1 TIMOTE 3:11 - Boy Lonana

¹¹ Boyogosi mba lini boyogi suu ɗegeena ka suu ɦalinaɗi, asi mba doo tasiya ɗegee hu tlena bel.

1 TIMOTE 3:11 ပူးပေါင်းရင်းမြစ်များ

TITTA 2:3

Di boyogi suu maana poy masira mba li ko suu teteɗna na. Asi mba nja kosi kaŋga u dlara ɦay ɦayra coraɗi, mbuɗ tasi mborɓiina vi summaɗi lay. Asi ɦal ni gaɗta jivira.

TITTA 3:2

Kay asi di boy co maŋ saɗi, kak u heɓpa u jivira, asi tuɗ fok a tak lalam masira eg suuna halaŋ.

1 TIMOTE 3:2

Sa ma gol suu vi Kristuna lini sa ma ŋgul ka egembina, nam lini sa ma cara um dewna, doo tamu, ɗigiliya, ŋga tambi, lini sa ma suuna tuɗumma, nam li ndaki a haɗ suuna.

1 PIYER 5:8

Gologi jiviya kakagi jek jekee, kay Satanna kuɗuk ko dlona gi ŋgoɓpa na hal gegelay kay a komomu.

2 TIMOTE 3:3

Hurusi mbuɗ ki coo, ka wihahaw saɗi, suu ŋgul suuna, suu ɓeŋ tlena vi suuna, suu ci maɗna, li gonokka u jivira.

VUN ŊGOLNA 10:18

Sa ma ŋgay gonokka hurumma ɓak dlara u ganyamba. Sa ma di dlara ŋgeŋŋa duk suuna ni sa ma laɓanna.

2 TIMOTE 4:5

Aŋ may ni kak a ŋgolla vi taŋga daŋ may vi wihawra kaŋu, li sun maŋga, di Boy ma Ayra, li sun maŋga a aŋ sa ma sunda vi Lonna halaŋ.

1 TIMOTE 6:2

Mborɓii suu malayasina ni suu vina lini nanagelay asi mba hum usiya, kay asi ni gorsesina, asi mba sunusi jivi ni suni na ɗow, suu fi warakŋa kay sun masira ni suu asi minisina. Gola ni boy ma aŋ a damma a haɗam kina lay.

1 TIMOTE 1:12

An gi deɓ Yesu Kristu Bu Suuna mayna ma ɦan saɓakŋa kay sun manda, gam deɓpa kay ŋgara nam ŋgaan ana an ɗegee ndaki a sunumura.

Boy Ma Ayra Ma JAŊ Ɓiirimma 6:70

Yesu hoŋosi dira ana, «An ŋgaɓagi doogo yam mba' ni ka anɗi su? Maa dukugi dew ni fulina.»

MATIYE 4:1

Musuk Lonara tin Yesu ki ŋgoo bagiya a Satan ndememu.

EZEKIYEL 44:22

Asi ka ɗum boyogi suu njufuyusi miɗ kinaɗi, ka ɗum boyogi suu joki hin njufuyusi kinaɗi lay. Asi ɗummi gorɓii suu bay buu u sa njuf tuna, ni gorɓii suu Israelna may. Asi ndak a ɗum caŋ ndarasi mul ma li ɓivunna ma miɗ kina kama.

JEREMI 9:4

Gegelay ganyam ndaram ma poy u tasina, boy ma gasina ka oloɗi. Asi haɗ sinisi ki u dlara kaboyna. U ganyam masira asi ka ndak hoŋ ay oloɗi.

VUN ŊGOLNA 25:13

Duk faɗta hu li ma suuna a feɗ tlena vona, yo heɓma ni va ma koɗ tara jivi cocona. Ni na may vun sunda sana tuɗ cuɗuɗ jivi ɗegeera ɦeɓ huu malaɗ ma sunum hana ki jivi may.

SOOLLA 101:5

Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

SOOLLA 50:20

Aŋ kak nje ni tummi u wayaŋŋa, aŋ ɓalak gorseŋŋa ki u dla cora.

SOOLLA 15:3

Ni sa ma ka tum u saɗina, nam ka li dla co eg ndaram ma vok zinaɗi, nam ka ŋgul ndarambi.

DLAŊ LEVIRA 21:7

Asi ka ɗum gora co uɗ ay ki voraɗi, ka ɗum gawlaŋgi lay, ka ɗum cara njufuɗ jogoɗ ay kiraɗi lay, kay mul ma li ɓivunna ɦal tammi maŋ Loomma.

ROMMA 1:29

Asi hoɓi u dlara dadamba, dla cora, halla hal tlena, huu ma cona, honira, ci maɗna, hoo vunna, ganyamba, mbaɗ vun ndarayasina u cora hu dlara dadamba ŋgolo.