1 TESALONIKŊA 1:3 - Boy Lonana

³ Humumi gami fok Lona tew tew kay sun magira jivira hu vira, kay sunda hu min magira, u hurugi ma tini coco u juɓpa kay Bu Suuna maygina Yesu Kristu.

1 TESALONIKŊA 1:3 ပူးပေါင်းရင်းမြစ်များ

URA TIN AYRA 29:20

Ko ndaɗta na Yakob li sunda basara kiɗisiya kay Rasel. Basara kiɗisiya ndaɗta irimmi ko buu ma cana ɦawana, kay nam min Rasel cocoo.

DI BOLLA 2:26

Na ɗaŋ may Lona va ma sana minimma ni nam ɦamma, yalna, wira u furira. Na may sa ma li dla cora nam tinim a tok yam tlena, nam hin ɦasi ki maŋ sa ma nam minimma. Ndaɗta halaŋ ca ni ŋga tara, hin jak ki ni u semeɗna.

SOOLLA VI SALOMON 8:7

Mbo ŋgolona ka ndak a heɓ zoŋgaɗi lay, mbo lumma ka ndak a tluɓuɗɗi lay, lini sana ɦal tlegeyem suu hu ziimma ki na halaŋ a gus zoŋga lay ni ka faɗɗi.

Boy Ma Ayra Ma JAŊ Ɓiirimma 14:15

«Agi li mininu ni, agi hin vagi vun gaɗ manda.

Boy Ma Ayra Ma JAŊ Ɓiirimma 15:10

Agi li vi u gaɗ manda ni, agi hin lakŋi hu min manda ko an may ni vi u gaɗta vi Bunda an kaki hu min mamba may.

SUNDA 10:31

Nam dan ana, Korniye Lona humuŋ cen maŋga wa, humum ka gam kay njunda aŋ njun u suu hawra lay.

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

ROMMA 12:12

Furiyugi hu juɓpa, ɗigiligi irigi hu wihawra, cenegi u juɓpa egemu.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

ROMMA 15:4

Tlesuu ay hu Boy ma Ɓiirina jew halaŋŋa ɓii ay ni kay a takaygi u dlara, kay boy ma ay hu magaara namma halaŋ mba gaɗaya, kay ay mba kak u juɓpa u ɗigilla.

ROMMA 16:26

Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.

ROMMA 16:6

Gi deɓ Mari ta li sunda co co kagira.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

1 KORINTNA 13:13

Cecem wanda ni tlena hindi kaa, vira, juɓa, u minda, va ŋgol duk tlesuu asina ni minda.

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

2 KORINTNA 2:17

Ami ka ko suu may suu li paara u Boy Lonana naɗi, ni na ɗow Lona sunumi a di gasira ki fokomu ko suu sunda vi Kristu na.

GALATENA 1:4

Kristu ɦal tam ki u min mamba kay a suɗuygi ki hu cooygira, a buɗuygi ki hu duliyara co wanda, u minda vi Lona ma buygina.

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

GALATENA 6:9

Hiniygi sunda li jivira kiɗi, lini aygi maŋ ka kiɗi ni aygi hin feɗ jivira hu li ma lina hin ndakŋa.

1 TESALONIKŊA 3:6

Timote ay varagi hoŋ ay egemi wa, nam dami boy ma jivina kay dla viigira u min magira. Nam dami ana agi ka saa kami tew tew u furira, agi min a wami irimi ko ami hal a wagira na may.

2 TESALONIKŊA 1:11

Ni kay ndaɗta ami cen Lona kagi tew tew a Looyna mba mbuɗugi ndaki kay iirira nam yagi kaɗta. Ami cen Lona kay nam li u saɓak mamma kay dlara nam ŋgaaɗta halaŋ, u jivi mamba u sun magira agi laɗ u vira.

2 TESALONIKŊA 1:3

Gorsenna, ami gideɓ Lona tew tew kagiya. Dla ndaɗta jivira na ni kay viigira ka wul fok cocoo, ko minda agi min tagira tuɗ ha fok na din din.

1 TIMOTE 1:14

Bu Suuna mayna kuluɓun oo mamba ka daɓ kiɗira kanu. Nam mbuɗun sa vina u minda aygi taɓi hu Yesu Kristu u ndaɗta.

1 TIMOTE 2:3

Gola ni dlara jivira ii Lona ma suɗuygina.

HEBRENA 10:36

Agi min a lini lalamba, kay a li va ma Lona minimma, hin fi va ma nam vi vunum kamma may.

HEBRENA 11:17

U vira Abraham li ɓivunna u Isaak hu li ma Lona min tukumma. Lona vi vunumi u nam Abraham, ni nam hin dam ana nam li ɓivunna u gorom ma dewna olo.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

HEBRENA 4:11

Soogi tagi a cuk hu li ma koɗ ta namma, laygi a sa maa dukuygi mba li ko suu ay ŋgoo bagina hum vun kaɗira na, a hin ki bay kal hu li nammaɗi.

HEBRENA 6:15

Abraham juɓ u ɗigilla ni nam hin fi va ma Lona vi vunum kamma may.

1 PIYER 3:4

Jivi magira li ay ni hurugi kurufu na ɗow, jivi ndaɗta lini ta bay panda, u lalamba, ndaɗta ni ta ii Lona jivi cocora.

1 JAŊ 3:18

Goryonu, miniygi taygi u vunuygi ɦawaɗi u boy ma dam jivinaɗi lay, ndaɗ lini u minda gasira tak taɗ ki ni u dlara aygi laɗ u bik koygira.

1 JAŊ 3:21

Ni na olo, banayanna, lini huruygi ka takaygi cooygira ki iriygiɗi ni aygi wi taygi gasi fok Lona may.

1 JAŊ 3:3

Lini gegelay ma tin hurum kay Kristuna, nam hin mbuɗ ki teteɗ ni ko nam na may.

1 JAŊ 5:3

Gola minda aygi min Lonara ni ana aygi vam vun gaɗ mamba, gaɗ mamba ka kaygi loɓbi.

WIRA ŊGAYRA 2:19

An wi tlesuu aŋ lasina halaŋ, an wi ana aŋ min suuna cocoo, an waŋ ɗegee maŋga, u ɦala ɦal taŋ ki kay sundara lay, u lalam maŋga lay. An wi ana sun maŋga cecemi mbuɗ ŋgol su jewra.

WIRA ŊGAYRA 3:10

Kay aŋ humun boy manna aya vam u ɦiŋga, an hin goloŋ ko wihaw mayra hin mbay kay suu hu ndaŋgarana belna, a tuk suu kay ndaŋgarana halaŋ.