1 SAMUEL 8:20 - Boy Lonana

²⁰ Ami tamira may ni hin li ni ko njaf suu hiŋŋa na lay. Mul mamina hin kaami ɓakŋa kamiya, nam hin tuɗ ki fokomiya, tuɗ duuna u ami lay.»

1 SAMUEL 8:20 ပူးပေါင်းရင်းမြစ်များ

1 SAMUEL 8:5

Asi dam ana, «Gola aŋ mbuɗ ki maara, mbuɗ ni goryoŋ ka tuɗ kay balam seŋ oloɗi. Cecem wanda ɗaŋŋi aŋ ɦami mulna a kaami ɓakŋa kami ko njaf suuna halaŋga na.»

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

FILIPINA 3:20

Kami ami ni liimina ha koloo, ha hu ni ami juɓmi Sa Suɗta Bu Suuna Yesu Kristu dew.

2 KORINTNA 6:17

Ni kay ndaɗta Bu Suuna di ana, «Agi hinisiya taɓagi u asiɗi, taɓagi u tliw ma njenjenaɗi, an tanda may ni hin vagi egenu.

ROMMA 12:12

Furiyugi hu juɓpa, ɗigiligi irigi hu wihawra, cenegi u juɓpa egemu.

Boy Ma Ayra Ma JAŊ Ɓiirimma 15:19

Agi li ni maŋ suu hu duliyarana ni, asi hin minigiya, kayme agi ki ni masisina. An ŋgaɓagi ay ni anu, ɓaɗagi ay ki ko suu hu duliyara na ni agi ka masi oloɗi. Ni kay ndaɗta, suu hu duliyarana noyogi ki, ni na.

SOOLLA 106:35

Asi ɗumusi goryosi usiya, gijaŋ a goɓ loogi suu ɦawana ko asi na may.

GA 8ATAMBARA 7:6

Kay agi suu hin tagi ki maŋ Yawe Looginana. Yawe, Loogina managi ki ni namu, a mbuɗugi ki suu mam suu kay tamma duk njaf suu kay ndaŋgarna halaŋ.

NDUMBA 23:9

Ay kolo kay ɦinira day an golosi aya, kolo kay li mbuyna an saarasi ki jiviya, an wasi ni asi ni suu ki vay dasi zeɗna, ndumusi ka duk njaf suu halaŋŋaɗi.

KALKIRA 33:16

Ni sana hin wi ni u me ana an u suu maŋsina fi jivira iriŋ wa nige? Lini aŋ ka dukumiya ni, an u suu maŋsina hin wi ki ana ami ki ni zeɗ u suu daŋŋa naɗi su?»

1 SAMUEL 12:2

Cecem wanda ni, gola ni mul ma hin tuɗ fokogina. An tanda ki mbuɗi maari ki loɓiya, goryon hin dukugi wan na. Anni sa tuɗ ay dukugi u goo tan day ta ta karami.

1 SAMUEL 12:12

Na may ni hu li ma agi wi ana Nahas ma mulna vi goryoŋ Amonna mbay duurugiya, agi dan ana, ɦawaa ni mul ma hin kak kagina. Doli ɗini Yawe Loogina ni mul magina.