1 TIMOTE 1:5 - Boy Lonana

⁵ U dlara vi gaɗ ndaɗta mbay ni minda vi hu ma jivina u dlara huruŋ saaraɗ fok jivira vira gasira.

1 TIMOTE 1:5 ပူးပေါင်းရင်းမြစ်များ

1 TIMOTE 1:19

Gol viiŋga u saa maŋga jivira, suu ɦiw ka hum u saa masiraɗi kay ndaɗta viisira ɓalak kiyo.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

2 TIMOTE 2:22

Hin dlara aŋ laɗ u zoŋoŋga ki bel bel, hal ɗegeera, vira, minda u heɓpa u huruŋ ki pasiyak taɓi u suu ka yi sem Bu Suunana.

2 TIMOTE 1:5

Humun gan kay viiŋga gasira aŋ vira, vi ndaɗta ni mayra suŋgolo Lois u suŋ Eunise vaɗ ay jewra, an wi ki kaŋ gasi ana vi ndaɗta ka huruŋ may.

2 TIMOTE 1:3

An gi deɓ Lona ma an ka sunumma u saara jivira ko somoyon suu jewna lira na. An gam deɓpa hu buuna tew tew hu li ma humun gan kaŋ hu cenda.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

1 PIYER 3:16

Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

2 PIYER 1:7

Cuk kay taɓpa taɓ u Lonara minda min gorseginara, cuk kay minda min gorseginara, minda.

ROMMA 10:4

Kristu mba tin kini gaɗta vi Moizza hu liiɗu, kay a suu vina halaŋ mbuɗ ki ɗegee fok Lona.

TITTA 1:15

Tlesuu pasiyakŋa ni maŋ suu pasiyakŋa may, va ma ki pasiyakŋa ka li maŋ suu bay pasiyak u suu bay vinaɗi, yal masina u wiisira ki ŋgaay ana ni njenjee.

1 TIMOTE 3:9

Asi li tew tew kakira hu gasira vira takasirara, u saara jivira pasiyakka.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

SOOLLA 51:10

Hinin an hum soolla furira u ayra, hin sokon ma aŋ kusum kina furiya.

1 PIYER 4:8

Su belni minigi tagiya tagiya kay minda bulum cora ŋgolo.

Magaara JAK Ɓiiriɗta 4:8

Ҥuɗugi tagi eg Lona tok nam hin ɦuɗ ay egegi tok may. Agi suu cona, mbusugi kogi kiyo, lagi hurugi ki jivi teteɗ agi suu hurugi mbambana.

SUNDA 23:1

Pol ŋgaras irim kay suu ŋgolo suu kaɓakŋa dasi ana, «Gorsenna, an ay day day, gak gak karami hurun bay ɓeŋ fok Lona tuwa.»

SOOLLA 24:4

Ni sa ma kom u hurum lay ki teteɗna, ni ma ka maɗ kom a li dla coɗina, ka suu tam suura ganyambi lay.

1 JAŊ 3:3

Lini gegelay ma tin hurum kay Kristuna, nam hin mbuɗ ki teteɗ ni ko nam na may.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

1 KORINTNA 13:1

Lini an ɓak vunna vi suuna halaŋ u ma vi suu sunda huulona lay, min manda li kaɗi ni, boy manna an damma hin kini ko gaŋgana a cira ɦawa na, ɗowba ko koŋ koŋŋa a tiira ɦawa na.

ROMMA 14:15

Lini wayaŋŋa mbuɗ ki hahawra u va ma aŋ tamma ɦawaa ni, aŋ ka poy u minda oloɗi, ba sa ma Kristu miɗ kamma ki kay tlesuu aŋ tasina ɦawaɗi.

ROMMA 9:1

An dini gasira an kaboyɗi, an ni maŋ Kristu, hu wiinda Musuk Lonara ka takan ana an di ni gasira.

SUNDA 24:16

Ni kay ndaɗta an so tan baba ana an hurun li jivi fok Lona jivi fok suuna lay.

SUNDA 15:9

Nam ɓorowosi irisi ka u aygi zeɗɗi, nam mbususi hurusi kiyo kay asi viya.

MATIYE 12:35

Sa hurum jivina fi tlesuu jivina u jivi mamba may. Sa hurum cona fi tlesuu cona u coomba may.

MATIYE 5:8

Furira ka kay suu hurusi haɓma, asi hin wi Lona u irisiya.

1 JAŊ 3:23

Gola ni gaɗta nam daygirara ana tin huruygi kay Goromma Yesu Kristu, miniygi taygi duk taygi may ko Kristu ɦaygi gaɗ mamba kara na may.

HEBRENA 13:18

Cenegi Lona kami tew tew, ami wi ana ami ka u saara jivira, ami min ana poy mamira mba li ɗegee hu tlena halaŋ.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

JEREMI 4:14

Mbus huruk ki u dla cora halaŋ, ndak hin buɗ kiyo Yerusalem. Ndak hin paɗ saara cora ki hurukŋi sabage?

GA 8ATAMBARA 10:12

Cemi ni agi suu Israelna va Yawe Loogina ka juɓum kogina ni mege? Va ma nam juɓumma ni ana agi li ndaa Yawe Loogina, tuɗugi hu voɗ mamba na ɗegee. Min a sun Yawe Loogina u hurugi halaŋ, u mbalatagi halaŋ lay.

SOFONI 3:7

An ɓak tan ana, Jivira ni ndak humun gin vununu, van gin haɗ manda kaku, ni ziik hin ka bulum kiɗi. Hu li ma an kal duk wa ni, suu maɗsina ɦal ni yal ma viɗ yam suuna ki viɗina na ɗow ɗow.

ROMMA 12:9

Li minda gasira, hin cora kiyo, njunugi tagi saɓaki eg jivira.

1 TIMOTE 1:18

Timote, goronna, an daŋ gaɗ ndaɗta ni maŋu, ni kay boy ma suu jok vun Lona dam ay ki kaŋ jewna aŋ col kay boy namma a duu duu ma jivina.

1 JAŊ 3:10

Ni va ma tak goryoŋ Lonna ki jivi ɗal ɗal u suu vi Satannana, sa ka li dlara ɗegeeraɗi min wayammaɗi layna, ni ka goŋ Lonnaɗi.