1 SAMUEL 7:3 - Boy Lonana

³ Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»

1 SAMUEL 7:3 ပူးပေါင်းရင်းမြစ်များ

URA TIN AYRA 35:2

Yakob di suu vo varamma u suu tuɗ ay umma lay ana, «Cukugi loogi suu vi suu daŋŋana suu ay kogina kiyo. Lagi tagi ki teteɗ, cukugi baraw ma wilina tagiya.

1 MULINA 11:33

Ni kay ana asi noyon kiyo. Asi goɓ kaŋga fok ciciwra, Astart, lo cara ta fi suu Sidonnara, fok Komos lo ma vi suu Moabma, fok Milkom lo ma vi goryoŋ Amonna. Asi min ka a tuɗ hu voɗ mandaɗi, ka li dlara irin ɗegeeraɗi lay, ka li u gaɗ manda u dlara an miniɗta ko bum David lira naɗi.

1 MULINA 8:48

Lini asi hoŋ ay egeŋ u hurusi halaŋ u saa masisra halaŋ hu mbassa asi ha ki hu duk suu babali masisinara, lini asi ka cen ay egeŋu, pereɗ irisi ay hu mbas masira, mbassa aŋ ɦaɗ ka maŋ somoyosira, hu ɦoŋzi ŋgol ma aŋ manam kina u zira an miniɗ a yaŋ seŋ hura ni,

2 MULINA 17:39

Yawe, Loogina, agi hin lammi ndaaram na hol. Nammi sa ma hin suɗugi ki ko suu babali magisinana.»

2 MULINA 23:15

Josiyas hawaɗ li ma teteɗ ma hu Betelna ki may. Li ma mbuy kolo ma Jeroboam ma goŋ Nebatna minim ka cuk suu Israelna halaŋ kaŋga hu corana. Nam hawaɗ otel nɗaɗta ki u li ma mbuy kolona halaŋ. Nam ŋgal li ma mbuy kolo namma kiyo, ŋgal gu ma Aserna ma pi huna ki lay.

1 DLAŊ MULINARA 22:19

Cecem wanda ɦagi hurugiya, hinigi tagi a hal Yawe, Loogina. Cologi koloo, minigi Ziŋ Lonara vi Yawe, Lonana, a hoŋ Zandukka Galamba vi Yawera u tlesuu li ɓi vun suu vi Lonna ay hu zira miniɗ u sem Yawera.»

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

2 DLAŊ MULINARA 19:3

Doli ɗini dlara jivira ka huruŋu, kay aŋ ŋgal gu ma teteɗ ma asi pam maŋ Aserana ki hu mbas maŋga bel bel. Aŋ vi u huruŋ halaŋ a hum vun gaɗta vi Lonara.»

2 DLAŊ MULINARA 20:33

Vam na lay ni li ma mbuy kolona bulum ka ki tuɗi. Suuna tok hurusi ka ki na dew u Lo ma vi somoyosinaɗi.

2 DLAŊ MULINARA 30:19

Maŋ suu tin hurusi a hal Lonana halaŋ, Yawe, Lo ma vi somoyosina, li ni tasi ka ki teteɗ ko gaɗta dira naɗi lay.»

VUN ŊGOLNA 16:1

Suuna saa dlara a laɗta. May sa ma li dla ndaɗta kina ni Yawe.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

JEREMI 36:3

Kala suu Yudana hin tin saarasi kay dla cora an di kaɗ ana hin lasira egesiyara kala, a gegelay hin hom ki kay dla coomba u tuɗ mamba cora, a an hin ɦasi gira kay maɗ ma asi camma u cora asi laɗta.»

JEREMI 4:1

Lini ndak hoŋ aya ni, ndak hoŋ ay ni egen anu. Yawe di na. Lini ndak yow zozot makka ki fokonu ni ndak hin ka poy na dadam oloɗi.

EZEKIYEL 14:6

Kay ndaɗta aŋ tuɗ di suu Israelna ana, Bu Suuna, Yawe, di ana, hoŋogi aya, hinigi fuli magisina ha kiyo. Pereɗegi ŋgorogi maŋ dlaagira cora halaŋ.

EZEKIYEL 18:31

Cukugi dla cora ci maɗna ta mbuɗugi ki suu ci maɗnara kiyo, mbuɗugi hurugi ni huu ma wilina u ŋgussa wilira may. Agi suu Israelna, agi min a ci tagi ki ni kay mege?

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

MATIYE 15:8

Lon di ana, Suu dee ndaɗta ŋgaan u vunusiya, hurusi ki egen day.

MATIYE 4:10

Yesu dam ana, «Ҥuɗ taŋ ha kiyo, Satanna. Ki ɓiiri ana, Aŋ goɓmi Lona Bu Suuna dew daŋ, ka goɓ sa daŋgi.»

MATIYE 6:24

«Sa ndak ka li sunda fok mulina mba'ɗi. Nam li min ma hiŋŋa ni hin maa ki dew. Nam li ɗegee u maa dew ni hin noy ma hiŋŋa may. Agi ndak a sun Lona may, gursura may na jakgi»

Boy Ma Ayra Ma LUK Ɓiirimma 4:8

Yesu hoŋom dira ana, «Ki ɓiiri hu magaara ana aŋ goɓmi Lona dew, sunummi nam dew daŋ.»

Boy Ma Ayra Ma JAŊ Ɓiirimma 4:24

Lona ni Musukka, suu a goɓomma goɓommi u Musukka u gasira may.»

GA 8ATAMBARA 10:20

Agi li ni ndaa Yawe Loogina, sunummi nam dew, agi njun tagi ni egem dew, agi li suu tagi kay dlaa ni u sem dew daŋ.

GA 8ATAMBARA 13:4

Agi hum boy ma vi sa ma jok vun Lona nammaɗi. Kay ni Yawe Loogina hal a tukugi ni tuki ɦawaa, kay a wi ki ana agi gasi ni suu min Yawe Loogina gasi u hurugi halaŋ u mbalatagi halaŋ may sura.

GA 8ATAMBARA 4:29

Ha hu li namma ni agi hin hal Yawe, Looŋŋa, agi hin famu lini agi halam u hurugi halaŋ u musukugi halaŋ.

GA 8ATAMBARA 6:13

Agi li ni ndaa Yawe Loogina dew, agi sunummi nam dew, agi suu tagi ni u sem dew daŋ.

JOSUWE 13:31

Yow nus mbassa Galaadta ay ki hu may u ɦoŋzi ma vi Astarot u Edrei zi ma ka hu mulla vi Ogka hu mbassa Basanda, mbas ndaɗta halaŋ ki ni maŋ Makir ma goŋ Manasena, ni ana maŋ nus goryoŋ Makirna u njafasi halaŋ.

JOSUWE 24:14

Josuwe hin gi mamma hu di ana, «Cemi wanda ni agi lagi ndaa Yawe sunummi namu, u ndaana u huu ma jivina u ɗegeera may. Cukugi loogi suu somoyogi sunusi ay ŋgoo lumma ii hiniŋŋana kiyo u suu ay kosi hu Egiptena lay. Sunugi ni Yawe.

JOSUWE 24:23

Josuwe hin dasi ana, «Cemi ni cukugi loogi suu ay hu mbassa daŋgana kiyo, tinigi hurugi ni kay Yawe na dew, Lona vi suu Israelna.»

SUU KAƁAKŊA 10:16

Asi njay loogi suu daŋ suu vo varasina kiyo. Asi gijaŋ a sun Yawe ma ka wi lassa vi suu Israelna u irimbina.

SUU KAƁAKŊA 10:6

Suu Israelna hoŋ li dlara ka ii Yawe jiviɗira olo. Asi sun loogi suu ɦawana gi Baal u Astart, loogi suu Aramma u loogi suu Sidonna, loogi suu Moabma u loogi suu vi goryoŋ Amonna, loogi suu vi suu Filistinna. Asi noy Yawe kiyo, ka min a sunum oloɗi.

SUU KAƁAKŊA 2:11

Suu Israelna li dlara ka ii Yawe jiviɗira, asi gijaŋ a sunni Baalgina.

SUU KAƁAKŊA 2:13

Asi noy Yawe kiyo. Asi sunni Baal u Astart.

1 SAMUEL 31:10

Asi cuk ɓagi ma vi Solna ki hu zira vi ful Astart, ɓalam ki kolo pay gulumun ma Bet-Seanna.