1 TESALONIKŊA 4:3 - Boy Lonana

³ Lona minni ana agi li tagi ki teteɗ, agi doorogi tagi kay dla cora.

1 TESALONIKŊA 4:3 ပူးပေါင်းရင်းမြစ်များ

1 PIYER 4:2

Agi may ni daɓagi iiri magira kay ndaŋgara cecemira a li u minda vi Lona, ka u minda vi mbalataraɗi.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

HEBRENA 13:4

Suuna halaŋ gol ɗum masira jiviya, njufna u cara kak jivi eg tasiya. Lona hin mba kaɓakŋa kay suu li dlara yowna u suu li zoŋga.

EFESNA 5:17

Ni kay ndaɗta lagi tagi laɓaɗi, soogi tagi kay a hum va ma Bu Suuna min a agi lamma.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

1 TESALONIKŊA 4:4

Dukugi ni gegelay mba haɗ yal ma ɗum cara a kak u ndaɗ teteɗ ɗegeena.

GALATENA 5:19

Aygi wi sunda vi sa warna tak ki ni, boy zoŋga, bay ɗegeera, u dla cora.

1 JAŊ 2:17

Duliyara daɓ ki ni daɓiya, tlesuu hu duliyara suu suuna halasina hin daɓ ki ni daɓi lay, na may ni sa li dlara Lona miniɗta hin kak iirira a fafatɗa.

MATIYE 7:21

«Suu yan ana, Bu Suuna, Bu Suuna, ka cuk hu Mulla huulonara belɗi. Suu li minda vi Bun ma huulona cuk hu ni asiya.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

2 TESALONIKŊA 2:13

Gorsenna, ami gideɓ Lona kagi tew tew agi suu Bu Suuna minigina. Lona managiya kay agi mba suɗ ki fok jew u saɓakŋa vi Musuk Lonara ta mbuɗugi maŋ Lona kay tin hurugi kay gasira.

HEBRENA 10:36

Agi min a lini lalamba, kay a li va ma Lona minimma, hin fi va ma nam vi vunum kamma may.

EFESNA 6:6

Lagi jivira ni fokosi hu li ma asi ka gologina ɦawaɗi, a furiyusi hurusira ni agi lini u minda vi Lona u hurugi halaŋ ko agi ni mborɓii suu vi Kristuna na.

1 KORINTNA 7:2

Kay boyna vi zoŋga mariyaɗ ni sana li u caamba umu. Cara li u njufuɗ may.

SUNDA 15:29

Komogi tliw ma sana li ɓivunna maŋ fulina u nammaɗi, ci busunaɗi, kom va ma sana muruɗum muruɗi ɗi, gologi tagi jivi kay boy zoŋga. Lagi tagi jiviya, hin dlara halaŋga ndaɗta kiyo.»

SOOLLA 143:10

Haɗan a an li u min maŋga kay aŋŋi Loonna. Musuk maŋga ndaɗ jiviya, ndaɗ tinin irin hu voɗta jivira.

SOOLLA 40:8

Kay ndaɗta an di ana, «An wanni magaa maŋga ka takan u gaɗta kiyo.

1 TESALONIKŊA 5:18

Gagi deɓ Lona hu dlara fagira halaŋ. Ni dlara Lona min ana agi laɗ hu iiri magira u Yesu Kristura.

MARK 3:35

Sa ma li u dlara Lona miniɗta, sa namma ni wayanna, wayanda u sunu.»

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

KOLOSNA 1:9

Ni kay ndaɗta ami ka hin cenda cen kagira kiɗi, ay hu buu ma ami hum kagina day, ami joɓ Lona kay nam mba hoɓogi u wira vi min mamba, kay Musuk mamba mba ɦagi nera u yal mamma.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

Boy Ma Ayra Ma JAŊ Ɓiirimma 4:34

Yesu dasi ana, «Ti ma an tamma ni a li minda vi sa sunun ayna, a faɗ vun sunda nam ɦanda ana an laɗura may.

MATIYE 15:19

Saara cora col ay hu sana, zuɗum um ha a ci maɗna, li zoŋga may, li dla cora, kulna, kaboyna, li ŋgeŋŋa kay suuna halaŋ lay.

MATIYE 12:50

Sa ma li u minda vi Bun ma kolo huulona, sa namma ni wayanna, wayanda u sunu.»

KOLOSNA 4:12

Epafras ni wayagina lay gagi deɓpa nammi sa sunda vi Yesu Kristu ma cen Lona kagi tew tewna, kay agi mba kak saɓak hu ŋgussa ko suu ŋgolona na, kay min tagi a li sunda jivira ɗegee ta Lona miniɗta.

ROMMA 6:22

Cecemi agi buɗ ay ki ko dla cora wa, mbuɗ ni suu sunda vi Lona. Agi mbuɗ cecemmi suu vi Lonana, vuɗ magira ni poyra teteɗta, warak ma agi hin famma ni iirira bay daɓpa may.

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.

SUNDA 15:20

Ɓiirigisina magaara, asi kom tliw ma njenje ma sana li ɓivunna maŋ fulina u nammaɗi, doo tasi kay dlara zoŋga, asi kom tliw tlesuu muruɗusi muruɗina ɗi, ci busunaɗi lay.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

HEBRENA 12:16

Gologi tagi jiviya a sa mba li dlara zoŋgi, ko suuna ŋgolo humusi ka kay tlesuu teteɗnaɗi, ko Ezaw ma gus ŋgol mamba ki kay tlesuu tira naɗi.

ROMMA 1:29

Asi hoɓi u dlara dadamba, dla cora, halla hal tlena, huu ma cona, honira, ci maɗna, hoo vunna, ganyamba, mbaɗ vun ndarayasina u cora hu dlara dadamba ŋgolo.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.

MATIYE 5:32

Anu, an dagi ana, Lini sana bus caamba ki bus, ka ana nam faɗ ay hu dlara zoŋgaɗi ni, nam mbuɗuɗ ki cara li zoŋga ni namu. Sa ma vi cara njufuɗ busuɗ ay kira, li ni zoŋga u ndaɗu.

1 TESALONIKŊA 4:2

Agi wi haɗta vi Bu Suuna Yesu ta ami haɗagirara.

DLAŊ LEVIRA 15:18

«Lini sa njufna u cara buu tasi wa ni asi mbus tasi kiyo, asi ki mbuɗi njenje ta ta fiɗigiya.»