1 TIMOTE 1:10 - Boy Lonana

¹⁰ Kay suu li zoŋga, suu buu u ndarayasi njufina, u suu gus suuna kina, u suu kaboyna, suu suu tasi kay dossa, suu li dlara daŋga ko ndaɗta nana, ka taɓ u gasira vi haɗtaɗina.

1 TIMOTE 1:10 ပူးပေါင်းရင်းမြစ်များ

DLAŊ LEVIRA 18:22

«Aŋ ka buu u ndaraŋ sa njufna ko buu u boyoginara naɗi, dla ndaɗta ki yow coco ii Lona.

2 TIMOTE 4:3

Kay lina hin mbaa suuna hin mbuɗ hum u haɗta gasira oloɗi, asi hin mbuɗ lini u min masira, asi hin tok suu a haɗasina bolow egesiya, suu asina hin dasi dlara asi min a humuɗta.

ROMMA 1:26

Ni kay ndaɗta Lona hinisi buɗi u saa masira cora duk zolona, boyogi masisina mbuɗ taɓ masira duk tasira ki va ma daŋŋa ka ko suuna lira na oloɗi.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.

1 TIMOTE 6:3

Lini sana haɗ gaɗta daŋŋi ka taɓi u boy ma gasina vi Bu Suuna Yesu Kristuɗi, ka u haɗta vi viigiraɗi lay.

Magaara JUD Ɓiiriɗta 1:7

Saaragi kay Sodom u Gomor u mbassa ŋguy kasira halaŋ, suu huna li dlara yowna, njufina mbuɗ buu u ndarayasi njufina ko suu sunda huulona asina naa. Lona hin ŋgalasi ki halaŋ u kura ka daɓ kiɗira, ɓak ma kaasina kasina ndak ne yam suuna halaŋ.

TITTA 1:9

Nam li ni sa ma col kay boy ma gasina, ma taɓi u haɗtana. Nam ndak a gaɗ suu hiŋŋa kay haɗta gasira, a tak cora vi suu ciwayra.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

HEBRENA 13:4

Suuna halaŋ gol ɗum masira jiviya, njufna u cara kak jivi eg tasiya. Lona hin mba kaɓakŋa kay suu li dlara yowna u suu li zoŋga.

DLAŊ LEVIRA 20:13

«Lini sana buu u ndaram sa njufna ko suuna buu u boyogina na ni, asi jakŋi casi kiyo kay dlara asi laɗta ni ka jiviɗi, yow cocoo, busuɗusi hoŋŋi kasiya.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.

2 TIMOTE 1:13

Li u boy ma gasi ma an daŋana col eŋ hu vira u minda ay taɓi hu Yesu Kristu u ndaɗta.

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

KALKIRA 21:16

Sa ma kul sa warna, gusum kina, ɗowba asi fam u sa namma komma, cam ki ciiya.

URA TIN AYRA 19:5

Asi yi Lot joɓom ana, «Suu may suu li cuk varaŋ njeŋge nina ni arage? Ҥamisina ay ki bunsu wa ami min buu u asiya.»

TITTA 1:13

Va ma nam damma ni gasi. Ni kay ndaɗta yalasi eŋe kay asi mba kak u tin huu ma ɗegeena.

KALKIRA 20:7

«Aŋ yi sem Yawe, Lo maŋŋa, ɦawa na gorɗi kay Yawe kaɓakŋa kay suu yam sem gor gorna.

WIRA ŊGAYRA 18:13

Ɓolok gu ma yam ana kanelna (gu ma yam ana amenna) mbul uɗirna, u tlesuu his fayatna, va ma ŋgal ndoosna, u summa, mbulna, fuɗta, wa blena, mbutlugina, timigiina, kulumina, u pupusna, mborɓiina, u suu warna lay.

ZAKARI 8:17

Saaragi hurugi kurufu a lagi dla cora duk tagiɗi. Minigi suura bay uɗtaɗi kay tle asina halaŋ an ka minisiɗi. Yawe di na.

Magaara Vi Sa Jok Vun Lona OZE 10:4

Aygi ɓakaygi boyna, suuruygi taygi suura ɦawara, vaygi vunuygi kay dlara ɓak ma ɗegeena wul kolo ko ndal ŋgusu ma ci suuna na kay zum hu senena.

GA 8ATAMBARA 24:7

Lini fi sa ma li dlara saɓakŋa vi wayam ma Israelna lasam ɗowba gusum ha kiyo, sa namma ni hin cam ki ni ciiya, bulumugi dla co ndaɗta ki dukugiya.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

ZAKARI 5:4

Yawe, ma Saɓakŋa Kom Belna, di ana, An gigiɗ ɦawa a ndaɗ tew ziŋ sa kulla a sa suu tam bay gasira tew tewna, ko ndaɗ kak hu ziimu, tamma kiyo, mbalna u gogoyra.

URA TIN AYRA 40:15

Kay asi van ay hu mbassa Hebrera ta ta tani lay, an li va ma co ma sa gan daŋgay kam kaɗi.»

URA TIN AYRA 37:27

Mbay gusuygina ki ko suu Ismaelna caygina kiɗi, kay nammi wayaygina, ni tliwiygiya.» Gorsemma vi boy namma.

1 TIMOTE 4:6

Lini aŋ haɗ gorseŋŋa na ni aŋ hin mbuɗ ni sa ma sunda vi Yesu Kristu ma jivina ni tak ki ana aŋ ti tina vi Musukka u boyna vi vira, li wa na ni aŋ tuɗ ni u haɗta vi gaɗta gasi.