1 TIMOTE 1:17 - Boy Lonana

¹⁷ Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

1 TIMOTE 1:17 ပူးပေါင်းရင်းမြစ်များ

Magaara JUD Ɓiiriɗta 1:25

Ni maŋ Lona hol Saay ma Suɗta, Bu Suuna Yesu Kristu, ŋgolla u ŋgolla, bibiŋilla u saɓakŋa u eŋga, gijaŋŋa ay jewra day cecemmi lay, ha fokka lay gak gak a fafatɗa, Amin.

WIRA ŊGAYRA 19:1

Ŋgoo dagan an hum del suuna ay kolo huulona eŋga, ko del suuna bolow coco na, di ana, «Geleɗegi Lona! Bu Suuna, suɗta, bibiŋilla, saɓakŋa, halaŋŋi maŋ Looygina.

1 DLAŊ MULINARA 29:11

Ŋgolla, saɓakŋa, bibiŋilla, mulla ni maŋ aŋ Yawe kay ana tlesuu huulonana halaŋ, tlesuu kay ndaŋgarana halaŋŋi maŋsina. Mulla u ŋgolla kay suuna halaŋga ni maŋ aŋ, Yawe.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

KOLOSNA 1:15

Kristu, ma suuna wam u irisina, tli tam u Lona ma bay sa wam u irimma, nammi gorom ma jewna, ŋgol su tlesuu nam lasina halaŋ.

WIRA ŊGAYRA 19:16

Sem ma ɓiiri kay baraw mamma u gayam kaŋgana ko fok wanda na, Mulna vi mulina, Bu Suuna vi Bu Suuna.

ROMMA 1:23

Hu li ma a geleɗ saɓakŋa vi Lona ma ka miɗɗina asi hoŋ geleɗ ni va ma tli tam ko sana ma miɗ kina na. Layagina, mburina, u tlesuu ɦaram kaŋgana, asi geleɗesi ni asiya.

SOOLLA 45:6

Mbuuru maŋga njaŋaraŋŋa saɓak cocoo. Suuna halaŋ cuk kaŋga uŋu, suu babali maŋsina halaŋ goɓ ga fokoŋu.

WIRA ŊGAYRA 19:6

An hum della ko suu ŋgolo suu bolowna na. Soo ko mbo ŋgolna ɓaɗta na, ko lona bayra na, an hummi asi di ana, «Geleɗegi Lona Bu Suuna Looygina ni ma Saɓakŋa Kom Belna, nam kaki kay suuna halaŋ mul ŋgolna.

1 JAŊ 4:12

Sa wi Lona u irim kaɗi lini aygi minigi taygi duk taygiya ni Lona hin li huruygi may, min mamba li ki gasi huruygi wa may.

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

SOOLLA 90:2

Jew bay ɦinira li tura, bay aŋ li ndaŋgara tu u tlesuu hu duliyarana tu lay, aŋ ka gak gakŋi Lona.

SOOLLA 10:16

Yawe ni mulna a fafaɗta, suu bay vina sa ha ka egem oloɗi.

WIRA ŊGAYRA 15:3

Asi gi soolla vi Moiz sa ma sun Lona u soolla vi Goo Timiina ana. «Bu Suuna, Lona ma Saɓakŋa Kom Belna, sun maŋga ni ta ŋgolla, ta dlaɗ su ki kay suunara mul ŋgolna vi njaf suuna dlaaŋga aŋ ŋgaaɗta ni ɗegee, gasi lay.

WIRA ŊGAYRA 7:12

Asi di ana, «Ni na daŋ may geleɗta u ŋgolla u nera u gi deɓpa, ŋgara ŋgolla, saɓakŋa u eŋga maŋ Loomina a fafatɗa. Ni na daŋ may.»

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

1 PIYER 5:11

Saɓakŋa ni mamma lay gak gak. Amin.

HEBRENA 11:27

U vira Moiz hin ndaŋga Egipte li ndaa ka ko yara vi mulnaraɗi, nam kak u ɗigilla na en, ko nam wi Lona u irim na.

ROMMA 16:27

Nera ni maŋ Lona ma bibiŋilna dew u Yesu Kristu a fafatɗa. Amin.

ROMMA 11:36

Tlena halaŋ mbay ni kom u tlesuu kana halaŋŋi kom namu asi ni mam lay. Geleɗta maŋ Lona a fafatɗa. Amin.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

ROMMA 1:20

Ni kay mayra Lona min duliyara ay day dayra, dlaamba bay sa waɗ u irimba ni di ana saɓak mamma ka daɓi ɗina, u dlaam mayra ana ni nam Lona daŋ mayra, ni halaŋ tak ki kay sun mayra nam laɗ ndaɗta ni suuna ndak kay wamu, ii boy masina ka ndak a ɗoɓ oloɗi.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

MISE 5:2

Kay ndaɗta Lona hin noyosi ki ta ta hu li ma ca mayra a vuɗ goonara vuɗum kira. Ɗaŋŋi suu usi hin ko gorsesinana hin taɓ ko tasi u goryoŋ Israelna.

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

SOOLLA 145:13

Mul maŋga ni mulla din dinda, mul maŋga ka ni hu basara basara halaŋ. Lona ni gasira, ɗegee hu sun mamba halaŋ.

SOOLLA 106:48

Gi deɓpa maŋ Yawe, Lona vi suu Israelna, ay hu gijaŋŋa ha fok na gak gak. Suu halaŋŋa di ana, «Amin.» Amen. Halleluya.

NEHEMI 9:5

Suu Levina, Yesua, Kadmiyel, Bani, Hasabneya, Serebiya, Hodiya, Sebaniya, Petahiya di ana, «Yowogi kolo gagi deɓpa maŋ Yawe, Loogina, ma ay hu fokka day a fafaɗtana. «Ko asi geleɗeŋ seŋ ma bibiŋilna, ma su ki kay ŋgara u geleɗta halaŋŋa.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

SOOLLA 57:11

Kay ɗegee maŋga tuɗ ta ta huulona, bibiŋil maŋga oy yam daŋgara halaŋ, tuɗ ta ta su kay ɗugulla.

SOOLLA 45:1

Soolla vi sa ma fok suu gi soollana, soolla a haɗta u minda vi goryoŋ Korena, gaɗ u lis.

SOOLLA 41:13

Aŋ njun unu van kon kolo wa, aŋ ka u an hu buuna halaŋ a fafaɗta.

Boy Ma Ayra Ma JAŊ Ɓiirimma 5:44

Agiya, agi hal ni geleɗ magira duk tagira, geleɗta col ay kolo ko Lo ma dewna, agi ka halaɗɗi. Agi hin tin hurugi gin kay Lona ni ana mege?

ROMMA 2:10

Ni nam Lona hin ɦal ŋgolla u geleɗta u heɓpa maŋ suu li jivina halaŋ, gijaŋŋa u suu Juifna hin mba kay suu daŋŋa.

HEBRENA 2:7

Aŋ hoŋom ki goo su suu sunda huulona kay buu njok ɦawaa, ni aŋ ɦam ŋgolla u geleɗta ko mul ŋgolna na. [Aŋ tinim kay sunda aŋ laɗ u koŋga.]