1 TIMOTE 1:1 - Boy Lonana

¹ Ni an Pol sa vovoɗta vi Yesu Kristu, u gaɗta vi Lona ma suɗuygina u Yesu Kristu ma ay ka juɓumma.

1 TIMOTE 1:1 ပူးပေါင်းရင်းမြစ်များ

SOOLLA 106:21

Humusi maa ki kay Lona ma suɗusina, ma li dlara mbuɗ mbuɗta ŋgolora ay hu Egiptena,

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 43:11

Ni anu, anni Yawe. Bay an bani sa daŋ ma suɗ sa kaɗi.

EZAYI 43:3

Kay an, Yawe, ni Looŋŋa, ma Teteɗ ma vi suu Israelna ni saaŋ ma suɗuŋŋa. An ɦal suu Egiptena ki a mbuɗuŋga. Suu Etiyopina u suu Sebana varak ki ni kay seŋu.

EZAYI 45:15

Gasi daŋ may, aŋŋi Lo ma ay ki ŋgayna, Lona vi suu Israelna, ni Lo ma suɗ suuna.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

EZAYI 49:26

Suu lasaŋŋa an hin ɦasi tliwisi asi komomu, asi hin guruɗ u busuusi ko ndal suuna guruɗ u summa na. Suu warna halaŋ hin wi ki ana sa ma suɗuŋ kina ni an Yawe. Sa ma buɗun ay kina ni Lo ma vi Yakob ma Saɓakŋa Kom Belna.

EZAYI 60:16

Agi hin ci mbii njaf suuna ki halaŋ, agi hin ti begera vi muli suu daŋŋara ki halaŋ. Agi hin wi ki ana saagi ma suɗta ni an Yawe. Sa ma tuɗugi ay kina ni ma vi Yakob ma Saɓakŋa Kom Belna.

EZAYI 63:8

Nam di ana, «Gasi asi ni suu mansina daŋ may. Asi ni goryon suu ka mbaɗanɗina.» Nammi a sa ma suɗusi kina may.

Magaara Vi Sa Jok Vun Lona OZE 13:4

An tanda, Yawe, Looŋŋa, ay hu mbassa Egiptera day. Aŋ wan an kaɗi ni ka wi Lo ma daŋgi, sa suɗ ma daŋ kaɗi, ni an dew.

Boy Ma Ayra Ma LUK Ɓiirimma 1:47

hurun oy u furira kay Lo ma suɗta.

Boy Ma Ayra Ma LUK Ɓiirimma 2:11

Sa Suɗta vuɗ ha karam njeŋge ni hu zina fi David. Ni sa Lona Fuurumma, Bu Suuna.

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

ROMMA 1:1

Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.

1 KORINTNA 1:1

Ni an Pol ma Lona u min mamba yan a sa vovoɗta vi Yesu Kristu, u wayayna Sosten.

1 KORINTNA 9:17

An ŋgaɓ sun ndaɗta ni kay tanu ni an ndak a juɓ gin warak tuwa. Ni dlaanda daŋ may an vi nek manda tininda kanda wa.

2 KORINTNA 1:1

Ni an Pol sa vovoɗta vi Yesu Kristu u minda vi Lona, u wayayna Timote. Eg suu vi Kristuna, suu vi Lonna hu Korint u suu hin tasi ko Lona suu ka hu Gresna bel bel.

GALATENA 1:1

Ni an Pol sa vovoɗta, manan ka ni suunaɗi, ka u saɗi lay, ni Yesu Kristu u Lona Buna ma colom ki kolo iiri duk suu miɗina.

GALATENA 1:11

Gorsenna an dagini Boy ma Ayra ma an damma, ni ka yalna vi sana ɦawaɗi.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

2 TESALONIKŊA 2:16

Ko Bu Suuna Yesu Kristu u tamba u Lona Buy ma miniygina u jivi mamba ɦaygi so huu ma din dina u juɓpa lalamba.

1 TIMOTE 1:12

An gi deɓ Yesu Kristu Bu Suuna mayna ma ɦan saɓakŋa kay sun manda, gam deɓpa kay ŋgara nam ŋgaan ana an ɗegee ndaki a sunumura.

1 TIMOTE 2:3

Gola ni dlara jivira ii Lona ma suɗuygina.

1 TIMOTE 2:7

Ni kay ndaɗta nam van ki a sa di boyna a sa vovoɗta, kay a haɗ suu ka njaf suu Juifnaɗina kay vira u gasira, an ka kaboyɗi, di ni gasira.

1 TIMOTE 4:10

Gola aygi laygi sunda loɓ taygi lay ni kay juɓ Lona ma iirina, nammi Sa ma Suɗta vi suuna halaŋ, su saɓaki ni kay suu vina.

TITTA 1:3

Hu li ma nam ŋgaamma ni nam tak ki u boy mamma, ni u boy mam ma nam ɦannana an mba di ki ni u min mam nam Lonara Saay ma Suɗta.

TITTA 2:10

asi mbuɗ tlena vi maliyasina ki masisinaɗi. Na may asi tuɗ fok a tak tasi ki jivi ɗegee ni taki na ɗow ɗow, a geleɗ haɗta vi Lona ma suɗta mayna.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

TITTA 3:4

Hu li ma Lona Sa Suɗta tak jivi mamba u min mamba ki eg suuna halaŋ,

TITTA 3:6

Lona njay Musuk mamba ki kaŋga kaygi ŋgolo u Yesu Kristu Saaygi ma Suɗta.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

Magaara JUD Ɓiiriɗta 1:25

Ni maŋ Lona hol Saay ma Suɗta, Bu Suuna Yesu Kristu, ŋgolla u ŋgolla, bibiŋilla u saɓakŋa u eŋga, gijaŋŋa ay jewra day cecemmi lay, ha fokka lay gak gak a fafatɗa, Amin.