1 SAMUEL 6:3 - Boy Lonana

³ Asi di ana, «Lini agi hoŋ Zanduk Lona vi suu Israelnara ni, agi hoŋoɗ ɦawa bay va uɗɗi. Agi hal yal ma a miniɗ mini na ɗow. Na ɗaŋŋi agi hin suɗ kiyo, agi hin wi dlara ko Lona ka tli ki kagiɗi kaɗta.»

1 SAMUEL 6:3 ပူးပေါင်းရင်းမြစ်များ

JOB 10:2

An hin di Lona ana kaan ɓakŋa kaɗi, takan dlara aŋ ka lan kaɗ wandara.

KALKIRA 23:15

Agi li luu ma ti fu ma bay kuffa dukumma buuna kiɗisiya ni agi ti ni fu ma bay kuffa dukumma ko an haɗaginara na hu til ma ŋgaamma til ma yam wana neeyna. Ni buu ma agi cuk ay ki hu Egiptena. Sa ka mbay egen a golon u kom ma vadlnaɗi.

KALKIRA 34:20

Na may goo kor ma vuɗ jewna aŋ mbuɗum ki u timiina. Lini aŋ ka mbuɗum naɗi ni aŋ cam ki gaw may. Goryoŋ suu vuɗ jewna halaŋ aŋ mbuɗusiya, sa ka mba egen u kom ma vadlna ɗi.

KALKIRA 8:15

Suu li dlara kumuna di Faraw ana, «Li dla ndaɗta ni Lona u tamba». Na may ni Faraw so hurum gak gak nam ka min a hum vun gi Moiz u Aaron ko Yawe dira naɗi.

DLAŊ LEVIRA 5:6

A nam hoŋ min duk ɦoŋom u Yawe kay cora nam laɗta ni, nam vi goo yoo ma tama ay dew, goo timii ɗowba goo ɦu wa. Kay a dan ɓivunna kay coombara. Mul ma li ɓivunna hin lam ɓivun ma bulumum coomba kina.»

DLAŊ LEVIRA 6:6

Ku mayra ŋgal ha na gak gak ka tewɗira ka ŋgal hu givin ma togolla tew tew.»

GA 8ATAMBARA 16:16

Hu basara dew ni suu magi suu njufiina hu njafagi halaŋ tuɗ fok Yawe Loogina hu li ma nam manamma sesi hindi hindi, hu luu ma fu ma bay kuffa dukumma, hu luu ma buu ma kiɗisiyana, hu luu ma vun mbutluɓma may. Sa ndak a tuɗ wi vok Yawe u komma vadlnaɗi.

1 SAMUEL 5:11

Asi yi muli suu Filistinna halaŋ tok eg tasiya. Asi di ana, «Hoŋoygi Zanduk Lona tavi suu Israelnara. Ndaɗ hoŋ hu li ma ndaɗ ay huna, ka ndaɗ can kiɗi, an u suu mansina.» Gasi suuna mbuɗ ki ndaana hu ɦoŋzi namma, hal a ba tasi ki ko lassa Lona ka lasasira.

1 SAMUEL 5:7

Hu li ma suu Asdodna wi dlara lasira na ni asi di ana, «Ka Zanduk Lona vi suu Israelnara li varaygiɗi kay ana ndaɗ ɓeŋem hurum egeygi lay eg Dagon looygina lay.»

1 SAMUEL 5:9

Doli ɗini ŋgoo dagan tlira asi tlaɗ kira lay ni Yawe kom ka kay ɦoŋzi namma. Suuna mbuɗ ki ndaana cocoo. Yawe ci kemba u suu ŋgolo suu hu zi nammana kiyo. Nam mbaasi tuguɗii ɦuluna kasiya.

1 SAMUEL 6:8

Agi hin tli Zanduk Yawera, tuɗ tiniɗ hu pus pusna. Tlesuu mini u lorra suu agi ɦasi a min dukkana agi cukusi hu zandukka gora tiniɗ keŋeɗu. Agi hiniɗ asi tuɗ u ndaɗu.

1 SAMUEL 6:9

Agi hin wi ɗaŋ ana lini ndaɗ tli voɗta hu mbas maɗtara tin iriɗ ha hu Bet-Semes na ni, ni nam tamba laygi dla cora egeygi ni namu. Li ka naɗi ni aygi hin wi ana ni kom laygi dla cora ka egeygi ni nambi, ni aygi faygi ni dakka.»