1 SAMUEL 6:4 - Boy Lonana

⁴ Asi di ana, «Va ma ami hin ɦam a miniɗ una ni mege?» Asi di ana, «Kay ndum muli suu Filistinna tuguɗii ɦuluna vadl may, yoo kolom lorra vadl may, kay ana ni tuguɗiira mba kagi halaŋga kay muli magisina may.

1 SAMUEL 6:4 ပူးပေါင်းရင်းမြစ်များ

SUU KAƁAKŊA 3:3

Suu hin ka hu asina, suu hu mulla Filistinda iriɗ zeɗ zeɗ vadl. Suu Kanaanna, suu Sidonna, suu Hivna, suu cuki kolo kay ɦinira Libanda, col ay kay ɦinira Baal-Hermon day ta ta hu Lebo-Hamat.

JOSUWE 13:3

Col ha fun mbo lum ma Sihorna vok tam u mbassa Egiptera na ta ta tew hu mbassa Ekronda keŋ ma mbayawna na, li namma a ndum ki ni duk mbassa Kanaanda, muli suu Filistinna ka hu ni vadl, mul ma Gazana, mul ma Asdodna, mul ma Askalonna, mul ma Gatna u mul ma Ekronna. Suu Avna ka cuki hu lay.

1 SAMUEL 5:9

Doli ɗini ŋgoo dagan tlira asi tlaɗ kira lay ni Yawe kom ka kay ɦoŋzi namma. Suuna mbuɗ ki ndaana cocoo. Yawe ci kemba u suu ŋgolo suu hu zi nammana kiyo. Nam mbaasi tuguɗii ɦuluna kasiya.

1 SAMUEL 5:6

Yawe tak saɓak mamma ki eg suu Asdodna, ɓeŋ tlena ki varasi cocoo. Nam gasi tuguɗii ɦuluna kasiya, Asdod u ndaŋga maɗta.

1 SAMUEL 6:5

Agi hin tlagi foto tuguɗii ɦulu magira u kolom mayra ɓeŋegi mbas magira, agi hin ŋgaagi Lo ma vi suu Israelna. Kala kom hin mbuɗ ki feɗta kagiya kay loogina kay mbas magira.

1 SAMUEL 5:12

Suu bay miɗ tuna, tuguɗii ɦuluna vasiya, tii masi ma hahawra tuɗ ta ta tew ki kolo huulona.

KALKIRA 12:35

Suu Israelna li ko Moiz dasira na, asi joɓ tlena ko suu Egiptena cocoo, joɓ gursura u lorra lay, joɓ baraw ma cuk tara lay.

1 SAMUEL 6:8

Agi hin tli Zanduk Yawera, tuɗ tiniɗ hu pus pusna. Tlesuu mini u lorra suu agi ɦasi a min dukkana agi cukusi hu zandukka gora tiniɗ keŋeɗu. Agi hiniɗ asi tuɗ u ndaɗu.

SUU KAƁAKŊA 14:19

Musuk Yawera kal hu Samson. Nam tuɗ ki hu Askelon, ci suu huna na dok-hindi, yowosi barawi masisina, mba ɦasi maŋ suu gi u ganyamba kina. Hurum ɓeŋ ki cocoo nam hoŋ vo vi bumu.