1 TIMOTE 3:16 - Boy Lonana

¹⁶ Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 TIMOTE 3:16 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

MARK 16:19

Bu Suuna Yesu vunum ndi kaŋga may ni, tuɗ kolo vi Bum Lona gaw, kak kay bikim ma njufna.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

Boy Ma Ayra Ma LUK Ɓiirimma 24:4

Saara ana va tlamma ni megera ka kasiɗi. Suuna mba' cuk ki irisiya, baraw ma tasina weleɗ ko me kalara na.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

1 JAŊ 1:2

Iiri ndaɗta gi u taɗ ki sini ami waɗu, ni kay ndaɗta ami mbuɗ a suu vovoɗta kay boy namma ami ɓakagi kay iirira ka daɓ kiɗira, ndaɗ ay ni eg Buna hin gi uɗ ki irimiya.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

KOLOSNA 2:2

An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

KOLOSNA 1:6

Boy ma Ayra njay kiyo, mbaa paɗvunna ki hu duliyara halaŋ, ko nam li ay dukugi jew day hu buu ma agi hum kay oora vi Lona, wagi gasi ndaɗta lay.

Boy Ma Ayra Ma LUK Ɓiirimma 22:43

Hu li namma sa sunda huulona tak tam irim a ɦam saɓakŋa.

MATIYE 3:16

Yesu fi batemma fi ni, a ɗuŋ ay ki kolora wanni, huulona mal ki gaw. Nam wi Musuk Lonara si ay kam ko gugukka na.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.

1 TIMOTE 3:9

Asi li tew tew kakira hu gasira vira takasirara, u saara jivira pasiyakka.

Boy Ma Ayra Ma JAŊ Ɓiirimma 20:12

Ndaɗ wi suu sunda huulona mba' u baraw ma haɓma tasiya kaki hu li ma Yesu li gi huna, hiŋŋa kaki hu li sem li cuki huna, hiŋŋa hu li ma yamba li gi huna may.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

WIRA ŊGAYRA 7:9

Ŋgoo dagan an gol irin na ni wi suuna bolow coco sa ma ndak a ndum suu asina kaɗi. Asi ay ni u dee suuna halaŋ, u njafasi halaŋ, hu ndaŋgara dew dew halaŋ, u vunusi halaŋ lay. Asi col fok dlamba mulla fok Goo Timiina, u baraw ŋgolla haɓpa tasi halaŋ halaŋ u hum manawra kosi may.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

HEBRENA 7:7

Aygi wi ana sa ma paɗ vunum ki kay ndarammana ni ŋgol su ma nam paɗ vunum kamma.

EFESNA 6:19

Cenegi Lona kanu a Lona ɦan boy ma jivina hu li ma an a damma, kay an a di u eŋga a tak dlara ŋgayra vi Boy ma Ayra kiyo.

EFESNA 1:9

Nam takay dlaamba ŋgayra, nam saa ki fok jew ana nam min li u vunum ma nam vam ki fok jewna hu Kristu.

GALATENA 4:4

Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.

1 KORINTNA 15:47

Adam ma jewna minim ay ni u gugum ndaŋgara, Adam ma mbana mbay ni kolo huulona.

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

ROMMA 10:18

An ka joɓ mi anaba asi ni bay hum boyna tu su? Ni asi humiya, kay ɓiira di ana, «Suuna humusi delesi ha ki kay ndaŋgara halaŋ lay. Boy masina tew hu li ma duliyara daɓ ki huna.»

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

GALATENA 2:8

Kay Lona ŋgaɓan a sa vovoɗta vi njaf suu ɦawana ko nam ŋgaɓ Piyer a sa vovoɗta vi suu Juifna na may.

ROMMA 9:5

Asi ni hu dee somora vi suu Israelna, u Sa Lona Fuurumma, ko sa warna na, ka hu dee masira may. Nam su suuna u tlena halaŋ, Lona, ma suuna geleɗem na gak gak hu daɓ kiɗira. Amin.

SUNDA 10:34

Piyer gijaŋ di boyna ɗaŋŋi ana, «Cecemi an wi ki gasi ana Lona ka ɓorow ii suunaɗi.

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

SUNDA 14:27

Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay.

Boy Ma Ayra Ma JAŊ Ɓiirimma 16:28

An col ay ni vi Lona, mba kaŋga hu duliyara, cecem wanda ni, an hin duliyara hoŋ kolo eg Bunu.»

Boy Ma Ayra Ma JAŊ Ɓiirimma 13:3

Yesu wi ki kam ana nam u tamba ay ni vi Lona, nam hin hoŋ ki egemu a Lona ɦam tlena halaŋ komu.

Boy Ma Ayra Ma LUK Ɓiirimma 24:51

Nam paɗ vunum kasi na ni dukum ɓorow u asi gaw gaw tuɗ kolo huulona.

WIRA ŊGAYRA 17:7

Sa sunda huulona dan ana, «Aŋ saa na ni amege? An hin daŋ u boy ma ŋgay ma vi ca ndaɗtana, u vabak ma ndaɗ fuli kamma. Ni vabak ma yam kiɗisiya, mekem doogona.

WIRA ŊGAYRA 17:5

Semma dlaamba ŋgayna ɓiiri vokoɗu, «Ni Babilon ta ŋgolla, su boyogi suu gawlaŋina u dla cora hu ndaŋgara halaŋga.»

HEBRENA 8:1

Gola ni boy ma ŋgolna duk mami ma ami ka damma halaŋ, mul ŋgol maygi ma li ɓivunna kal ki kolo huulona, kaki hu bik kom ma njufna kay dlam mamba mulla, ma saɓakŋa kom halaŋŋa.

2 TESALONIKŊA 2:7

Saɓak ma ŋgayna vi Sa ma Cona ka li sunda cecemi. Sa ma dooromma kal kiwa ni, dla ndaɗta hin li ni na tuwa.

2 TESALONIKŊA 1:10

Ni hu buu ma nam hin mbana, suu mamma hin geleɗemu, kay suu tin hurusi kamma halaŋ hin goɓ kaŋga fokomu. Agi hin li ni duk suu asina lay kay agi vi u boy ma ami damma.

SUNDA 1:19

Suu hu Yerusalemma halaŋ wi dla ndaɗta u irisiya, asi yi sem sene ma gusum namma u vun masina ana Hakeldama, ni di ana sene ma busuna.)

Boy Ma Ayra Ma JAŊ Ɓiirimma 17:5

Cecemmi Bunu, ɦan ŋgolla fokoŋu ta aŋ ɦanda ay jew bay duliyara min tura.

Boy Ma Ayra Ma JAŊ Ɓiirimma 15:26

«Sa may ma a njun ugina hin mbaya. Ni Musukka gasira col ay ko Bun Lonara. An hin sunugira ay u sem Bunu. Ndaɗ hin ɓakagi kanu.

Boy Ma Ayra Ma JAŊ Ɓiirimma 6:62

Dla ndaɗta haɗagi hurugi wanni, falira Goŋ Sanna hoŋ hu li ma nam ay huna wa ni, agi hin li ni nanage?

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

MARK 16:5

Asi sel ha hu zulla ni, fi goozoŋŋa kaki bik njuf u baraw ma haɓma tamu. Asi wam na ni, mbuɗ ndaana cocoo.

MARK 1:13

Nam ay ki ŋgoo bagi li buuna dok fiɗi, Satan hal a ndememu. Nam ay ki ni duk mburi suu ŋgoo bagina. Suu sunda huulona sunumu.

MATIYE 28:2

Na wanni ndaŋgara gijaŋ dlak cocoo. Sa sunda huulona col ay kolo, mba lagaɗ ɦinira fun zullara kiyo, kak kaɗu.

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

MATIYE 4:11

Hu li namma Satanna hinimu. Asi suu sunda huulona mba eg Yesu, mbuɗ sunum ni na gaw.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

ROMMA 10:12

Suu Juifna u njaf suu daŋŋa ka zeɗ zeɗɗi, kay asi halaŋ Bu Suuna masina ni dew ma ɦal tlena maŋ suu yam semma.

ROMMA 3:4

Ni ka naɗi, ni kay Lona tak gasi mamba, lini suuna halaŋŋi suu kaboyna lay ko ɓiira dira naa, «Dlaaŋga tak ki kaŋ ɗegee ko aŋ dira na may, lini tuɗuŋ fun ɓakŋa wa ni boy maŋŋa hin li jivi may.»

ROMMA 16:26

Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.

2 KORINTNA 1:19

Yesu Kristu, Goŋ Lonna ma Silas dagi kamma, ami ha Timote mbani kay «Ҥaara» u «Kaɗiraɗi.» Maŋ Lona kini na ɗow ana «Ҥaa.»

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

Boy Ma Ayra Ma LUK Ɓiirimma 20:44

David u tamba yam ana Bu Suuna mamma. Nam hin mbuɗ a Goŋ Davidna ni nanage?»