1 TIMOTE 1:15 - Boy Lonana

¹⁵ Gola wanni boy ma gasina ma sana ndak a vamma, Yesu Kristu mbay hu duliyara tani kay suɗ suu cona, dukusi halaŋŋi ma co saɓakina ni anu.

1 TIMOTE 1:15 ပူးပေါင်းရင်းမြစ်များ

JOB 42:6

Cemi ni kay boy man ma an damma zolona van funun wa, an hom wa. Cemi ni an ka ci way oloɗi.

EZEKIYEL 16:63

Kay ana humuk hin gaku, ndak hin mbuɗ ki zolona. Hu li namma ni ndak ka a mal vunuk a di boy oloɗi. Hu li ma an bulumuk dla cookka ndak laɗta kina. Di ni Bu Suuna, Yawe.»

MATIYE 1:21

Ndaɗ hin vuɗ goona, aŋ tinim sem ana Yesu, kayme nam hin suɗ suu mamsina ki hu coosira.»

MATIYE 18:10

«Lagi tagi jiviya, kay kemba ca ni, gologiya maa lalasiya. An dagi ha ni gasira suu masi suu sunda huulona eg Bun ma kolona golom irim kasi tew tew. [

MATIYE 18:11

Kayme Goŋ Sanna mba ni a suɗ suu ki viɗina.]

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

MATIYE 9:13

Tuɗugi haɗagi boy ma ɓiiri namma ay hu magaara tuwa. Boy namma di ay jew ana, An min ni ɗegeera hu sanara, ka ɓivun ma yoorinaɗi. An mbay ka yi suu hurusi ɗegeenaɗi, an mbay ni kay suu cona.»

MARK 2:17

Yesu hum na ni, nam dasi ana, «Suu may suu tasi ka tasiɗina, ka tuɗ hu li ma hal kumunaɗi. Suu tuguɗira halammi asiya. An mbay ka a yi suu hurusi ɗegeenaɗi. An mbay ni kay suu cona.»

Boy Ma Ayra Ma LUK Ɓiirimma 15:2

Suu Farisenna u suu wi magaara gaɗta hosok duk tasi ana, «Sa namma vi suu cona varam ti funa u asi lay.»

Boy Ma Ayra Ma LUK Ɓiirimma 19:10

Goŋ Sanna mba ni a hal suu ki viɗina a suɗusi kiyo.»

Boy Ma Ayra Ma LUK Ɓiirimma 5:32

An mbay ka yi suu hurusi ɗegeenaɗi. An mbay ni kay suu cona, a hurusi mbuɗ ki jiviya.»

Boy Ma Ayra Ma JAŊ Ɓiirimma 1:12

Suu ɦiw vi umu, tin hurusi kamu, nam ɦasi saɓakŋa a asi ndak mbuɗ ki goryoŋ Lonna.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 12:47

Sa ma humun boy manna ka vi umbi na, an ka kaɓak mamma ni anɗi. An mba ni a suɗ suu hu duliyarana kiyo, ka a kaɓakŋa kay suunaɗi.

Boy Ma Ayra Ma JAŊ Ɓiirimma 3:36

Sa tin hurum kay Goonana, fi iirira ka daɓ kiɗira. Sa ka tin hurum kay Goonaɗina, ka fi iiri ndaɗtaɗi. Yara vi Lonara hin tok kamu.

SUNDA 11:1

Suu vovoɗta u gorsesi suu vina hu mbassa Yudera hum ana suu njaf ma daŋŋa hum boy ma vi Lonna.

SUNDA 11:18

Asi hum boy namma na ni seŋ vunna ni na gaw, gijaŋ geleɗ Lona ana, «Gasi Lona ɦal voɗta maŋ njaf suu ka Juifnaɗina a asi jok iiri masira ki zeɗ, a fi iiri ta gasira lay.»

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

ROMMA 11:14

An ɓeŋ huu suu hu njafanna kay yowmus masina hurusina kay a suɗ suu ki dukusi ɦiw.

ROMMA 5:6

Hu li ma saɓak maygina kaɗina Kristu miɗ ki kay suu cora hu buu ma Lona ŋgaamma.

1 KORINTNA 15:9

Duk suu vovoɗta halaŋŋi an ni ma kaɗaki dukusina, an ka ndaki gin a sa yan a sa vovoɗta naɗi, kay an las suu vi suu vi Lonna cocoo.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

1 TIMOTE 1:13

An ay jew ni sa ma duu u namma lay sa ma lasamma sa ma ŋgulumma lay ni nam Lona wan hahawan kay mege an ay jewni ka vi umbi ka wi dlara an a laɗtaɗi lay.

1 TIMOTE 1:19

Gol viiŋga u saa maŋga jivira, suu ɦiw ka hum u saa masiraɗi kay ndaɗta viisira ɓalak kiyo.

1 TIMOTE 3:1

Boyna wanni boy ma gasina, lini sana min sunda gol suu vi Kristuna, ni nam tli ni sunda jivira.

1 TIMOTE 4:9

Gola boyna wanni boy ma gasina ndaki a sa vamu.

1 TIMOTE 6:13

Fok Lona ma ɦal iirira maŋ tlena halaŋŋa fok Yesu Kristu ma diki kay dlara jivira vi vira fok Pons Pilat, an gaɗaŋu,

2 TIMOTE 2:11

Boy namma wanni boy ma gasina, «Lini aygi miɗ u namu aygi hin kak iiri u nam lay.

TITTA 3:8

Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

1 JAŊ 5:11

Gola ni boy diki ndaɗta ana Lona ɦaygi iirira ka daɓ kiɗira, aygi mbuɗ a fi iirira ni u Goromma.

WIRA ŊGAYRA 21:5

Sa ma kaki kay dlamba mulla hin di ana, «Cecemi an min tlena ki wili halaŋ.» Nam hin dan ɗaŋ ana, ɓii boyna wanni, boy manna ni gasi sana ndak a tin hurumu.

WIRA ŊGAYRA 22:6

Ŋgoo dagan sa sunda huulona danu, «Boy namma ni gasi a sa tin hurum kamu. Bu Suuna Lona ma ɦal Musuk mamba maŋ suu jokom vunumma, sun saam ma sunda huulona tak suu sunumma ki kay dlara hin mbayra.»

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.