Nam mba egemi kalani yow gandi ma vi Polna njun sem may kom may u namu, di ana gola ni va ma Musuk Lonara damma. «Mala gandina suu Juifna hin njunum ha Yerusalemmi na. Ŋgoo dagan asi hin ɦam ki maŋ suu ka njaf suu Juifnaɗina.»

SUNDA 28:25

Asi cuk tasi ɦawa bay vunusi taɓ duk tasiya. Pol dasi ɦawa ana, «Musuk Lonara di gasini u voɗoɗu, hu li ma ndaɗ di somoyogi u vun sa ma jok vun Lona Ezayi.

1 KORINTNA 10:20

Ҥawaa an di na ni kay suu bay vina li ɓivunna ni maŋ fulina, ka maŋ Lonaɗi. An ka min ana agi taɓ u fulinaɗi.

1 KORINTNA 11:19

Lini nanagelay ni ɓorowra mba li dukugiya, ni hin mba wi suu gasi ɗegeena ki may.

1 KORINTNA 12:11

Ni ndaɗ Musukka ndaɗta dew zul dlara halaŋŋi ndaɗu, ndaɗ ɦal maŋ suuna zeɗ zeɗ u min maɗta.

1 KORINTNA 2:10

Lona gaygi u ŋgay mamba kini u Musukka. Musukka ndak hal u dla mayra vi Lona ta ŋgay ga dayra ki lay.

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

GA 8ATAMBARA 32:29

Lini asi ni suu wi dlaa ni asi ii a hum gini, asi hin saa gin kay iiri masira ha fokka may.

GA 8ATAMBARA 4:30

Hu li ma agi ka hu yoora, lini dlara yoora fagi wa hu buu ma ha fokŋa, agi hoŋogi ay eg Yawe, Looŋŋa, agi mba humum delemu.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

2 TIMOTE 4:4

Asi hin mbuɗ hum gasira oloɗi, asi hin hoŋ irisi tin saa masira ni kay njun njunda.

Magaara JAK Ɓiiriɗta 3:15

Nera ndaɗta wanni mbay ka kolo dayɗi, ndaɗta col ay ni duk duliyara u saara vi sana, mbay ni vi maɗna.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

2 PIYER 2:1

Buu ma dew ni suu haɗ haɗta cora mba duk suuna, suu haɗ haɗta co ndaɗta hin mba dukugi na may. Asi hin mba tin gaɗta cora ɓeŋ suuna kira, sa ma suɗusi kina asi hin noyom kiyo, asi cuk tasi hu bara ba kira zak ni kay tasiya.

2 PIYER 3:3

Wagi ki anaba hu buu ma hin mbay daganna ni suu may suu kak iiri kay tasi u min masira kay tasina hin panagi anaba,

1 JAŊ 2:18

Gorkem manda, daɓpa vi duliyara hin tok, agi hum ki ana Babali ma vi Kristuna hin mba ki fok jewe, cecemmi babali suu vi Kristuna zul ki cocoo tak ki ni ana duliyara hin tok a daɓa.

1 JAŊ 4:6

Aygi may ni vi Lona, sa ana nam wi Lona humuygi vunuygi may. Sa ma ka humuygi vunuygiɗina ay ka vi Lonaɗi. Ni u dla ndaɗta aygi ndak a ɓorow ii Musukka gasira ki ura kaboyna ni na.

Magaara JUD Ɓiiriɗta 1:18

Ana, «Buu ma daganna wanni suuna hin mba ŋgulugiya, asi hin lini dla cora u min masira.»

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

WIRA ŊGAYRA 13:14

Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.

WIRA ŊGAYRA 16:14

Ŋgussa vi fulina li dlara mbuɗta ni asiya, fuli suu hindi asina cuk tasi ca ni tuɗ eg muli suu kay ndaŋgarana halaŋ a tokosi yasiya duu hu Buu ma ŋgolna vi Lona ma Saɓakŋa Kom Belna.

WIRA ŊGAYRA 18:2

Nam sawalla u delemba eŋga kolo ana, «Ndaɗ ndi kaŋga wa, ndaɗ ndi kaŋgawa, Babilon ta ŋgolla. Ndaɗ mbuɗ cem cemi ni li ma fulina lak huna, njaf ŋgussa cora bel bel ŋgay tasi ni huwa, layagi suu njenje sa ka golosi jiviɗina lakŋi huwa.

WIRA ŊGAYRA 18:23

Kura wi lina ki kiɗikka hin ka li varaŋ tani oloɗi lay, sa ma vi cara u cara kaki njufna ka humusi delesi huruŋ tani oloɗi, suu paa maŋsina ni suu ɦizi su suu hu ndaŋgara halaŋŋa. Aŋ ganyam suuna ki halaŋ u kumu maŋŋa aŋ lamma.»

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

WIRA ŊGAYRA 2:11

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓakŋa na gak gak su kay ndaŋgarana, miɗ ma mbana hin ka fasiɗi.

WIRA ŊGAYRA 2:17

Lini sa ma humum ka huma ni hum boy ma Musuk Lonara dam maŋ suu vi Kristuna jiviya. Suu col eŋ na gak gak suu kay ndaŋgarana an hin ɦasi manna ma ka ŋgayna. Duk suu asina an hin ɦasi goyra haɓpa semma wilina ɓiiri huruɗna, wammi sa ma famma doy hol.

WIRA ŊGAYRA 2:29

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 2:7

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓak gak gak hin tina wanni ana an hin ɦasi eŋga a ti vuɗ gu ma iirina ma ka hu Paradis Lonna.

WIRA ŊGAYRA 20:10

Satan ma ganasi yasina hin gam ki duk mbo lum ma kura u suufra, ni hu li ma vabakŋa u sa jok vun Lona ma kaboyna ka cuki huna. Asi hin wihawra faali lay njeŋge lay a fafatɗa.

WIRA ŊGAYRA 20:8

Nam hin tuɗ ganyam suuna ki hu ndaŋgara halaŋ, ni di ana hu Gog u Magog. Nam hin tokosi a li duuna, suuna hin zul su ŋgetl ma doŋ lummana.

WIRA ŊGAYRA 3:13

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 3:22

Lin sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 3:6

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.