1 SAMUEL 6:5 - Boy Lonana

⁵ Agi hin tlagi foto tuguɗii ɦulu magira u kolom mayra ɓeŋegi mbas magira, agi hin ŋgaagi Lo ma vi suu Israelna. Kala kom hin mbuɗ ki feɗta kagiya kay loogina kay mbas magira.

1 SAMUEL 6:5 ပူးပေါင်းရင်းမြစ်များ

1 DLAŊ MULINARA 16:28

Ҥagi dee suuna maŋ Yawe, ɦagi bibiŋilla u saɓakŋa maŋ Yawe.

1 DLAŊ MULINARA 16:29

Ҥagi bibiŋilla u sem Yawe. Mbaagi ɓivun magina aya, mbaagi ay fokomu. Goɓogi kaŋga fok Yawe hu li ma teteɗ mamba tak taɗ ki kiɗikŋa.

SOOLLA 18:44

Aŋ suɗun ki ko yara vi suunara, aŋ kakan a mulna kay njaf suuna bolowo. Suu an ka wasiɗina lay ka ŋgaan cocoo,

SOOLLA 32:4

Njeŋge lay, faali lay, koŋ ka buuri kan nekka, saɓakan daɓ ki ko ndal laara caŋ hu til faɗtara na.

SOOLLA 39:10

An dug vunun wa, an ka malam ki oloɗi, kay an hin dlara halaŋŋi koŋu.

SOOLLA 66:3

Dagi Lona ana, «Sun maŋga mbuɗ mbuɗ cocoo, kay saɓak maŋŋa, suu gonok maŋsina halaŋ hom kaŋga fokoŋu.

KALKIRA 12:12

«Karam njeŋge ni an min poy mbassa Egiptera ki halaŋ. An hin ci gor suu vuɗ fok jew suu hu mbassa Egiptera ki halaŋ halaŋ, col ha kay suu warna ta ta yoorina. An ka ɓakŋa kay loogi suu Egiptena ni an, Yawe.

KALKIRA 8:17

Lini aŋ ka hin suu mansina a tuɗɗi ni, an min cukuŋ loloona ay kaŋu, kay suu sun maŋsina, kay suu maŋsina lay, kay ziiŋ taŋga lay, huu zi ma vi suu Egiptena hin oy ki u loloona halaŋ halaŋ u ndaŋgara asi tuɗ kaɗta lay.

KALKIRA 8:24

Faraw di ana, «An hin hinigi agi tuɗ li ɓivunna maŋ Yawe, Loogina, ki ŋgoo hu fulla, na lay ni tuɗugi day cocoɗi, cenegi ay kan may.»

KALKIRA 8:5

Moiz di Faraw ana, «A jivira ni aŋ ŋgaan li ma an a cen kaŋ huna kiyo, kay suu maŋsinana lay kay suu sun maŋsina lay kay a yow luu ma ka varaŋŋa ma kalafina ki halaŋ, luuna hinni hu lumma doy hol.»

EZAYI 19:1

Gola ni dlara njaɗ kay Egiptera, Yawe ful ay kolo kay ɗugul mayra ɓaɗ cocora, nam mba hu Egipte, fuli suu Egiptena dlak ndaana kom cocoo. Saɓak ma vi suu Egiptena lammi hurusi kurufuu.

EZAYI 42:12

Ko suuna ɦal ŋgolla ni maŋ Yawe, ko suuna geleɗem ha ki kay yam daara halaŋ.

JEREMI 13:16

Ŋgaagi Yawe Loogina jew bay nam kuluɓugi lina kagi ndufunda, jew bay segi daɓ eg tlesuu kolo mbuy suu ndufunda viɗisi ki irigiya. Agi juɓugi kiɗikka may, nam mbuɗuɗ ki ndufunda ci maɗna, nam tin ɗugulla warra ay koloo.

JEREMI 3:13

Na may ndak wi cookka. Ni eg Yawe, Lookŋa, ndak mbuɗ yara. Ndak nja kok ki u tuɗta cora kay cee suu daŋŋa u ŋgusu ma ɗufina lay. Agi humun delen kaɗi. Yawe di na.

JOEL 2:25

An waragagi ki ni basara jufulna ti tlena kira, baara, boboŋora u baa jeena, suu man suu duu suu an cukusi ay kagina.

JONAS 3:9

Sa ndak wiɗi lini Lona hurum heɓa, hin mbuɗ hurum a hiniygi kalage, hu li namma aygi ka ndak a ba kiɗi.»

MALASI 2:2

Lini agi ka humbi, lini agi ka vagi tagi a ŋgaanɗi ni, an hin cukugi dla cora kagiya, gagi vunna, Yawe ma Saɓakŋa Kom Belna di na. Gasi an gagi vunna kay ana dukugi ni sa hurum jivi ka na dewɗi.

NDUMBA 33:4

Hinisi asi suu Egiptena ha ni asi pi maɗ goryosi suu vuɗ fok jewna, suu Yawe casi ki a kaɓakŋa kay loogi masi suu ɦawana.

Boy Ma Ayra Ma JAŊ Ɓiirimma 9:24

Sa ma irim li ay dugina, suu Farisenna yam a mbara olo dam ana, «Ŋga Lona ami wi ana sa namma ni sa cona.»

JOSUWE 7:19

Josuwe di Akan ana, «Goonna, aŋ ŋga ni Yawe, Lona vi suu Israelnana ɗow, ɦam ŋgolla ni mamu, dan dlara ay laɗta ay kiyo ŋgay taa kaŋgaɗi.»

WIRA ŊGAYRA 11:13

Hu li namma na ni ndaŋgara wii na gizik gizik, keŋ ɦoŋzi ŋgol ma doogona bow ki kaŋga kirip! Suuna bup bup kiɗisiya wiira vi ndaŋga ndaɗta casi kiyo. Suu daŋ suu hin iirina mbuɗ ndaana cocoo, asi geleɗ Lona ma kolona.

WIRA ŊGAYRA 14:7

Nam di u delem eŋga ana, «Lagi ndaa Lona, geleɗemu, kay lina ŋga wa a nam a kaɓakŋa kay suuna, cenegi sa ma li huulona, li ndaŋgara, li mbo lumma ŋgolna u yo ma cira.»

WIRA ŊGAYRA 16:9

Suuna zamal fatɗa ŋgalasi lay ni asi ŋgul sem Lona ni ŋguli na ɗow ɗow ka hom kay coosiraɗi, ka min a ɦal ŋgolla maŋ Lona ma saɓakŋa kom suy kay dla ndaɗtanaɗi lay.

1 SAMUEL 5:11

Asi yi muli suu Filistinna halaŋ tok eg tasiya. Asi di ana, «Hoŋoygi Zanduk Lona tavi suu Israelnara. Ndaɗ hoŋ hu li ma ndaɗ ay huna, ka ndaɗ can kiɗi, an u suu mansina.» Gasi suuna mbuɗ ki ndaana hu ɦoŋzi namma, hal a ba tasi ki ko lassa Lona ka lasasira.

1 SAMUEL 5:9

Doli ɗini ŋgoo dagan tlira asi tlaɗ kira lay ni Yawe kom ka kay ɦoŋzi namma. Suuna mbuɗ ki ndaana cocoo. Yawe ci kemba u suu ŋgolo suu hu zi nammana kiyo. Nam mbaasi tuguɗii ɦuluna kasiya.

1 SAMUEL 6:8

Agi hin tli Zanduk Yawera, tuɗ tiniɗ hu pus pusna. Tlesuu mini u lorra suu agi ɦasi a min dukkana agi cukusi hu zandukka gora tiniɗ keŋeɗu. Agi hiniɗ asi tuɗ u ndaɗu.