1 TIMOTE 3:15 - Boy Lonana

¹⁵ Lini an yan ka vi tuwa ka faŋ ha zakgi ni, magaara wanni ndak a njun uŋu a takaŋ poyra duk suu vina, ni di ana suu vi Lona ma iirina, asi ni mbal ma dukŋa suu coli kay gasirana.

1 TIMOTE 3:15 ပူးပေါင်းရင်းမြစ်များ

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

1 TESALONIKŊA 1:9

Asi ɓak kagi kay vira agi vami ami ay varagira, agi hin ɓivunna maŋ fulina, pereɗ irigi eg Lona ma iiri ma gasina a sunumba.

1 DLAŊ MULINARA 22:13

Na ɗaŋŋi sun maŋga hin tuɗ foko lini aŋ gol u gaɗ ndaɗta a takaɗ ki kiɗiki, gaɗta u vun ma Yawe ɦam ka maŋ Moiz kay suu Israelnana. Li saɓaki, ɦiŋŋi, li ndaaɗi.

1 MULINA 2:4

Yawe hin li dlara nam dandara kiyo ana, Lini goryoŋ poy jiviya, tuɗ fokon u ɗegeera u hurusi halaŋŋi ɦal tasi ki halaŋ may, saaŋ ma ka hin mbay a kak ka kay dlamba mulla fok suu Israelnaɗi.

GALATENA 2:9

Jak, Piyer u Jaŋ asi ni suu ay a ŋgolora, hu li ma asi wi ana Lona ɦan sunda ndaɗta ni namu ni, asi ŋgaf kosi u ami ha Barnabas. Ami halaŋ taɓ tami halaŋ wi ana ami ni ko tami dew, koy mamira ami tuɗumi ni duk njaf suu ɦawana asi tuɗ ni duk suu Juifna may.

ROMMA 3:2

U ŋgara ŋgolla ay ni eg suu Juifna kay nam ɦasi boy mamma ay fok jewe.

MATIYE 16:16

Simon Piyer dam ana, «Aŋŋi Sa Lona Fuurumma, Goŋ Lo ma iirina.»

1 SAMUEL 17:26

David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

ROMMA 9:26

Hu li ma asi di kasi ana ka suu mannaɗina, hu li namma ni asi hin yasi a, «goryoŋ Lona ma iirina.»

SUNDA 1:2

Gak gak tew hu buu ma nam kal kolo huulona. Nam hin tok a kal kolo huulonara ni nam haɗ suu mam suu nam manasina u saɓakŋa vi Musuk Lonara.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

MATIYE 18:18

«An dagi ni gasira, dlara agi njunuɗ kay ndaŋgara, ha kolo huulona, ni njuni may. Dlara agi buɗuɗ ki kay ndaŋgara, ha kolo huulona ki buɗi may.

1 MULINA 2:2

«An tuɗ ni hu voɗta suuna halaŋ tuɗ huruɗta. Aŋ li ka saɓaki, kak eŋ a sa njufna.

JOSUWE 3:10

Agi hin wi ki ana Lona ma iirina ka dukugiya. Nam hin dikigi suu Kanaanna, suu Hetna, suu Hivna, suu Perizna, suu Girgasna, suu Amorna u suu Jebusna ha ki fokogiya.

GA 8ATAMBARA 31:23

Yawe ɦal voɗta maŋ Josuwe ma goŋ Nunna dam ana, «So uŋ kiyo col eŋe, aŋŋi sa ma hin a cuk suu Israelna hu mbassa an vi vunun kaɗ a ɦasirara, an hin li u aŋ lay.»

GA 8ATAMBARA 5:26

Sa war ma hoy hum del Lona ko ami humuɗ wanda na, ɓak ay duk kura sa namma hin kak iiri may ni kaɗi.

WIRA ŊGAYRA 7:2

An wi sa sunda huulona ma daŋŋa col ay u maɗiina, nam vi tampoŋ ma vi Lo ma iirina komu, nam sawalla ay u delem kolo eŋga maŋ suu huulona suu fiɗina suu fi saɓakŋa kay a ɓeŋ ndaŋgara ki u mbo lumma ŋgolna belna.

HEBRENA 12:22

Agi mba kini eg ɦinira Siyonda, zi ma vi Lona ma iirina, hu Yerusalem ma kolona u suu mam suu sunda huulona bup bup.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

1 TIMOTE 4:10

Gola aygi laygi sunda loɓ taygi lay ni kay juɓ Lona ma iirina, nammi Sa ma Suɗta vi suuna halaŋ, su saɓaki ni kay suu vina.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 TIMOTE 3:2

Sa ma gol suu vi Kristuna lini sa ma ŋgul ka egembina, nam lini sa ma cara um dewna, doo tamu, ɗigiliya, ŋga tambi, lini sa ma suuna tuɗumma, nam li ndaki a haɗ suuna.

KOLOSNA 1:5

Hu li ma Boy ma Ayra, boy ma gasina, mbay varagi tani jewra tagi mini kay juɓpa agi hin faɗ ha kolora. Viigira u min magira coli ni kay va ma agi tin hurugi kamma, ka juɓugi koloo.

EFESNA 4:21

A gasira ni agi humun boy manna agi ni suu vi Kristuna, haɗagi gasi mayra hu Yesura ki wa.

GALATENA 3:1

Agi suu Galatina suu giniŋŋa, sa mbuɗugi irigi kina ni gege? Agi wi ki u irigi gasi ana Yesu Kristu miɗ hu gu garakŋa.

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

Boy Ma Ayra Ma JAŊ Ɓiirimma 6:69

Cecemmi ami tin hurumi wi ki ana aŋŋi sa teteɗ ma col ay vi Lonna.»

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

JEREMI 23:36

Na ɗaŋŋi kay nekka vi Yawera ni agi yagi sem dla ndaɗta oloɗi. Nekka hin li ni kay gegelay u boy mamma, kay ana agi ɓeŋ boyna vi Yawe, ma Saɓakŋa Kom Belna, Looygina, kiyo.

JEREMI 1:18

An tanda karam an mbuɗuŋ ki ni li ma saɓakŋa, mbal kawina, gulumun walakka. Iriŋ tinira kay mbassa u dlaɗ halaŋ. Iriŋ tinira kay muli suu Yudana kay suu ŋgolo mam suu sunda kay muli mam suu li ɓivunna, kay suu mam suu duuna lay.

SOOLLA 84:2

Ami miniŋ liiŋ ma kakŋa cocoo, Yawe, ma Saɓakŋa Kom Belna.

SOOLLA 42:2

Ko ndal dukka na an mbuɗ irin hal li ma yona ka huna, ni na may, iiri manda hoŋ iriɗ egeŋu, Loonna.

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

2 TIMOTE 2:20

Hu zira ŋgolla ni tlesuu li tina ni ka suu lor u kawina doy holɗi, tlesuu guna u luɓuna ka lay. Ma jewna tinimmi kay luu ma ŋgolla. Hiŋŋa ŋgaɓi ni kay sunda hu buuna tew tewra may.

1 TIMOTE 3:5

Lini sana ndak ka a gol ziimbi ni hin gol suu vi suu vi Lonna ni nanage?

2 KORINTNA 6:7

A gasira vi boy ma ami damma, u saɓak Lonna, u va ma ami lam komi ko ɓagina u mbarina nana ni ɗegeera, a li sa u ndaɗ lay a doo kay tami lay.

2 KORINTNA 3:3

Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.

Boy Ma Ayra Ma JAŊ Ɓiirimma 18:37

Pilat hin dam ana, «Na ɗaŋŋi, aŋŋi mulna su?» Yesu hoŋom dira ana «Aŋ di ana anni mulna. An vuɗ hu duliyara ni a ɓakŋi dlara gasira. Sa min gasira hum dlara an daɗta.»

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

2 MULINA 19:4

Kala Yawe, Looŋŋa, hum boy ma sa ma ŋgol kaŋ ma vi suu Asirina sunum ay mba dam a ŋgul Lo ma Iirina, hin a gaɗasi kay boy ma Yawe, Looŋŋa, humum wanna, aŋ cenem ha kay u suu hin ka nde wanna.»

1 KORINTNA 3:16

Agi wi ka ki ana agi ni Ziŋ Lonana, Musuk Lonara kaki hurugi may.

1 KORINTNA 10:32

Lagi dlara a ba sa kiɗi, ko suu Juifna suu hu njaf ma daŋŋa, u suu vi suu vi Lonna kiɗi.

1 TIMOTE 3:14

An ɓiiriŋ magaara ha wanni kay an hin tok a tuɗ ha varaŋu.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

HEBRENA 10:21

Mul ŋgol maygi ma li ɓivunna tini hu Ziŋ Lonara,

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?