1 TIMOTE 3:3 - Boy Lonana

³ Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

1 TIMOTE 3:3 ပူးပေါင်းရင်းမြစ်များ

VUN ŊGOLNA 1:19

Ni ko ndaɗta na suu kulla ka kul iirira vi suuna, na may asi ba iiri masi tasirara kiyo.

VUN ŊGOLNA 15:27

Sa ma godlom gursura cocona mbaa ni dla cora kay suu mamsina. Sa ma ka hin tam a sa gusum ki u bege ɦawaɗina hin furi may.

DI BOLLA 7:8

Daɓpa daɓ dlara kira jivi su mayra gijaŋ dlara. Vira vi taŋ u dlara jivi su ŋga tara.

EZAYI 28:1

Hahawra ka kay mulla Efrayimba, bibiŋil maɗta tak ki kolo kay suu ŋgolo maɗsina ko ɓo tlena na, asi tew tew gurɗiya, asi li mbul ma jivina kasiya, na may tew tew ni asi ki gurɗi buuri ga u summa.

EZAYI 28:7

Muli suu li ɓivunna u suu jok vun Lona viɗ ki u sum ma cira ni na lay. Asi daw kolo ni ka wi li ma asi tuɗ hunaɗi. Sum ma cira viɗisi ki wa, asi mbuɗ ki ni mborɓi summana. Wiisira ha fokka viɗ ki irisi lay. Hu li ma asi a di dlara ni ka di jivi oloɗi daɓ sesi wa.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

EZEKIYEL 44:21

Mul ma li ɓivunna a kal hu Ziŋ Lonara kurufura ni nam ka ci sumbi.

DLAŊ LEVIRA 10:9

«Agi u goryoŋ cagi sumbi, ci sum ma yaɗi lay. Ni hu li ma agi tuɗ hu Mbutluɓ ma Tokka ni agi ka miɗɗi. Gaɗ ndaɗta ni ka gaɗta hin kiɗi, gak gak basara u basara.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

MATIYE 21:13

Nam hin dasi ana, «Ki ɓiiri ana, Ziinda hin li ni zira cen Lona, agi mbuɗuɗ ki zira kulna ni a mege?»

SUNDA 20:33

An hal gursura doonora u lorra ay ka ko saɗi, baraw ma cuk tanɗi lay.

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

EFESNA 5:18

Guruɗugi tagi u summaɗi, kay dla ndaɗta ndak a tuɗugi hu poyra cora, hoɓogi ni u Musuk Lonara na ɗow.

1 TESALONIKŊA 5:14

Gorsenna ami gaɗagiya, neegi suu poy poyra cora, ɗiligi ii suu ka yoo tasina, njunugi u suu maŋina, lakagi ɗili u suuna halaŋ.

1 TIMOTE 3:8

Suu sun suu vi Kristuna mba lini suu ndakina, suu ɗegeena, asi mba li a suu ɦal tasi ki kay summa sasakgi, hal a fi gursura u ganyambaɗi lay.

2 TIMOTE 3:2

Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

TITTA 1:7

Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.

TITTA 2:3

Di boyogi suu maana poy masira mba li ko suu teteɗna na. Asi mba nja kosi kaŋga u dlara ɦay ɦayra coraɗi, mbuɗ tasi mborɓiina vi summaɗi lay. Asi ɦal ni gaɗta jivira.

TITTA 3:2

Kay asi di boy co maŋ saɗi, kak u heɓpa u jivira, asi tuɗ fok a tak lalam masira eg suuna halaŋ.

HEBRENA 13:5

Hin saara vi begera a su kagiɗi, furiyugi u va ma ka kogina, kay Lona di ana «An ka hiniŋ kiɗi, ka noyoŋ kiɗi lay.»

Magaara JAK Ɓiiriɗta 4:1

Ciwayra u honira mbay dukugi ni arage? Asi mbay ni u minda cora, asi duu tasi tew tew huruygira.

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

Magaara JUD Ɓiiriɗta 1:11

Hahawra kasiya, kay asi tli voɗta vi Kainda. Asi viɗ tasi ki u lem gursura, ko Balaam lira na may. Olo ni asi ba kini kayra asi yow kolo duuna ko Kore nara.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.

1 SAMUEL 8:3

Na may goryom ka tuɗ kay balam sembi. Hurusi ma tini kay begerana, asi vi ɦalla ɦawara, asi hin dlara ɗegeera kiyo.