1 TESALONIKŊA 5:4 - Boy Lonana

⁴ Gorsenna, agi ka hu ndufundaɗi, a buu namma mba kafagi ko sa ma kulna naɗi.

1 TESALONIKŊA 5:4 ပူးပေါင်းရင်းမြစ်များ

1 JAŊ 2:8

Na ni an ɓiirigi ni gaɗta wilira, gaɗ ndaɗta tak gasi maɗta ki ni eg Kristu egegi may, lii ndufunna jak ki wa kiɗikka hin ni ndaɗu.

2 PIYER 3:10

Buu ma vi Bu Suunana hin mbani ko sa ma kulna na, hu buu namma wanni soora mbuɗ suuna ndaana ŋgolo tlesuu kolo huulonna hin yoo ki u kura, ndaŋgara u tlesuu huruɗna hin ŋgal kiyo.

KOLOSNA 1:13

Na nam buɗuygi ay ki hu saɓak ndufunda, cukuygi ki hu mulla vi gorom ma nam minimma.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

Magaara Vi Sa Jok Vun Lona OZE 10:9

Ay hu buu ma vi Gibea na day ni ndak li suluku Israel, asi hin jok usi kaɗi. Duu ma kay suu ci maɗna na li ay ka ni Gibeaɗi su?

JEREMI 42:16

ŋgew ma agi lam ndaaramma hin fagi ha tana hu mbassa Egiptera. Mayra agi saa kaɗ cocora hin tuɗ ha ugi lay ta ta hu Egipte, agi hin miɗ ki ni hu li namma.

GA 8ATAMBARA 28:45

«Givun namma halaŋ hin tokŋi kagiya, nam cuɗugi ugi ha ni na gak gak ta ta daɓagi kiyo, kay ana agi hum vun Yawe Loogina kaɗi, li ka u gaɗ mamba u nera nam dagiraraɗi.

GA 8ATAMBARA 28:15

«Na may lini agi ka hum vun Yawe Looginaɗi, ka min a saa kay gaɗ mamba a li uɗɗi, gola ni dla cora u gi vunna ta hin mbay kagira.

GA 8ATAMBARA 19:6

Sa ma sa sukulna u hurum ma yara ka ndak a cuɗ u sa ma ci maɗnana ha huɗi, ɗowba ɗagalam ki hu voɗta a cam kiɗi lay. Kay ndaɗta sa ma ci maɗnana ka ndak a miɗ kiɗi, kay sa ma nam camma dukusi ka gonok jewɗi lay.

WIRA ŊGAYRA 3:3

Humuŋ gaŋ kay va ma aŋ haɗamma, aŋ humummi jiviya. Hum u haɗ ndaɗta, mbuɗ huruŋ kay cooŋga. Lini aŋ ka dliɗ ki koloɗi, an hin mba kafaŋ ko sa ma kulna na, aŋ ka hin wi fat mayra ndaɗtaɗi.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

MATIYE 10:15

An dagi ni gasagi ana, Hu buu ma kaɓakŋa, zi namma hin wi hawra su zi ma Sodom u Gomor may.»

Boy Ma Ayra Ma LUK Ɓiirimma 21:34

«Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.

1 TESALONIKŊA 5:2

Kay agi kay tagira lay wi ki ana Buu ma vi Bu Suunana hin mbaa ni ko sa ma kulna na.

WIRA ŊGAYRA 16:15

«Hum haa, an min mba ni ko sa kulna na, furira ka kay sa ma kak jek jekena gol baraw mamma kay a nam mba tuɗ siiliɗina, a suuna wam ki siili nam mbuɗ ki zoloɗi.» Buu suuna di na.