1 TESALONIKŊA 2:9 - Boy Lonana

⁹ Gorsenna agi wi lay sun mamira u las mamira ami laɗ njeŋge lay, faali lay, ka a tin nek mamira kay saɗi. Ami dagi ni Boy ma Ayra vi Lona.

1 TESALONIKŊA 2:9 ပူးပေါင်းရင်းမြစ်များ

2 KORINTNA 11:9

Fali mayra an ka varagira wani sa ma njun un a ɦan gursu kaɗi, kay gorseygi suu ay Masedoinna ɦan tlesuu njun unna halaŋ kay ndaɗta an ŋgom tan gak gak tinigi nek manda ka kagiɗi an min tuɗ fok a ŋgom tuna gak.

SUNDA 18:3

Kay asi halaŋŋi li ni sunda dewra cil ni zi barawna. Nam kak varasiya, asi li sunda ko tasiya.

2 TIMOTE 1:3

An gi deɓ Lona ma an ka sunumma u saara jivira ko somoyon suu jewna lira na. An gam deɓpa hu buuna tew tew hu li ma humun gan kaŋ hu cenda.

1 TIMOTE 5:5

Cara donora gasira sa ka egeɗɗi, ndaɗ tin saa maɗta kay Lona wa joɓom njunda nam njun uɗta u cenda hu buuna tew tew.

1 TIMOTE 4:10

Gola aygi laygi sunda loɓ taygi lay ni kay juɓ Lona ma iirina, nammi Sa ma Suɗta vi suuna halaŋ, su saɓaki ni kay suu vina.

1 TESALONIKŊA 2:6

Ami hal ka ana suuna ŋgaamiya naɗi. Ka agiɗi lay ka suu hiŋŋaɗi lay. Lini ami mina ni ami ndak a li a suu ŋgolo magisina ko suu vovoɗta vi Kristu na.

1 KORINTNA 9:18

Warak manna ni mege? Ni furira kay di Boy ma Ayra, dam ki maŋ suuna, ka joɓ va ana an sa di boyna ni warakan kayamiraɗi.

1 KORINTNA 9:15

An may ni manda ka naɗi, an ɓii magaara ni ka kay an a fi huwa naɗi, an min miɗ ni miɗi mariyaɗ ka a sa ŋgaan kay boy nammaɗi.

SUNDA 20:31

Humugi gagi kay basara hindi an laɗ u agira, faali lay, njeŋge lay an dagi ki kagi dew dew halaŋ u simina irinu.

NEHEMI 5:18

Tlesuu lasi hu buuna tew tewna ni mbutl dew, timigii suu jivina karkiya, tlekenina may, lasi ni manu. Hu buu ma doogona halaŋŋi sum veŋŋa ŋgol cocoo. Na lay ni an joɓ mappa ma vi mul ma ŋgolnana kaɗi, kay ana sunda nekka kay suu asina ɦay.

NEHEMI 5:15

Ki fokon jew ni, muli suu ŋgolo suu jewna ci suuna kiyo, yowosi mappana u sum veŋŋa ki kosiya, yowosi nus kelew doonona ki kosi dok-fiɗi olo. Suu masi suu li sunda lay las suuna coco lay. An tanda may ni an li ka naɗi, kay an li ndaa Lona.

1 TIMOTE 1:11

Haɗta ndaɗta faɗ ki ni hu Boy ma Ayra ma ɦanna ki nana, Boy ma Ayra ma di ki kay Lona ma bibiŋilna ma sari jivira.

1 TESALONIKŊA 3:10

Faali lay njeŋge lay ami ka cen Lona kay nam hinimi voɗta a ami wagi irigiya, a ɦuɗugi u viigira foko.

1 TESALONIKŊA 2:2

Hu li ma suuna lasami ay hu Filipi ŋgulumi lay ko agi wira na, Lona hin njunumi ɦami ɦiŋga a dagi Boy mamma Ayra duk ciwayra vi suuna.

1 TESALONIKŊA 1:3

Humumi gami fok Lona tew tew kay sun magira jivira hu vira, kay sunda hu min magira, u hurugi ma tini coco u juɓpa kay Bu Suuna maygina Yesu Kristu.

FILIPINA 4:16

Hu li ma an ay Tesalonik wani agi sunun tlesuu hawasi canna ha segi goy ca.

2 KORINTNA 6:5

Asi waɗamiya cukumi daŋgayna, duumi delemi a halami u boyna, cukumi hu sunda loɓma, ami ka buu senɗi, fi tiɗi lay.

1 KORINTNA 4:12

ami loɓomi coco a hal tina funumi u tamira. Hu li ma asi ŋgulumi lay ni, ami paɗ vunumi ki kasiya, hu li ma asi lasami lay ni ami ka noy kiɗi ka siɓa.

ROMMA 15:19

U saɓakŋa vi Musuk Lonara li dlara mbuɗta an gijaŋŋa a di Boy ma Ayra kay Kristu an gijaŋŋa hu Yerusalem tuɗ hu li ma daŋŋa tew ki hu ndaŋgara Illiri.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

ROMMA 1:1

Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.

Boy Ma Ayra Ma LUK Ɓiirimma 18:7

Lona may ni ka njun u suu mam suu tii tasi egem tew tewna naɗi su? Nam vi yam a njunusira su?

Boy Ma Ayra Ma LUK Ɓiirimma 2:37

Njufuɗ miɗ ki miɗ ni, ndaɗ kak vaydegeɗ li basara na dok kalavandi yam fiɗi. Ndaɗ kak hu Ziŋ Lonara gak gak, ndaɗ cen Lona faali lay njeŋge lay, li laara lay.

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

SOOLLA 88:1

Soolla vi sa ma fok suu gi soollana, soolla haɗta vi goryoŋ Korena, gaɗ u diffa u suu vi Heman ma Ezrana.

SOOLLA 32:4

Njeŋge lay, faali lay, koŋ ka buuri kan nekka, saɓakan daɓ ki ko ndal laara caŋ hu til faɗtara na.

SUNDA 20:24

Ni iiri manda an ka ŋgaaɗ a vama kay tanɗi, ni an tuɗ fok u ayra gak gak a daɓ voɗta u vun sun manda, ta Bu Suuna Yesu ɦandara kay a di ki kay Boy ma Ayra u oora vi Lona.

1 KORINTNA 9:4

Ami ka u voɗta kay tina u cina kay sun mamiraɗi Su?

2 KORINTNA 11:27

An li sunda loɓma u dlara nekka fan tew tew, an buu bay senna tew tew lay, mayra u laara can lay tew tew, ni an kak bay ti vaa, semeɗna can ŋgolo ka fi baraw ma cuk kaɗi lay.

2 MULINA 6:2

Hinimi ami tuɗ fun mbo lum ma Yurdanna, gegelay ni ka mbal ay kom dew dew a mba min li ma aygi lak huna kiyo.» Elize hoŋosi dira ana, «Tuɗugiya.»

VUN ŊGOLNA 31:18

Ndaɗ wi ki ana va ma ndaɗ hin famma ni jivi ɦay. Pindil maɗta ka tew ki njeŋgeɗi lay.