1 TIMOTE 2:4 - Boy Lonana

⁴ Nam min ana suuna halaŋ mba fi suɗta, wi gasira lay.

1 TIMOTE 2:4 ပူးပေါင်းရင်းမြစ်များ

EZAYI 45:22

Mbuɗugi irigi ay egenu, suɗ tagi kiyo, agi suu kay yam ndaŋgarana halaŋ kay anni Lona dew daŋ, lo ma daŋ kaɗi.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

EZAYI 55:1

Agi suu may suu laara cagina mbaagi ay eg mbona, sa ma gursu ka kombina lay mbaya, joɓogi tlesuu tira tagiya, mbay cagi sum veŋŋa u mbiira bay gussa.

EZEKIYEL 18:23

Na ni an furi gasi kay miɗ ma vi suu cona su? Di ni Bu Suuna Yawe. Ҥawaa, an min ni na ɗow ana asi hin dla coosira ki ta ni lak iiriya.

EZEKIYEL 18:32

An ka furi kay maɗ ma vi sa ma miɗ kinaɗi. Di ni Bu Suuna Yawe. Hoŋogi aya, mbay lakagi iiriya.»

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

HABAKUK 2:14

Kay ana saɓak ma vi Yawena hin oy ki kay yam mbassa ko ndal yona oy ki hu lum ma ŋgolna na.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

MARK 16:15

Nam hin dasi ana, «Tuɗugi ha ki kay yam mbassa halaŋ, dagi Boy ma Ayra ki maŋ suuna halaŋ.

Boy Ma Ayra Ma LUK Ɓiirimma 1:77

A tak maŋ suu mamma ana nam suɗusi ki u bulumba bulumusi coosira kira.

Boy Ma Ayra Ma LUK Ɓiirimma 14:23

Nam hoŋom olo ana, Tuɗ ha hu voɗta senena ŋguy ŋgoo liwra ki lay. Yowosi ay u saɓakŋa. Huu ziinna oy ki u suuna.

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 17:17

Aŋ mbuɗusi ki teteɗ u gasira. Boy maŋŋa ni gasira.

Boy Ma Ayra Ma JAŊ Ɓiirimma 6:37

Suu Bun ɦansinana halaŋ mbay egenu. Sa mbay egenna, an ka noyom kiɗi.

ROMMA 11:14

An ɓeŋ huu suu hu njafanna kay yowmus masina hurusina kay a suɗ suu ki dukusi ɦiw.

1 TIMOTE 4:10

Gola aygi laygi sunda loɓ taygi lay ni kay juɓ Lona ma iirina, nammi Sa ma Suɗta vi suuna halaŋ, su saɓaki ni kay suu vina.

2 TIMOTE 2:25

Nam haɗ suu ka minim boy mammaɗina u lalamba, Lona li hin ɦasi yal ma daŋŋa a jok hurusi zeɗ a wi gasira kalage.

2 TIMOTE 3:7

Boyogina hal haɗta tew tew ni ka ndaki a wi u gasiraɗi.

TITTA 1:1

Ni an Pol ma sun Lona, sa vovoɗta vi Yesu Kristuna. Lona yan kay a mbaa suu nam manasi kina hu vira, kay a takasi gasi mayra viiygira haɗata,

TITTA 2:11

Lona tak oo mamba kay a suɗ suuna halaŋ.

HEBRENA 10:26

Hu li ma aygi waygi gasira wi, lini aygi laygi cora na gak gaki ni, ɓivun ma yow cora kina ka oloɗi.

Magaara JAK Ɓiiriɗta 3:14

Lini honira galaara u ciwayra ka hurugiya ni ŋga tagiɗi, kaboy eg gasiraɗi lay.

2 PIYER 3:9

Bu Suuna ka hin va ma nam damma bay li ki ko suu hiŋŋa saara naɗi. Nam li ɗili egegiya nam min a sa ba kiɗi nam min na ɗow ana suuna halaŋ mba jok iiri masira ki zeɗ.

2 JAŊ 1:1

Anu an sa gol suu vina vi Lonna ɓii ha ni maŋ cara Lona ŋgaɓaɗta u goryoɗ suu an minisi gasina, an minigi ni ka an doy holɗi suu may suu wi gasira halaŋ minigi lay.

WIRA ŊGAYRA 14:6

Ŋgoo dagan an wi sa sunda huulona pii ha kolo duk lona day, nam di Boy ma Ayra ma din dinna maŋ suu kay ndaŋgara, u njaf suuna u deera, u njaf vunna zeɗ zeɗ maŋ suuna halaŋ.