1 TIMOTE 1:4 - Boy Lonana

⁴ Dasi asi hin dlara njunjunda u sem somoyosi suu day daynara kiyo. Dla ndaɗta zulni ciwayra ɦawaa, ka tuɗ sunda suɗta vi Lona ta ay vi huri uɗta fokgi.

1 TIMOTE 1:4 ပူးပေါင်းရင်းမြစ်များ

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

EFESNA 3:2

Agi hum kay sunda Lona u jivi mamba ɦanda kon a laɗ dukugira.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 TIMOTE 4:7

Hin dlara njunjunda tafaɗira vi boyogi suu maana, ta garak u boyna vi vira kiyo, haɗ taŋ a vi u Lona na ɗow.

1 TIMOTE 6:11

Aŋ sana vi Lona hin dlara halaŋ wanda kiyo, hal ɗoɓira njun taŋ eg Lona u vira, minda, ɗilira, lalamba.

1 TIMOTE 6:20

Aŋ Timote gol dlara ɦaŋga koŋ wanda jiviya, hin boy ma fiyek ma bay umma ma ka taɓ u viraɗina kiyo, u dla mayra yaɗ ana wira ta ka u voɗoɗɗira hiniɗ kiyo.

2 TIMOTE 2:14

Gasi humusi halaŋ dasi ki eŋe fok Lona kay asi mba ɗeɗ duk tasi kay boynaɗi. Ɗeɗna wanni ka li vaɗi ɓeŋ suu humumma ki ni ɓeŋi na ɗow.

2 TIMOTE 2:22

Hin dlara aŋ laɗ u zoŋoŋga ki bel bel, hal ɗegeera, vira, minda u heɓpa u huruŋ ki pasiyak taɓi u suu ka yi sem Bu Suunana.

2 TIMOTE 2:23

Noy ciwayra laɓara u giniŋga kiyo, aŋ wi ana dla ndaɗta tuɗ daɓ ki ni u ɗeɗna.

2 TIMOTE 4:4

Asi hin mbuɗ hum gasira oloɗi, asi hin hoŋ irisi tin saa masira ni kay njun njunda.

TITTA 1:1

Ni an Pol ma sun Lona, sa vovoɗta vi Yesu Kristuna. Lona yan kay a mbaa suu nam manasi kina hu vira, kay a takasi gasi mayra viiygira haɗata,

TITTA 1:14

Kay asi mba njun tasi u njun njunda vi suu Juifna oloɗi, tuɗ u gaɗta vi suu hin gasira kinaɗi lay.

TITTA 3:9

Hin ciwayra bay uɗta kiyo u sem somo suu day dayna, honira u duu ma duu tara kay gaɗta, tle asina hinisi kiyo. Asi ni ɦawaa, dlaasira kaɗi.

HEBRENA 13:9

Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.

2 PIYER 1:16

Ami ɓakagi ni ka kay dla mayra njun njunda u yamba a agi mba wi mbara u saɓakŋa vi Bu Suuna Yesu Kristu ɦawa naɗi, ami wi ŋgol mamba u irimiya.